ନୁଆଦିଲ୍ଲୀ ୭/୪: ମହାମାରୀ କରୋନା ଭାଇରସର ବଢୁଥିବା ମାମଲା ଦେଖି ସରକାର ୨୧ ଦିନ ପାଇଁ ଲକଡାଉନ୍ ଘୋଷଣା କରିଛନ୍ତି । ୧୪ ଏପ୍ରିଲରେ ସମାପ୍ତ ହେବାକୁ ଥିବା ଏହି ଲକଡାଉନରେ ଆଉ ସପ୍ତାହେ ବାକି ଅଛି । କିନ୍ତୁ ଲୋକଙ୍କ ମନରେ ଏହି ପ୍ରଶ୍ନ ଆସୁଛି ଯେ ଲକଡାଉନ୍ ବଢିବା କିମ୍ବା ୧୪ ଏପ୍ରିଲରେ ସମାପ୍ତ ହେବ । ଏହା ମଧ୍ୟରେ ରାଜ୍ୟ ସରକାରମାନେ ଏବଂ ବିଶେଷଜ୍ଞମାନେ କେନ୍ଦ୍ର ସରକାରଙ୍କୁ ଲକଡାଉନକୁ ଆଗକୁ ବଢାଇବା ପାଇଁ ଅପିଲ୍ କରିଛନ୍ତି । କେନ୍ଦ୍ର ସରକାର ଏହା ଉପରେ ବିଚାର କରୁଛନ୍ତି ।
ସୂଚନା ଅନୁସାରେ ଜୁନ୍ ପର୍ଯ୍ୟନ୍ତ ସ୍କୁଲ୍ ଓ ଧାର୍ମିକ ଆୟୋଜନ ଉପରେ ସମ୍ପୂର୍ଣ୍ଣ ଭାବେ ରୋକ ଲଗାଇବା ପାଇଁ ନିଷ୍ପତ୍ତି ହୋଇପାରେ । ଏହା ସହ ଅଫିସରମାନଙ୍କ ଟ୍ରାନ୍ସଫର ମଧ୍ୟ ୬ ମାସ ପର୍ଯ୍ୟନ୍ତ ଟାଳିବାର ସମ୍ଭାବନା ରହିଛି ।
ରାଜ୍ୟମାନଙ୍କ ଆବେଦନ ଉପରେ ଚାଲିଛି ବିଚାର
ସରକାରଙ୍କ ଜଣେ ଉଚ୍ଚ ପଦସ୍ଥ ଅଧିକାରୀ ଜାତୀୟ ଗଣମାଧ୍ୟମ ଇଣ୍ଡିଆ ଟୁଡେକୁ ଦେଇଥିବା ସୂଚନା ଅନୁସାରେ ରାଜ୍ୟ ସରକାର ଏବଂ ବିଶେଷଜ୍ଞମାନେ କେନ୍ଦ୍ର ସରକାରଙ୍କୁ ଲକଡାଉନକୁ ଆଗକୁ ବଢାଇବା ପାଇଁ ଅପିଲ୍ କରିଛନ୍ତି । କେନ୍ଦ୍ର ସରକାର ଏନେଇ ବିଚାର କରୁଛନ୍ତି । ପ୍ରଧାନମନ୍ତ୍ରୀଙ୍କ ଦ୍ୱାରା ଗଠିତ ଉଚ୍ଚ ସ୍ତରୀୟ ସମିତିରେ ଅନେକ ରାଜ୍ୟ ନିଜ ପ୍ରତିକ୍ରିୟା ପଠାଇଛନ୍ତି ଯେଉଁଥିରେ ରାଜ୍ୟମାନେ ଲକଡାଉନକୁ ବଢାଇବା ପାଇଁ ସୁପାରିଶ କରିଛନ୍ତି ।
କଣ ଜୁନ୍ ପର୍ଯ୍ୟନ୍ତ ରହିବ ଲକଡାଉନ୍ ?
ରାଜ୍ୟମାନଙ୍କରୁ ମିଳିଥିବା ଫିଡବ୍ୟାକରେ ସବୁ ପ୍ରକାର ଧାର୍ମିକ ଗତିବିଧି ଉପରେ ସମ୍ପୂର୍ଣ୍ଣ ପ୍ରତିବନ୍ଧକ ଲଗାଇବା ମଧ୍ୟ ସାମିଲ ଅଛି । ରାଜ୍ୟମାନଙ୍କର କହିବାନୁସାରେ ପ୍ରତିବନ୍ଧକ ସବୁ ଧର୍ମ ପାଇଁ ଲାଗୁ ହେଉ ଏବଂ ଏଥିରେ କୌଣସି ଢିଲା ନହେବା ଉଚିତ୍ । ରାଜ୍ୟମାନଙ୍କ କହିବାନୁସାରେ ସ୍କୁଲ୍ ଓ କଲେଜ୍ ବିନା କୌଣସି ଅସୁବିଧାରେ ଜୁନ୍ ପର୍ଯ୍ୟନ୍ତ ବନ୍ଦ ରଖିବାକୁ ହେବ ।
ସରକାରୀ କ୍ଷେତ୍ରରେ ସମସ୍ତ ଟ୍ରାନ୍ସଫର ଓ ପୋଷ୍ଟିଂକୁ ୬ ମାସ ପାଇଁ ଟାଳି ଦିଆଯିବ । କାରଣ ଏମିତି କରିବା ଫଳରେ ବଡ ପରିମାଣରେ ଭିଡ ସାମିଲ ହେବ । ସ୍ଥିତିରେ ସୁଧାର ଅନୁସାରେ ହୋଟେଲ, ରେସ୍ତୋରାଁ ଓ ବାର୍ ସମ୍ପୂର୍ଣ୍ଣ ଭାବେ ଲକଡାଉନ୍ ଅନୁସାରେ ବନ୍ଦ ହେବ । ଯେଉଁପର୍ଯ୍ୟନ୍ତ ସ୍ଥିତି ସୁଧୁରିନି ସେପର୍ଯ୍ୟନ୍ତ ବିବାହ, ଅନ୍ତିମ ସଂସ୍କାର, କର୍ପୋରେଟ୍ ଟାଉନ୍ ହଲ ବୈଠକ ଭଳି ସାର୍ବଜନିକ କାର୍ଯ୍ୟକୁ ଲକଡାଉନ୍ ଅନୁସାରେ ବନ୍ଦ ରହିବା ଉଚିତ୍ ।
୨ ସପ୍ତାହ ବଢିବା ପାଇଁ ଅପିଲ୍
ମହାରାଷ୍ଟ୍ର, ତାମିଲନାଡୁ, ଦିଲ୍ଲୀ ସମେତ ଅନେକ ପ୍ରଦେଶରେ ରୋଗୀଙ୍କ ସଂଖ୍ୟା ଅଚାନକ ବଢିଯାଇଛି । ତେଲେଙ୍ଗାନା ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ କେନ୍ଦ୍ର ସରକାରଙ୍କୁ ପ୍ରସ୍ତାବ ଦେଇଛନ୍ତି କି ଲକଡାଉନକୁ ଆଉ ୨ ସପ୍ତାହ ବଢାଯାଉ । କେସିଆର୍ ଯେଉଁ ରିପୋର୍ଟ ଆଧାରରେ ଏହି ପ୍ରସ୍ତାବ ଦେଇଛନ୍ତି ସେଥିରେ ୨ ଜୁନ୍ ପର୍ଯ୍ୟନ୍ତ ଲକଡାଉନ୍ ଲାଗୁ କରିବା ପାଇଁ ଅପିଲ୍ କରାଯାଇଥିଲା ।