PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ- କାଳବୈଶାଖୀର ତାଣ୍ଡଵ। ସେରଗଡ ବ୍ରାହ୍ମଣଛାଇ ଗାଁରେ ଗଛ ପଡି ଦୁଇ ମୃତ
  • ||
  • ବରିଷ୍ଠ ବିଜେଡି ନେତ୍ରୀ ଭି. ସୁଜ୍ଞାନୀ କୁମାରୀ ଦେଓଙ୍କ ଆଶୁ ଆରୋଗ୍ୟ କାମନା କଲେ ମୁଖ୍ୟମନ୍ତ୍ରୀ, ଅସୁସ୍ଥତା କାରଣରୁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ପୂର୍ବତନ ବିଧାୟକା
  • ||
  • ପଶ୍ଚିମବଙ୍ଗରେ ବିଜେପି କାର୍ଯ୍ୟକର୍ତ୍ତାଙ୍କ ଉପରେ ଟିଏମସିର ଆକ୍ରମଣର ପ୍ରତିବାଦରେ କେନ୍ଦ୍ରମନ୍ତ୍ରୀଙ୍କ ଉପବାସ
  • ||
  • ପଶ୍ଚିମବଙ୍ଗ: ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମମତା ବାନାର୍ଜି
  • ||
  • କୋଭିଡ୍ ମୁକାବିଲା ପାଇଁ ୫୦ ହଜାର କୋଟି ଦେବ ଆର୍‌ବିଆଇ
  • ||
  • ବଲାଙ୍ଗୀର: ଡେଲିମାର୍କେଟରେ ସଂଘବଦ୍ଧ ଭାବେ ପରିବା ବିକ୍ରି କରିବାକୁ ପ୍ରଶାସନ ବିରୋଧ କରିବାରୁ ଉତ୍ତ୍ୟକ୍ତ ହୋଇ ରାସ୍ତାରେ ପରିବା ଫିଙ୍ଗିଲେ ବେପାରୀ, ପୁଲିସ ଏବଂ ମ୍ୟୁନିସିପାଳିଟି ପକ୍ଷରୁ ବୁଝାମଣା ଜାରି
  • ||
  • ଗୁଡ଼ଭେଲା: ବିଦ୍ୟୁତ ଖୁଣ୍ଟକୁ ପଟିଲା ଟ୍ରକ ଅଳ୍ପକେ ବର୍ତ୍ତିଲେ ଲୋକେ
  • ||
  • ହାଇଦ୍ରାବଦରୁ ଫେରୁଥିଲେ ପ୍ରବାସୀ ଶ୍ରମିକଙ୍କ ୧୨ ବର୍ଷର ଝିଅ, ସୀମାନ୍ତ ମୋଟୁରେ ଚାଲିଗଲା ଜୀବନ
  • ||
  • ଉପକୂଳରେ ତାତି ଉଭାନ୍‌, ଆସନ୍ତା ୪ ଦିନ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ
  • ||
  • ଆନ୍ଧ୍ର ପ୍ରଦେଶ ଓ ତେଲେଙ୍ଗାନାରୁ ଫେରିଲେ ୧୪ ଦିନିଆ କ୍ୱାରେଣ୍ଟାଇନ୍‌ ବାଧ୍ୟତାମୂଳକ
  • ||
  • ଓଡ଼ିଶାରେ ଚିହ୍ନଟ ହେଲେ ୯୮୮୯ ଜଣ କରୋନା ପଜିଟିଭ ଚିହ୍ନଟ, ଆଖିବୁଜିଲେ ୧୬ ଜଣ ସଂକ୍ରମିତ
  • ||
  • ଓଡ଼ିଶା: ଆଜିଠୁ ରାଜ୍ୟବ୍ୟାପୀ ୧୪ ଦିନିଆ ‘ଲକଡାଉନ୍‌,’୧୯ ତାରିଖ ପର୍ଯ୍ୟନ୍ତ ବଳବତ୍ତର ରହିବ
  • ||

