PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବଗଡ : ରିଆମାଳ ରେଞ୍ଜ ନୁଆଁଡିହି ସେକ୍ସନ ଖିଲେଇ ଜଙ୍ଗଲରେ ହାତୀ ଆକ୍ରମଣ ଯୋଗୁଁ ବନ ଶ୍ରମିକ ଗୁରୁତର
  • ||
  • କୋଣାର୍କ : ରୋଗ କଷ୍ଟ ସହିନପାରି ସ୍କୁଲ ହତାରେ ଆତ୍ମହତ୍ୟା କଲେ ବୃଦ୍ଧ
  • ||
  • ଭୁବନେଶ୍ଵର : ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୫୦କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୭୩୪ ପଜେଟିଭ୍
  • ||
  • ନୀଳଗିରି : ମାଡ଼ିଆସୁଛନ୍ତି ନୀଳଗିରି ଆଡକୁ ଝାଡ଼ଖଣ୍ଡ ହାତୀ, ଚାଷୀ ଆତଙ୍କିତ
  • ||
  • କଳାହାଣ୍ଡି : ପୋଖରୀରେ ବୁଡି ୨ ଶିଶୁ ମୃତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ପାଣି ଘେରରେ ୧୦ରୁ ଉର୍ଦ୍ଧ୍ଵ ଗ୍ରାମ
  • ||
  • ଲମତାପୁଟ : ଅଟୋରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ, ଗାଡି ଛାଡି ୨ ମାଫିଆ ଫେରାର୍
  • ||

ରାଜଧାନୀରେ ଲୁଟେରା ଆତଙ୍କ; ଭୁଜାଲି ଦେଖାଇ ଇଞ୍ଜିନିୟରିଂ ଛାତ୍ରଙ୍କୁ ଲୁଟିଲେ

ଭୁବନେଶ୍ୱର,୨୦ା୪(ବ୍ୟୁରୋ): ରାଜଧାନୀରେ ଲୁଟେରା ଆତଙ୍କ ରଚାଇ ଦିନରାତି ଚଳାଇଛନ୍ତି ବେଧଡ଼କ ଲୁଟ୍‌ପାଟ । ଆଜି ଦିନ ଦ୍ୱିପ୍ରହରରେ ଜଣେ ଇଞ୍ଜିନିୟରିଂ ଛାତ୍ରଙ୍କ ବେକରେ ଭୁଜାଲି ଲଗାଇ ତାଙ୍କଠୁ ମନିପର୍ସ ଓ ମୋବାଇଲ୍‌ ଛଡ଼ାଇ ନେଇଛନ୍ତି । ଖବରପାଇ ଇନ୍‌ଫୋସିଟି ଥାନା ପୁଲିସ ଲୁଟେରାଙ୍କ ପିଛା କରିଥିଲେ ମଧ୍ୟ ସେମାନଙ୍କ ଟେର୍‌ ପାଇନାହିଁ । ମିଳିଥିବା ଅଭିଯୋଗ ଅନୁଯାୟୀ, ଚନ୍ଦକା ଅଳସୁଆ ନିକଟରେ ଥିବା ଏକ ଘରୋଇ ଇଞ୍ଜିନିୟରିଂ କଲେଜ ଛାତ୍ର ଅତିସ୍‌ କୁମାର ଆଜି ମଧ୍ୟାହ୍ନରେ ଶିଖରଚଣ୍ଡୀ ମୁଣ୍ଡିଆକୁ ବୁଲିବାକୁ ଆସିଥିଲେ । ସେଠାରୁ ସେ ଚାଲି ଚାଲି ଫେରୁଥିବା ବେଳେ ଏକ ବାଇକ୍‌ରେ ଦୁଇ ଲୁଟେରା ପହଞ୍ଚି ପାଖରେ କ’ଣ ରଖିଛୁ ଦେଇଦେ ବୋଲି କହିଥିଲେ । ଅତିସ୍‌ ମନା କରିବାରୁ ସେମାନେ ତାଙ୍କ ବେକରେ ଭୁଜାଲି ଲଗାଇ ତାଙ୍କ ଠାରୁ ମୋବାଇଲ୍‌ ଫୋନ୍‌ ଓ ମନିପର୍ସ ଛଡ଼ାଇ ନେଇ ପଳାଇଥିଲେ । ଅତିସ୍‌ ଏନେଇ ପୁଲିସ କଣ୍ଟ୍ରୋଲ ରୁମ୍‌କୁ ଫୋନ୍‌ କରି ଜଣାଇଥିଲେ । କଣ୍ଟ୍ରୋଲ ରୁମ୍‌ଠାରୁ ଖବରପାଇ ଇନ୍‌ଫୋସିଟି ଥାନା ପିସିଆର ପୁଲିସ ଘଟଣାସ୍ଥଳରେ ପହଞ୍ଚିଥିଲା । ଅତିସଙ୍କ ଠାରୁ ଲୁଟେରାଙ୍କ ବିଷୟରେ ଜାଣି ଆଖପାଖ ଅଞ୍ଚଳରେ ଖୋଜାଖୋଜି କରିଥିଲେ ମଧ୍ୟ ସେମାନଙ୍କ ଟେର୍‌ ପାଇ ନଥିଲା । ଏନେଇ ଅତିସ୍‌ ଇନ୍‌ଫୋସିଟି ଥାନାରେ ଲିଖିତ ଅଭିଯୋଗ କରିଛନ୍ତି । ପୁଲିସ ଏକ ମାମଲା ରୁଜୁକରି ତଦନ୍ତ ଆରମ୍ଭ କରିଛି ।