ନିର୍ବାଚନ ପାଇଁ ଡିଜିଟାଲ ବ୍ରହ୍ମାସ୍ତ୍ର: ୮୭ ହଜାର ହ୍ୱାଟ୍ସଆପ୍ ଗ୍ରୁପରେ କରାଯାଉଛି ଭୋଟରଙ୍କ ବ୍ରେନ୍ ୱାଶ୍

ନୁଆଦିଲ୍ଲୀ ୨୫/୩: ଲୋକସଭା ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ୧୧ ଏପ୍ରିଲରେ ହେବ । ପ୍ରଥମ ପର୍ଯ୍ୟାୟରେ ଦେଶରେ ୨୦ ରାଜ୍ଯରେ ୯୧ ଆସନ ପାଇଁ ମତଦାନ ହେବ । ରାଜନୈତିକ ପାର୍ଟି ଓ ପ୍ରାର୍ଥୀମାନେ ଭୋଟରଙ୍କୁ ଆକୃଷ୍ଟ କରିବା ପାଇଁ ସବୁ ପ୍ରକାର ଚେଷ୍ଟା କରିବାରେ ଲାଗିପଡିଛନ୍ତି । ଏବେ ସୋସିଆଲ ମିଡିଆ ଏହି କାମରେ ମୁଖ୍ୟ ଭୂମିକା ଗ୍ରହଣ କରିଛି । ତେବେ କିଛି ମହାନ୍ ରାଜନୀତିଜ୍ଞମାନେ ଅଛନ୍ତି ଯେଉଁମାନଙ୍କୁ ରାଜନୀତିର ଚାଣକ୍ୟ କୁହାଯାଉଛି ସେମାନେ ଏବେ ସୋସିଆଲ ମିଡିଆ ଯୁଜର୍ସଙ୍କ ମନରେ ଓ ମୁଣ୍ଡରେ ନିଜ ପ୍ରାର୍ଥୀମାନଙ୍କ ସକାରାତ୍ମକ ଚିତ୍ରର ଭର୍ତ୍ତି କରିବାକୁ ଚେଷ୍ଟା କରୁଛନ୍ତି । 

source:telugustop.com

ଭାରତରେ ୪୩ କୋଟି ସ୍ମାର୍ଟଫୋନ୍ ୟୁଜର୍ସ
ଦେଶରେ ଏବେ ୮୭୦୦୦ ହ୍ୱାଟ୍ସଆପ୍ ଗ୍ରୁପ୍ ଅଛି ଯାହାକି ଭୋଟରଙ୍କୁ ଆକୃଷ୍ଟ କରିବା ପାଇଁ କାମ କରୁଛନ୍ତି । ଏହି ଗ୍ରୁପ୍ ମାଧ୍ୟମରେ ଲକ୍ଷଲକ୍ଷ ଭୋଟରଙ୍କ ବ୍ରେନ୍‌ ୱାସ୍ କରାଯାଉଛି । ଖାସ୍ ଉପାୟରେ ପ୍ରସ୍ତୁତ ହୋଇଥିବା ବାର୍ତ୍ତା ପଠାଯାଉଛି । ରାଜନେତା ଓ ରାଜନୈତିକ ପାର୍ଟିକୁ ନେଇ ଲୋକଙ୍କ ଧାରଣା ବଦଳାଇବାକୁ ଚେଷ୍ଟା କରାଯାଉଛି । ଏବେ ପ୍ରାୟ ୪୩ କୋଟି ସ୍ମାର୍ଟଫୋନ୍ ୟୁଜର୍ସ ଅଛନ୍ତି । ସେମାନେ ଅନେକ ଗ୍ରୁପରେ ମଧ୍ଯ ସାମିଲ ଅଛନ୍ତି । ଯଦି ଏତେ ସଂଖ୍ଯକ ଗ୍ରୁପ ଏକମତ ହେବେ ତେବେ ନିଶ୍ଚୟ ରୂପେ ନିର୍ବାଚନରେ ପ୍ରଭାବ ପଡିବ ।