ମଣ୍ଡପରେ ଝିଅ ବାହାଘର, ଘରେ ବୁଲିଲା କଳାକନା

ରାଉରକେଲା,୭ା୨(ବ୍ୟୁରୋ): କୋଏଲନଗର ଅଞ୍ଚଳରେ ରହୁଥିବା ଭଗବାନ ସାହୁଙ୍କ ଝିଅ ବିବାହ ପାଇଁ ପରିବାର ଲୋକ ଗତକାଲି ବିବାହ ମଣ୍ଡପରେ ଥିଲେ । ଘରେ କେହି ନଥିବାର ସୁଯୋଗ ନେଇ କିଛି ଦୁର୍ବୃତ୍ତ ଘରର ତାଲା ଭାଙ୍ଗି ନଗଦ ସାଢେ ୩ ଲକ୍ଷ ଟଙ୍କା ସମେତ ପ୍ରାୟ ୨୫ ଭରି ଓଜନର ସୁନାଗହଣା ଚୋରି କରି ନେଇଥିବା ଶ୍ରୀ ସାହୁ ଝିରପାଣି ଥାନାରେ ଲିଖିତ ଅଭିଯୋଗ କରିଛନ୍ତି । ପୁଲିସ୍‌ ସାଇଣ୍ଟିଫିକ୍‌ ଟିମ୍‌ ସହ ଘଟଣା ସ୍ଥଳରେ ପହଞ୍ଚି ତଦନ୍ତ କରି ଫେରିଛି । କୋଏଲନଗର କ୍ୱାର୍ଟର୍ସ ନଂ.ଡି-୩୩୯ରେ ସପରିବାର ରହୁଥିବା ଭଗବାନ ସାହୁଙ୍କ ଝିଅ ବିବାହ ଥିବାରୁ ଗତକାଲି ସନ୍ଧ୍ୟାରୁ ସମସ୍ତେ ରାଉରକେଲା କ୍ଲବର ବିବାହ ମଣ୍ଡପକୁ ଯାଇଥିଲେ । ରାତି ପ୍ରାୟ ସାଢେ ୧୨ଟା ପର୍ଯ୍ୟନ୍ତ ପରିବାର ସଦସ୍ୟ କେହି ନା କେହି ବିବାହ ମଣ୍ଡପରୁ ଘରକୁ ଯିବାଆସିବା କରୁଥିଲେ । ମାତ୍ର ରାତି ପ୍ରାୟ ସାଢେ ୧୨ଟା ପରେ ପରିବାର ଲୋକଙ୍କ ସମେତ ବନ୍ଧୁବାନ୍ଧବ ବିବାହରେ ବ୍ୟସ୍ତ ରହିଥିଲେ । ହଠାତ ରାତି ପ୍ରାୟ ୩ଟାରେ ଶ୍ରୀ ସାହୁଙ୍କ ପୁଅ ସ୍ୱସ୍ତିକ କୌଣସି କାମ ପାଇଁ ଘରକୁ ଯାଇଥିଲେ । ଘରର ଗେଟ୍‌ ଖୋଲି ଭିତରକୁ ଯିବା ପରେ ମୁଖ୍ୟ ଗ୍ରୀଲ୍‌ରେ ପଡ଼ିଥିବା ତାଲା ଭଙ୍ଗା ଯାଇଥିବା ବେଳେ କବାଟରେ ପଡ଼ିଥିବା ତାଲା ତଳେ ପଡ଼ିଥିବା ଦେଖିବାକୁ ପାଇଥିଲେ । ଘର କବାଟ ଖୋଲି ଭିତରକୁ ଯିବା ପରେ ଦୁଇଟି ବେଡ଼ରୁମ୍‌ରେ ପଡ଼ିଥିବା ତାଲା ଭଙ୍ଗା ଯାଇଥିବା ବେଳେ ଘରେ ଥିବା ତିନିଟି ଆଲମାରୀ ଖୋଲା ଥିବା ଦେଖିଥିଲେ । ଘରର ଜିନିଷପତ୍ର ଫିଙ୍ଗା ଫୋପଡ଼ା ହୋଇଥିବା ବେଳେ ବିବାହରେ ମିଳିଥିବା ଉପହାର ଲଫାପା ଗୁଡ଼ିକ ତଳେ ପଡ଼ିଥିବା ଦେଖିବାକୁ ପାଇଥିଲେ । ଏ ସମ୍ପର୍କରେ ସେ ତୁରନ୍ତ ମଣ୍ଡପରେ ଥିବା ପରିବାର ଲୋକଙ୍କୁ ସୂଚନା ଦେଇଥିଲେ । ଶ୍ରୀ ସାହୁଙ୍କ ସମେତ ପରିବାର ଲୋକେ ଘରେ ପହଞ୍ଚିବା ସହ ପୁଲିସ୍‌କୁ ଖବର ଦେଇଥିଲେ ।
ଶ୍ରୀ ସାହୁଙ୍କ କହିବା ଅନୁସାରେ, ଦୁର୍ବୃତ୍ତମାନେ ତିନିଟି ଆଲମାରୀ ଭାଙ୍ଗି ସେଥିରେ ଥିବା ନଗଦ ସାଢେ ୩ ଲକ୍ଷ ଟଙ୍କା ଓ ୨୫ ଭରି ଓଜନର ସୁନାଗହଣା ଚୋରି କରି ନେଇଛନ୍ତି । ସେହିପରି ବିବାହରେ ମିଳିଥିବା ପ୍ରାୟ ୨୦୦ ଲଫପାକୁ ଚିରି ସେଥିରେ ଥିବା ଟଙ୍କାକୁ ମଧ୍ୟ ଦୁର୍ବୃତ୍ତମାନେ ଚୋରି କରି ନେଇଥିଲେ । ସନ୍ଧ୍ୟା ସୁଦ୍ଧା ଏ ସମ୍ପର୍କରେ କାହାରିକୁ ଗିରଫ କରାଯାଇ ପାରି ନଥିବା ବେଳେ ପୁଲିସ୍‌ ଘଟଣାର ତଦନ୍ତ ଜାରି ରଖିଛି ।

ସମ୍ବନ୍ଧିତ ଖବର