ଭୁବନେଶ୍ୱର ୦୮।୦୫ : ଭୁବନେଶ୍ଵରରେ ବୁଲୁଛନ୍ତି ବଣ୍ଟି-ବବଲି। ବିଭିନ୍ନ ଦୋକାନରେ ମାସ୍କ ପିନ୍ଧି ପଶୁଛନ୍ତି। ଆଉ କାରସାଦି କରି ହାତ ସଫେଇ କରୁଛନ୍ତି। କ୍ୟାସ୍ କାଉଣ୍ଟରରୁ ଟଙ୍କା ଧରି ଛୁ ମାରୁଛନ୍ତି। ସବୁଠୁ ବଡ଼ କଥା ହେଲା ଗୋଟିଏ ଦିନରେ ତିନି ତିନୋଟି ଲୁଟ୍ ଉଦ୍ୟମ କରି ୨ଟି ସଫଳ ହୋଇଛନ୍ତି। ଏହି ଘଟଣା ଗୁଡ଼ିକର ସିସିଟିଭି ଫୁଟେଜ ଥିଲେ ମଧ୍ୟ ଏହି ଲୁଟେରା ଦମ୍ପତିଙ୍କ ଟେର ପାଉନି ପୋଲିସ।
ସୂଚନାନୁଯାୟୀ, ଭୁବନେଶ୍ବରରେ ମାତିଛନ୍ତି ଗ୍ରାହକ ବେଶରେ ଦମ୍ପତି ଲୁଟେରା। ଦିନକ ପୂର୍ବରୁ ଲୁଇସ୍ ରୋଡର ରେବା ଗାର୍ମେଣ୍ଟରୁ ୧୦ ହଜାର ୯୦୦ଟଙ୍କା ଲୁଟ୍ କରିଥିବା ବେଳେ ସନ୍ଧ୍ୟା ପ୍ରାୟ ୫ଟା ବେଳେ କଳାରାହାଙ୍ଗ ଫେଶନ ଇନଷ୍ଟା ନାମକ ଶୋ ରୁମ୍ କୁ ଯାଇ କ୍ୟାସ କାଉଣ୍ଟରରୁ ଟଙ୍କା ନେବାକୁ ଉଦ୍ୟମ କରିଥିଲେ। ହେଲେ ଦୋକାନ କର୍ମଚାରୀ ଆସିବାରୁ ସଫଳ ହୋଇ ପାରିନଥିଲେ। ଠିକ୍ ସେହିଭଳି ଏକ ସାଇକେଲ ମାର୍ଟକୁ ଯାଇ କ୍ୟାସ୍ କାଉଣ୍ଟରରୁ ମହିଳା ଜଣଙ୍କ କ୍ୟାସ୍ ନେଇ ଯାଉଛନ୍ତି। ଏହିଭଳି ଭାବରେ ଗୋଟିଏ ଦିନରେ ତିନି ତିନୋଟି ଲୁଟ୍ ଉଦ୍ୟମ କରି ୨ଟି ସଫଳ ହୋଇଛନ୍ତି। ତେବେ ଏହି ଘଟଣା ଗୁଡ଼ିକର ସିସିଟିଭି ଫୁଟେଜ ଥିଲେ ମଧ୍ୟ ଏହି ଲୁଟେରା ଦମ୍ପତିଙ୍କ ଟେର ପାଉନି ପୋଲିସ।