PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ତାରିଖ ସକାଳେ ସ୍ଥଳଭାଗ ବାତ୍ୟା ଛୁଇଁବ ବୋଲି ଏସଆରସିଙ୍କ ସୂଚନା।
  • ||
  • ଓମିକ୍ରନ୍ ଭୟ : ତାମିଲନାଡୁର ଏକ ସ୍କୁଲ୍‌ରେ କରୋନା ଆତଙ୍କ , ୨୫ ପିଲାଙ୍କୁ କୋଭିଡ୍‌ ପଜିଟିଭ୍
  • ||
  • ୨୯ ଦେଶକୁ ମାଡ଼ି ଗଲାଣି ଓମିକ୍ରନ୍ – ପ୍ରେସମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ଭାରତରେ ଓମିକ୍ରନ ,କର୍ଣ୍ଣାଟକରୁ ଚିହ୍ନଟ ହେଲେ ୨ ଓମିକ୍ରନ ଆକ୍ରାନ୍ତ , ପ୍ରେସ୍‌ମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ତେଲେଙ୍ଗାନାରେ ଚିହ୍ନଟ ହୋଇନି ଓମିକ୍ରନ , ଏ ନେଇ ଖବରକୁ ଖଣ୍ଡନ କଲା ତେଲେଙ୍ଗାନା ସ୍ୱାସ୍ଥ୍ୟ ବିଭାଗ । ବ୍ରିଟେନ୍‌ ଫେରନ୍ତା ମହିଳା କୋଭିଡ୍‌ ପଜିଟିଭ ଚିହ୍ନଟ
  • ||
  • ଭାରତରେ ପ୍ରଥମ ଓମିକ୍ରନ ଭାରିଆଣ୍ଟ ଚିହ୍ନଟ , ତେଲେଙ୍ଗାନାରୁ ଓମିକ୍ରନ୍‌ ଭାରିଆଣ୍ଟ ଆକ୍ରାନ୍ତ ଚିହ୍ନଟ , ଆକ୍ରାନ୍ତ ମହିଳାଙ୍କର ବୟସ ୩୫ ବର୍ଷ , ଇଂଲଣ୍ଡରୁ ଫେରିଥିଲେ ସଂପୃକ୍ତ ମହିଳା
  • ||
  • କଟକ: ଗାଡ଼ି ଟଣା ବେଳେ ଫାଇନାନ୍ସ କମ୍ପାନି କର୍ମଚାରୀ ଉପରକୁ ବ୍ଲାଙ୍କ ଫାଇରିଙ୍ଗ୍ ଘଟଣା, ଦୁଇ ଅଭିଯୁକ୍ତକୁ ଧରିବା ପାଇଁ କଟକ ପୋଲିସ ଟିମ୍ ଗଞ୍ଜାମରେ
  • ||
  • ଅମ୍ବାଦଳା: ୮ ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, ବାଇକ ସହ ୩ ଗିରଫ
  • ||
  • ବ୍ରହ୍ମପୁର: ବିଶିଷ୍ଟ ସିପିଏମ୍ ନେତା ବସନ୍ତ ନନ୍ଦଙ୍କ ହୃଦଘାତରେ ବିୟୋଗ
  • ||
  • ରାୟଗଡା: ୩ ବର୍ଷ ଅଙ୍ଗନବାଡି ଚାକିରି କରିବା ପରେ ଚାକିରିରୁ ବାହାର କରାଯାଇଥିବା ଅଭିଯୋଗ
  • ||
  • କାଶୀପୁର: ହାତଗୁଞ୍ଜା ବିନା ଘୁଞ୍ଚୁନି ଫାଇଲ, ପ୍ରାପ୍ୟ ପାଇବାରେ ହଇରାଣ ଅବସର ଶିକ୍ଷକ
  • ||
  • ପାପଡାହାଣ୍ଡି: ମହୁ ମାଛି ଆକ୍ରମଣରେ ବୃଦ୍ଧ ଗୁରୁତର!
