ସୋର, ୧୨।୪: ଘର ପାଖରେ ଥିଲା ଆମ୍ବ ଗଛ। ଏହାର ସୁଯୋଗ ଉଠାଇଲେ ଦୁର୍ବୃତ୍ତ। ଆମ୍ବ ଗଛରେ ଚଢି ଘରେ ପଶିଲେ । ପରିବାର ଲୋକଙ୍କୁ ମାରଣାସ୍ତ୍ର ଦେଖାଇ ଲୁଟି ନେଲେ ଟଙ୍କା ଓ ସୁନା। ବାଲେଶ୍ବର ଜିଲା ଖଇରା ବ୍ଲକରେ ଏହିପରି ଘଟଣା ଦେଖିବାକୁ ମିଳିଛି।
{"id":243021,"sizeSlug":"large","linkDestination":"none"}ଖଇରା ବ୍ଲକ ଗୋଳିହା ପଞ୍ଚାୟତ ମୁଂହଛୁଆଁ ଗ୍ରାମର ଗୟାଧର ବାରିକଙ୍କ ଘର ପାଖରେ ଆମ୍ବ ଗଛ ରହିଛି। ପରିବାର ଲୋକେ ରବିବାର ରାତି ଘରେ ଶୋଇଥିବାବେଳେ ଡକାୟତମାନେ ଆମ୍ବ ଗଛରେ ଚଢି ଛାତ ଉପରକୁ ଯାଇଥିଲେ। ପରେ ସିଡି ବାଟଦେଇ ଘର ଭିତରେ ପଶିଥିଲେ । ପରିବାର ଲୋକଙ୍କୁ ବିଭିନ୍ନ ମାରଣାସ୍ତ୍ର ଦେଖାଇ ସମସ୍ତ ଅଳଙ୍କାର ଲୁଟି ନେଇଥିଲେ । ଘର ଠାରୁ ୩୦୦ ମିଟରେ ଦୂରରେ ଅଳଙ୍କାର ଥିବା ବ୍ୟାଗ, ଆଟାଚ ଆଦି ପଡିଥିବା ଦେଖିବାକୁ ମିଳିଛି । ଖଇରା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।