ଭୁବନେଶ୍ୱର ୧୨/୨: ଲୋକାୟୁକ୍ତ ଚୟନ କମିଟି ବୈଠକରେ ଅଧ୍ଯକ୍ଷଙ୍କ ନାଁ ଚୂଡାନ୍ତ ହୋଇଛି । ଅଧ୍ଯକ୍ଷଙ୍କ ନାଁ ଚୂଡାନ୍ତ ହୋଇଥିବା ସୂଚନା ଦେଇଛନ୍ତି ମୁଖ୍ଯ ଶାସନ ସଚିବ ଆଦିତ୍ୟ ପ୍ରସାଦ ପାଢୀ । ସର୍ବସମ୍ମତି କ୍ରମେ ନାଁ ଚୂଡାନ୍ତ ହୋଇଥିବା କହିଛନ୍ତି ମୁଖ୍ଯ ସଚିବ ।
ବୈଠକରେ ଚୟନ କରାଯାଇଥିବା ନାଁ ରାଜ୍ୟପାଳଙ୍କ ପାଖକୁ ପଠାଯିବ । ରାଜ୍ଯପାଳଙ୍କ ଅନୁମୋଦନ ପରେ ନାଁ ପ୍ରକାଶ ହେବ ବୋଲି କହିଛନ୍ତି ମୁଖ୍ଯ ସଚିବ । ତେବେ କହିରଖୁଛୁ ପରେ ଆଉ ଏକ ବୈଠକ ଡକାଯାଇ ଲୋକାୟୁକ୍ତ କମିଟି ସଦସ୍ୟମାନଙ୍କ ନାଁ ଚୂଡାନ୍ତ କରାଯିବ ।
ଆଜି ମୁଖ୍ଯମନ୍ତ୍ରୀଙ୍କ ଅଧ୍ୟକ୍ଷତାରେ ବସିଥିଲା ଚୟନ କମିଟି ବୈଠକ । ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବିରୋଧୀ ଦଳ ନେତା ନରସିଂହ ମିଶ୍ର, ମୁଖ୍ୟ ଶାସନ ସଚିବ, ହାଇକୋର୍ଟର ମୁଖ୍ଯ ବିଚାରପତି ଓ ବାଚସ୍ପତି ପ୍ରମୁଖ ଉପସ୍ଥିତ ଥିଲେ । ତେବେ କହିରଖୁଛୁ ରାଜ୍ୟସରକାର ସୁପ୍ରିମକୋର୍ଟରେ ସତ୍ୟପାଠ ଦାଖଲ କରିଥିଲେ ଯେ ମାର୍ଚ୍ଚ ୩୧ ମଧ୍ୟରେ ଲୋକାୟୁକ୍ତ ନିଯୁକ୍ତ କରାଯିବ ।