  • ||
  • ସୁନ୍ଦରଗଡ଼: କୋଇଡାରେ ଥମୁନି ହାତୀ ଉପଦ୍ରବ, ଘରେ ଶୋଇଥିବା ବେଳେ ଟାଣି ଦଳି ଦେଲା ଦନ୍ତା, ଘଟଣା ସ୍ଥଳରେ ବୃଦ୍ଧଙ୍କ ଉଡିଗଲା ପ୍ରାଣ ବାୟୁ
  • ||
  • ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶର ଦ୍ବିତୀୟ ଦିନ, ଆରମ୍ଭରୁ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ, ୪ ଯାଏଁ ଗୃହ ମୁଲତବୀ
  • ||
  • ଭୁବନେଶ୍ୱର: ୧୨ ଘଣ୍ଟାରେ ଅବପାତ, ୨୪ ଘଣ୍ଟା ମଧ୍ୟରେ ବାତ୍ୟା ରପୂ ନେବ ସମ୍ଭାବନା
  • ||
  • ଭୁବନେଶ୍ୱର: ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୧୫କୁ ବୃଦ୍ଧି
  • ||
  • ଭୁବନେଶ୍ଵର: ୨୪ ଘଣ୍ଟାରେ ୨୫୨ କୋଭିଡ୍ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦୪୯୫୯୭ ଜଣକୁ ବୃଦ୍ଧି
  • ||
  • ନୂଆଦିଲ୍ଲୀ:୨୩ ରାଷ୍ଟ୍ରକୁ ବ୍ୟାପିଲା ଓମ୍ରିକନ୍, ଆନ୍ତର୍ଜାତିକ ବିମାନ ଉଡାଣ ସ୍ଥଗିତ
  • ||
  • ସୋର: ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଚୋରି
  • ||
  • କୋକସରା: ବିଦ୍ୟୁତ ସଂଯୋଗ ପାଇଁ ରାସ୍ତା ଅବରୋଧ କଲେ ଗ୍ରାମବାସୀ
  • ||

ସବୁ ଦଳରେ ଲବି: ମୋତେ ନଦେଲେ ସ୍ତ୍ରୀ, ପିଲାଙ୍କୁ ଦିଅ

source:updateodisha.com

ଭୁବନେଶ୍ୱର,୧୬ା୩(ବ୍ୟୁରୋ): ବୟସ କିମ୍ବା ବିରୋଧାଭାସ ପାଇଁ ଅନେକ ନେତା ଚିନ୍ତାରେ । ଦଳୀୟ ଟିକେଟ ମିଳିବ କି ନାହିଁ, ସେ ନେଇ ଆଖିରୁ ନିଦ ଉଡ଼ିଯାଇଛି । ଏମିତିରେ ନିଜ ପତିଆରା ଓ ନେତାପଣ ବଜାୟ ରଖିବାକୁ ନେତା ଧରିଛନ୍ତି ରାଜନୀତିର ପାରମ୍ପରିକ ଫର୍ମୁଲା- ମୋତେ ନଦେଲେ ସ୍ତ୍ରୀ, ପିଲାଙ୍କୁ ଦିଅ । ଆମ ଆସନ ଯେମିତି ଆମରି ଘରେ ରହୁ । ଏହି ନୀତି ଆପଣାଇଛନ୍ତି ଅନେକ ନେତା । ଶାସକ ବିଜେଡି ଦଳରେ ଏଭଳି ନେତାଙ୍କ ସଂଖ୍ୟା ଢେର । କଂଗ୍ରେସ ଓ ବିଜେପିରେ କିଛି କିଛି ନେତା ଏମିତି ଅଛନ୍ତି ।
ଯୋଗେନ୍ଦ୍ର ବେହେରା । ଲୋଇସିଂହା ବିଧାୟକ ଯୋଗେନ୍ଦ୍ର ଗତକାଲିଠାରୁ ନବୀନ ନିବାସ ଚକ୍କର କାଟୁଛନ୍ତି । ନବୀନ କିଛି କହିବା ଆଗରୁ ନିଜ ଆଡ଼ୁ ନିଜ ଦାବିଦାରୀ କାଟି ଦେଇଛନ୍ତି ଯୋଗେନ୍ଦ୍ର । ଖୋଲାଖୋଲି କହୁଛନ୍ତି, ମୋତେ ବୟସ ଅଧିକ ହେଲାଣି । ୫ ଥର ବିଧାୟକ ଓ ଥରେ ମନ୍ତ୍ରୀ ହେଲି । ଏବେ ଆଉ ପ୍ରତ୍ୟକ୍ଷ ରାଜନୀତି କରିବିନି । ସାନ ପୁଅ ନିହାରକୁ ଟିକେଟ ମିଳିଲେ ଖୁସି ହେବି । ପୁଅକୁ ଧରି ଗତକାଲି ସକାଳୁ ରାତି ଯାଏଁ ନବୀନ ନିବାସରେ ଡେରା ପକାଇଥିଲେ ଯୋଗେନ୍ଦ୍ର ।
ଏହି ତାଲିକାରେ ବରିଷ୍ଠ ନେତା ରବି ନାରାୟଣ ନନ୍ଦ ବି ଅଛନ୍ତି । ରବି ନନ୍ଦ ଗତ ଥର ଜୟପୁର ଆସନରୁ ନିର୍ବାଚନ ଲଢ଼ି କଂଗ୍ରେସ ନେତା ତାରା ପ୍ରସାଦ ବାହିନପତିଙ୍କଠାରୁ ହାରିଥିଲେ । ଏଥର ବି ରବି ବିଜେଡି ଟିକେଟ ଆଶାୟୀ । କିନ୍ତୁ ଶୁଶାଯାଉଛି, ବିଜେଡି ତାଙ୍କୁ ପ୍ରାର୍ଥୀ କରିନପାରେ । ଏଭଳି ଆଶଙ୍କା ସୃଷ୍ଟି ହେବା ପରେ ରବି ବି ସେଇ ଫର୍ମୁଲା ପ୍ରୟୋଗ କରିଛନ୍ତି । ତାଙ୍କ ପତ୍ନୀ ଇନ୍ଦିରାଙ୍କ ପାଇଁ ଟିକେଟ ଲବି ଆରମ୍ଭ କରି ଦେଇଛନ୍ତି ରବି ।
କଳାହାଣ୍ଡି ସାଂସଦ ଅର୍କକେଶରୀ ସିଂହଦେଓ ମଧ୍ୟ ଏହି ଫର୍ମୁଲା ଆପଣାଇଛନ୍ତି । ଶୁଣାଯାଉଛି, ଅର୍କକେଶରୀଙ୍କୁ ଏଥର ବିଜେଡି ଟିକେଟ ମିଳିନପାରେ । ତେଣୁ ଅର୍କକେଶରୀ ନିଜ ପତ୍ନୀ ମାଳବିକାଙ୍କୁ ଧରି ନବୀନ ନିବାସରେ ଟିକେଟ ଲବି ଆରମ୍ଭ କରିଛନ୍ତି । ଆଶା ବାନ୍ଧିଛନ୍ତି, ତାଙ୍କୁ ଟିକେଟ ନ ମିଳିଲେ ପତ୍ନୀଙ୍କୁ କଳାହାଣ୍ଡି ଲୋକସଭା କିମ୍ବା ଜୁନାଗଡ଼ ବିଧାନସଭା ଆସନରୁ ବିଜେଡି ଟିକେଟ ଦେବ । ଦୁଇଦିନ ତଳେ ଉଭୟ ପତିପତ୍ନୀ ଟିକେଟ ପାଇଁ ଢେର ସମୟ ନବୀନ ନିବାସରେ ଛିଡ଼ା ହୋଇ ରହିଥିଲେ ।
କୋରାପୁଟ ସାଂସଦ ଝିନ୍ନ ହିକକା ମଧ୍ୟ ଏଭଳି ଲବିରେ ଥିବା କୁହାଯାଉଛି । ରାଜନୈତିକ ପାଣିପାଗ ଯାହା, ବିଜେଡି ଏଥର ଝିନ୍ନଙ୍କୁ ପ୍ରାର୍ଥୀ କରିନପାରେ ।

୩୩% ମହିଳାଙ୍କୁ ଲୋକସଭା ପାଇଁ ପ୍ରାର୍ଥୀ କରିବାକୁ ନବୀନ ଘୋଷଣା କରିବା ପରେ ଝିନ୍ନଙ୍କ ଟିକେଟକୁ ନେଇ ଦ୍ୱନ୍ଦ୍ୱ ସୃଷ୍ଟି ହୋଇଛି । ଝିନ୍ନ ମଧ୍ୟ ତାଙ୍କ ପତ୍ନୀ କୌଶଲ୍ୟା ପାଇଁ ଟିକେଟ ଲବି ଚଳାଇଛନ୍ତି । ଝିନ୍ନଙ୍କ ପତ୍ନୀଙ୍କୁ ପ୍ରାର୍ଥୀ କରିବା ନେଇ ବିଜେଡି ବିଚାର ବିମର୍ଷ କରୁଛି ।
ମନ୍ତ୍ରୀ ବିଜୟଶ୍ରୀ ରାଉତରାୟ ମଧ୍ୟ ପୁଅ ପାଇଁ ଟିକେଟ ଲବି ଆରମ୍ଭ କରିଛନ୍ତି । ବିଜୟଶ୍ରୀ ଏଥର ନିଜେ ନିର୍ବାଚନ ନ ଲଢ଼ି ତାଙ୍କ ପୁଅକୁ ବାସୁଦେବପୁର ଆସନରୁ ପ୍ରାର୍ଥୀ କରିବାକୁ ଚାହୁଁଥିବା ଶୁଣାଯାଉଛି ।
ମନ୍ତ୍ରୀ ପ୍ରଫୁଲ୍ଲ ସାମଲଙ୍କ ଅବସ୍ଥା ବି ସମାନ । ଯଦି ଦଳ ତାଙ୍କୁ ଟିକେଟ ଦିଏ, ଠିକ୍‌ ଅଛି । ଆଉ ଯଦି ତାଙ୍କ ପତ୍ତା କଟୁଛି, ପୁଅକୁ ଟିକେଟ ଦେବା ପାଇଁ ପ୍ରଫୁଲ୍ଲ ଲବି କରୁଛନ୍ତି । ଭଣ୍ଡାରିପୋଖରୀ ଆସନରୁ ଏଥର ପ୍ରଫୁଲ୍ଲ ନା ତାଙ୍କ ପୁଅ ବିଜେଡି ପ୍ରାର୍ଥୀ ହେବେ, ତାହା ସ୍ପଷ୍ଟ ହୋଇନି ।
