ଯେବେ ଲୋକସଭାରେ ରାହୁଲଙ୍କ ସିଟରେ କଂଗ୍ରେସର ଏହି ସାଂସଦ ଥିଲେ, ବାଚସ୍ପତି ଓମ୍ ବିର୍ଲା କହିଲେ- ରାହୁଲ ଛୁଟିରେ…

ନୂଆଦିଲ୍ଲୀ,୧୯।୧୧: ଲୋକସଭାରେ କଂଗ୍ରେସ ସାଂସଦ ରାହୁଲ ଗାନ୍ଧିଙ୍କ ଅନୁପସ୍ଥିତିରେ ଆଉ ଜଣେ କଂଗ୍ରେସ ସାଂସଦ ତାଙ୍କ ସିଟରେ ବସି ଗୃହର ଶୂନ୍ୟକାଳରେ କିଛି କହିବାକୁ ଯାଉଥିବା ବେଳେ ତାଙ୍କୁ ରୋକିଥିଲେ ବାଚସ୍ପତି ଓମ୍ ବିର୍ଲା। କଂଗ୍ରେସ ସାଂସଦ କେ.ସୁରେଶ ରାହୁଲଙ୍କ ସିଟକୁ ଯାଇ ଶୂନ୍ୟକାଳରେ କହିବାକୁ କିଛି କହିବା ସମୟରେ ଏଲଇଡି ସ୍କ୍ରିନରେ ରାହୁଲ ଗାନ୍ଧିଙ୍କ ନାମ ଦେଖାଯାଇଥିଲା। ଏହାପରେ ବାଚସ୍ପତି  କଂଗ୍ରେସ ସାଂସଦ ଜଣଙ୍କୁ କହିଥିଲେ, ଆପଣ ନିଜ ସିଟକୁ ଯାଆନ୍ତୁ, କାରଣ ଆପଣଙ୍କ ସିଟ୍ ଖାଲି ଦେଖାଉଛି, ରାହୁଲ ଗୃହରେ ନଥିଲେ ମଧ୍ୟ ତାଙ୍କର ନାମ ଦେଖିବାକୁ ମିଳୁଛି ସ୍କ୍ରିନରେ।

ବାଚସ୍ପତି କହିଥିଲେ, ରାହୁଲ ଗାନ୍ଧି ଆଜି ଛୁଟିରେ ଅଛନ୍ତି। ତେଣୁ ଆପଣ ରାହୁଲଙ୍କ ସିଟରେ ନବସି ନିଜ ସିଟକୁ ଯାଆନ୍ତୁ। ଏହାପରେ ବିଜେପି ସାଂସଦ ରାଜୀବ ପ୍ରତାପ ରୁଡି ବାଚସ୍ପତିଙ୍କୁ ଅନୁରୋଧ କରିଥିଲେ, ଗୃହରେ ଯେଉଁ ସଦସ୍ୟଙ୍କର ଯେଉଁଠି ବସିବାର ସିଟ୍ ନିର୍ଦ୍ଧାରିତ କରାଯାଇଛି ସେଠାରେ ସେମାନେ ବସନ୍ତୁ। କାରଣ ଆମକୁ ସାରା ଦେଶ ଦେଖୁଛି। ତେଣୁ ଏହା ଜରୁରୀ ଯେ, ଟିଭି ସ୍କ୍ରିନରେ ଆମ ନାମ ସଠିକ୍ ଭାବରେ ଦେଖାଯାଉ। ଉଲ୍ଲେଖନୀୟ ଯେ, ସୋମବାରଠାରୁ ଆରମ୍ଭ ହୋଇଥିବା ସଂସଦର ଶୀତକାଳୀନ ଅଧିବେଶନରେ ରାହୁଲ ଗାନ୍ଧି ଏପର୍ଯ୍ୟନ୍ତରେ ଗୃହ କାର୍ଯ୍ୟରେ ଯୋଗଦେଇ ନାହାନ୍ତି।

ବାଚସ୍ପତି ଓମ୍ ବିର୍ଲା କହିଥିଲେ, ରାହୁଲ ଗାନ୍ଧିଙ୍କ ପ୍ରଶ୍ନ ଗୃହର ପ୍ରଶ୍ନକାଳ ସମୟରେ ସୂଚିବଦ୍ଧ ରହିଛି, ଯଦି ଉପସ୍ଥିତ ରହିଥାନ୍ତେ ମୁଁ ତାଙ୍କୁ ସୁଯୋଗ ଦେଇଥାନ୍ତି। ଲୋକସଭା ସିଡ୍ୟୁଲ ଅନୁସାରେ ୨୮ ନଭେମ୍ବରର ପ୍ରଶ୍ନ ରାହୁଲ ଗାନ୍ଧିଙ୍କ ନାମରେ ସୂଚୀବଦ୍ଧ ଥିଲା। ସେ କେରଳରେ ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନା ସମ୍ପର୍କିତ ପ୍ରଶ୍ନ ପଚାରିବାକୁ ଥିଲେ। ପ୍ରଶ୍ନକାଳ ସମୟରେ ମଙ୍ଗଳବାର ପ୍ରଶ୍ନ ସଂଖ୍ୟା ୨୧ରୁ ୨୫ ପର୍ଯ୍ୟନ୍ତ ଚର୍ଚ୍ଚ ହୋଇଥିଲା।

   ସମ୍ବନ୍ଧିତ ଖବର


ଗଲୱାନର ବୀର ସହିଦଙ୍କ କାହାଣୀ – ଏକାକୀ ୧୨ ଚୀନ୍‌ ସୈନିକଙ୍କୁ ମାରିଥିଲେ

ଚୀନ୍‌କୁ ଜବାବ ଦେବାପାଇଁ ପ୍ରସ୍ତୁତି- ଲଦାଖରେ ମୁତୟନ ହେଲେ ସର୍ଜିକାଲ୍‌ ଷ୍ଟ୍ରାଇକିଂ ଫୋର୍ସ

ଏହି ସ୍ଥାନମାନଙ୍କରେ ଖୋଲିଲା ରେଡ୍‌ଲାଇଟ୍‌ ଏରିଆ- କିସ୍‌ କରିବା ଓ ଜୋରରେ ଶ୍ୱାସକ୍ରିୟା ମନା

ଭାରତରେ ଆଇଆଇଟି ଛାତ୍ର ଓ ପ୍ରଫେସର ତିଆରି କଲେ କରୋନା ବିନାଶକ ଡିଓଡ୍ରେଣ୍ଟ – ବାସ୍ନା ସହ ଭୁତାଣୁ ମାରିବ

୭ ସେପ୍ଟେମ୍ବର ପର୍ଯ୍ୟନ୍ତ ବନ୍ଦ ରହିବ ଗୁଗଲ ଅଫିସ୍

ଦେଶରେ ୬ ଜୁଲାଇରୁ ଖୋଲିବ ସମସ୍ତ ସ୍ମାରକୀ, ସଂସ୍କୃତି ମନ୍ତ୍ରୀଙ୍କ ଘୋଷଣା