source:dumielauxepices.net

ହ୍ୱାଟ୍ସଆପ୍ ଏମିତି ଏକ ପ୍ଲାଟଫର୍ମ ଯେଉଁଥିରେ ଫେକ୍ ନ୍ୟୁଜ ଖୁବଶୀଘ୍ର ବ୍ଯାପିଯାଏ । ଗ୍ରୁପକୁ ଯେଉଁ ମେସେଜ୍ ଆସୁଛି ତାକୁ ଯାଞ୍ଚ କରିବା ପାଇଁ କେହି ନାହିଁ । ଯଦି ଆପଣ କୌଣସି ରାଜନୀତିକ ଦଳରେ ପ୍ରଭାବିତ ଏବଂ ସେହି ଦଳ ପକ୍ଷରୁ ଯଦି କିଛି ମେସେଜ ଆସେ ତେବେ ଆପଣ ତାକୁ ଅନ୍ୟମାନଙ୍କୁ ଫରୱାର୍ଡ କରିଦିଅନ୍ତି  । ଏହା ଠିକ୍ କି ଭୁଲ୍ ଜାଣନ୍ତି ନାହିଁ । ଏହା ଅନ୍ୟମାନଙ୍କୁ ମଧ୍ଯ ପ୍ରଭାବିତ କରିଥାଏ । ଏହି କାମ ଫେସବୁକ୍ ଓ ଟ୍ୱିଟରରେ ମଧ୍ଯ କରାଯାଇଥାଏ । ରିଲାଏନ୍ସ ଜିଓ ଆସିବା  ପରେ ଡାଟା ବହୁତ ଶସ୍ତା ହୋଇଯାଇଛି ଯାହା ଏଭଳି କାର୍ଯ୍ୟକୁ ସାହାଯ୍ୟ କରୁଛି ।

ଏକ ଗ୍ରୁପରେ ୨୫୬ ୟୁଜର୍ସ ରହିପାରିବେ
ଗୋଟିଏ ହ୍ୱାଟ୍ସଆପରେ ଅତିବେଶିରେ ୨୫୬ ୟୁଜର୍ସ ରହିପାରିବେ । ତେବେ ୮୭୦୦୦ ଗ୍ରୁପ ଜରିଆରେ ୨.୨ କୋଟି ୟୁଜର୍ସଙ୍କ ପାଖରେ ସିଧା ପହଞ୍ଚି ଯାଇହେବ । ଆପଣ ଗ୍ରୁପର କୌଣସି ମେସେଜ୍ ୫ ଜଣଙ୍କୁ ଫରୱାର୍ଡ କରିପାରିବେ । ଏମିତି ୧୧ କୋଟି ଲୋକଙ୍କ ପାଖରୁ ମେସେଜ ଅତି ସହଜରେ ପହଞ୍ଚାଯାଇପାରିବ । ତେବେ ସୁସ୍ଥ ଗଣତନ୍ତ୍ର ପାଇଁ ଏହା ଶୁଭ ସଙ୍କେତ ନୁହେଁ ।

   ସମ୍ବନ୍ଧିତ ଖବର


ପାତାଳର ପ୍ରବେଶ ଦ୍ୱାର ପାତାଲକୋଟ୍‌, ଜାଣନ୍ତୁ କେଉଁଠି ରହିଛି ଏହି ରହସ୍ୟମୟ ସ୍ଥାନ

ମେହବୁବା ମୁଫତିଙ୍କ ମନ୍ତବ୍ୟକୁ ନେଇ ବିଜେପି କର୍ମୀଙ୍କ ହଙ୍ଗାମା, ଜମ୍ମୁରେ ପିଡିପି କାର୍ଯ୍ୟାଳୟରେ ଉଡାଇଲେ ତିରଙ୍ଗା

ଫେରୁଛି କରୋନାର ଦ୍ବିତୀୟ ଲହର: ସ୍ପେନରେ ମଇ ପର୍ଯ୍ୟନ୍ତ ଜରୁରୀକାଳୀନ ପରିସ୍ଥିତି ଲାଗୁ, ଶ୍ରୀଲଙ୍କାରେ ପାସେଞ୍ଜର ଟ୍ରେନ୍ ବନ୍ଦ

ଦିଲ୍ଲୀପ ରାୟଙ୍କୁ ମିଳିଲା ଜାମିନ୍, ସିବିଆଇ କୋର୍ଟ ଦେଇଥିଲେ ୩ ବର୍ଷର ଜେଲ ଦଣ୍ଡାଦେଶ

ଦୋହା ବିମାନ ବନ୍ଦରରେ ହଙ୍ଗାମା: ମହିଳାଙ୍କ କପଡା ଖୋଲି ଯାଞ୍ଚ କଲେ ଅଧିକାରୀ, ଜାଣନ୍ତୁ କ’ଣ ଥିଲା ପୁରା ଘଟଣା

ଶୁଙ୍ଘିକି କରୋନା ଭାଇରସକୁ ଚିହ୍ନଟ କରିବ କୁକୁର!ବିଶ୍ବର ଏହି ସବୁ ଦେଶ ଦେଉଛନ୍ତି ଟ୍ରେନିଂ