ବଲାଙ୍ଗିର ବିଜେଡି ନେତା ଅନଙ୍ଗ ଉଦୟ ସିଂହଦେଓ ଏଥର ନିଜେ ଓହରିଯାଇ ଦୁଇ ପୁଅଙ୍କୁ ଗାଦି ଛାଡ଼ିବା ପାଇଁ ଲବି ଚଳାଇଛନ୍ତି । ବଡ଼ ପୁଅ ତଥା ବଲାଙ୍ଗିର ସାଂସଦ କଳିକେଶଙ୍କୁ ପୂର୍ବବତ୍‌ ବଲାଙ୍ଗିର ଲୋକସଭା ଓ ସାନ ପୁଅ ଅର୍କେଶଙ୍କୁ ବଲାଙ୍ଗୀର ବିଧାନସଭା ଟିକେଟ୍‌ ଦେବାକୁ ସୁପାରିସ କରୁଥିବା ଶୁଣାଯାଉଛି ।
ସାଂସଦ ଅର୍ଜ୍ଜୁନ ସେଠୀ ଲଗାତାର ଭାବେ ଭଦ୍ରକ ଆସନରୁ ସାଂସଦ ନିର୍ବାଚିତ ହୋଇ ଆସୁଛନ୍ତି । ମାତ୍ର ବୟସାଧିକ କାରଣରୁ ଦଳ ତାଙ୍କୁ ଏଥର ପ୍ରାର୍ଥୀ କରିନପାରେ । ଏକଥା ଠଉରାଇ ପାରିଛନ୍ତି ଅର୍ଜ୍ଜୁନ । ତେଣୁ ଅର୍ଜ୍ଜୁନ ମଧ୍ୟ ଏହି ଆସନରୁ ତାଙ୍କ ପୁଅ ଅଭିମନ୍ୟୁଙ୍କୁ ପ୍ରାର୍ଥୀ କରିବାକୁ ଆଗ୍ରହୀ । ଏ ନେଇ ସେ ବାରମ୍ବାର ଦଳ ଉପରେ ଚାପ ପ୍ରୟୋଗ କରୁଥିବା ଶୁଣାଯାଉଛି ।
ଚିଟ୍‌ଫଣ୍ଡ୍‌ ଠକେଇ ମାମଲାରେ ଛନ୍ଦି ହୋଇ ଜେଲ୍‌ ଯିବା ପରେ କଟକ ଚୌଦ୍ୱାର ବିଧାୟକ ପ୍ରଭାତ ବିଶ୍ୱାଳ ବି ବିଜେଡିର ଗୁଡ୍‌ ବୁକ୍‌ରେ ନାହାନ୍ତି ବୋଲି କୁହାଯାଉଛି । ଚର୍ଚ୍ଚା ହେଉଛି, ଏଥର ପ୍ରଭାତଙ୍କ ଟିକେଟ କଟିପାରେ । ମାତ୍ର ନିର୍ବାଚନମଣ୍ଡଳୀରେ ସଂଗଠନ ସୁଦୃଢ଼ ରଖିଥିବାରୁ ପ୍ରଭାତ ଟିକେଟ ପାଇବେ ବୋଲି ଆଶାବାଦୀ ଅଛନ୍ତି । ଏମିତିକି ଯଦି ତାଙ୍କୁ ଟିକେଟ ଦେବାରେ ଦଳର ଅସୁବିଧା ହେଉଛି, ତାଙ୍କ ପରିବାରରୁ ଯେ କୌଣସି ସଦସ୍ୟକୁ ଟିକେଟ ଦେବା ପାଇଁ ପ୍ରଭାତ ଦାବି କରୁଛନ୍ତି ।
ଆଜି ନବୀନ ନିବାସରେ ଆଠମଲ୍ଲିକ ବିଧାୟକ ସଂଜୀବ ସାହୁ ବି ନିଜ ପୁଅକୁ ଧରି ଚକ୍କର କାଟୁଥିଲେ । ସେ ବୋଧହୁଏ, ଏହି ଫର୍ମୁଲା ଆପଣାଇପାରନ୍ତି ବୋଲି କୁହାଯାଉଛି ।
ପାଟକୁରା ବିଧାୟକ ବେଦ ପ୍ରକାଶ ଅଗ୍ରୱାଲଙ୍କ ବୟସ ୮୦ ଟପିଥିବାରୁ ଗତ ଥର ତାଙ୍କୁ ଟିକେଟ୍‌ ଦେବାକୁ ନବୀନ ଅମଙ୍ଗ ଥିଲେ । ଏଥର ମଧ୍ୟ ବୟସ ତାଙ୍କ ଟିକେଟ୍‌ ରାସ୍ତାରେ କଣ୍ଟା ସାଜିବ ବୋଲି ବେଦୁ ବୁଝି ସାରିଛନ୍ତି । ସେଥିଲାଗି ସେ ତାଙ୍କ ଝିଅ ଅଥବା ପୁଅଙ୍କୁ ପାଟକୁରାରୁ ଟିକେଟ୍‌ ଦେବାକୁ ଲବି ଚଳାଇଛନ୍ତି ।
ବିଜେଡିରେ ଏଭଳି ନେତାଙ୍କ ସଂଖ୍ୟା ଢେର । କେବଳ ବିଜେଡି ନୁହେଁ, ଅନ୍ୟ ଦଳରେ ବି ଏଭଳି ଲବି ରହିଛି । ନୂଆ ନୂଆ ପଦ୍ମ ଧରିଥିବା ଦାମୋଦର ରାଉତ ଆରମ୍ଭରୁ ନିଜ ପିଲାଙ୍କ ପାଇଁ ବିଜେପି ଟିକେଟ ଲବି କରୁଥିବା ଶୁଣିବାକୁ ମିଳିଛି । ନିଜ ସହ ଝିଅ ପ୍ରୀତିନନ୍ଦାଙ୍କୁ ବିଜେପି ଟିକେଟ ଦେବା ପାଇଁ ଦାମ ଲାଗି ପଡ଼ିଥିବା ଶୁଣାଯାଉଛି ।
କଂଗ୍ରେସରେ ଖୋଦ୍‌ ପିସିସି ସଭାପତି ନିରଞ୍ଜନ ପଟ୍ଟନାୟକ ପୁଅ ନବଜ୍ୟୋତି ପାଇଁ ଟିକେଟ ଲବି କରୁଥିବା କୁହାଯାଉଛି । ବାଲେଶ୍ୱର ଲୋକସଭା ଆସନରୁ ପୁଅକୁ ପ୍ରାର୍ଥୀ କରିବା ପାଇଁ ନିରଞ୍ଜନ ଲାଗିଛନ୍ତି । ଆବଶ୍ୟକ ପଡ଼ିଲେ ନିରଞ୍ଜନ ନିଜେ ପ୍ରାର୍ଥୀ ହେବେନି ପଛେ, କିନ୍ତୁ ପୁଅକୁ ପ୍ରାର୍ଥୀ କରାଇବେ ବୋଲି କୁହାଯାଉଛି ।
ପୂର୍ବତନ ପିସିସି ସଭାପତି ଜୟଦେବ ଜେନା ମଧ୍ୟ ଏହି ତାଲିକାରେ ନାଁ ଯୋଡ଼ିଛନ୍ତି । ସେ ମଧ୍ୟ ନିଜ ଟିକେଟ ସହ ପୁଅ ସଂଗ୍ରାମକୁ ଭଦ୍ରକ ଲୋକସଭା ଆସନରୁ ପୁଣି ଥରେ ପ୍ରାର୍ଥୀ କରିବାକୁ ଚାହୁଁଛନ୍ତି । ଅନନ୍ତ ସେଠୀ ମଧ୍ୟ ତାଙ୍କ ପୁଅଙ୍କୁ ଟିକେଟ୍‌ କରାଇବା ଲାଗି ଉଦ୍ୟମ ଜାରି ରଖିଛନ୍ତି ।
ବିରୋଧୀ ଦଳ ନେତା ନରସିଂହ ମିଶ୍ର ମଧ୍ୟ ନିଜ ପୁଅକୁ ପ୍ରାର୍ଥୀ କରିବା ପାଇଁ ଲାଗିଛନ୍ତି । ନରସିଂହ ବିଧାନସଭା ଓ ପୁଅ ସମରେନ୍ଦ୍ର ବଲାଙ୍ଗିର ଲୋକସଭା ଆସନରୁ ପ୍ରାର୍ଥୀ ହୋଇପାରନ୍ତି ବୋଲି କଂଗ୍ରେସ ସୂତ୍ରରୁ ଜଣାପଡ଼ିଛି ।

ସମ୍ବନ୍ଧିତ ଖବର