PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ : ବିଶିଷ୍ଟ ଗାନ୍ଧିବାଦୀ ଭଦ୍ରକ ମହାବିଦ୍ୟାଳୟର ପ୍ରାକ୍ତନ ଅଧକ୍ଷ ପ୍ରଫେସର ସନାତନ ମହାନ୍ତିଙ୍କ ପରଲୋକ
  • ||
  • ମାଲକାନଗିରି : ମାଲକାନଗିରି ମୋଟୁ ସୀମାନ୍ତ ୪ ରାଜ୍ୟ ପ୍ରବେଶ ଦ୍ୱାର ଚେକପୋଷ୍ଟ ପରିଦର୍ଶନ କଲେ ପୁଲିସ ମହାନିର୍ଦ୍ଦେଶକ ଅଭୟ, କୋଭିଡ ସ୍ଥିତି ଓ ମାଓ ସମୀକ୍ଷା କଲେ ପୁଲିସ ଡିଜି
  • ||
  • କପିଲାଭଟା : ପାରିବାରିକ କଳହରୁ ସ୍ତ୍ରୀର ତଣ୍ଟି ଚିପି ହତ୍ୟା କଲା ସ୍ୱାମୀ
  • ||
  • ଓଡ଼ିଶା: ୨୪ ଘଣ୍ଟାରେ ଚିହ୍ନଟ ହେଲେ ୧୧ ହଜାର ୮୦୫ ଜଣ କରୋନା ପଜିଟିଭ, ୨୧ ଜଣଙ୍କ ଜୀବନ ନେଲା ମହାମାରୀ
  • ||
  • ବାଲେଶ୍ଵର : ଭାରସାମ୍ୟ ହରାଇ ପୋଲ ତଳକୁ ଖସିଲା କାର୍, ୩ ମୃତ ୨ ଗୁରୁତର
  • ||
  • OJEE: ଜୁନ୍‌ ୧୫ ଯାଏ ଛାତ୍ରଛାତ୍ରୀମାନେ ଅନ୍‌ଲାଇନ୍‌ରେ ଆବେଦନ କରିପାରିବେ, ଜୁନ୍‌ ୧୭ତାରିଖ ସୁଦ୍ଧା ଅନ୍‌ଲାଇନ୍‌ରେ ଫି’ଦାଖଲ କରିପାରିବେ
  • ||
  • ପୁରୀ:ଏ ବର୍ଷ ବି ବିନା ଭକ୍ତରେ ହେବ ବିଶ୍ଵ ପ୍ରସିଦ୍ଧ ରଥଯାତ୍ରା, କେବଳ ସେବାୟତ ଟାଣିବେ ରଥ
  • ||
  • ପୁରୀ: ଆଜି ମହାପ୍ରଭୁଙ୍କ ବାହାର ଚନ୍ଦନ ଯାତ୍ରା, ମେ ୧୫ରୁ ଜୁନ୍‌ ୬ ଯାଏଁ ୧୪୪ ଧାରା ଜାରି
  • ||
  • ଚାଷୀ କୂଳ ପାଇଁ ଖୁସି ଖବର: ମେ’ ୩୧ରେ କେରଳ ଛୁଇଁବ ମୌସୁମୀ,ଜୁନ୍ ୧୦ରୁ ୧୨ ସୁଦ୍ଧା ଓଡ଼ିଶା
  • ||
  • ଆଜି ପବିତ୍ର ଅକ୍ଷୟ ତୃତୀୟା, ମାଟି ମା’କୁ ପୂଜା କରି ଚାଷ କାମ ଅନୁୁକୂଳ କରିବେ ଚଷା ପୁଅ
  • ||

ଅଧରାତିରେ ଲୁଟେରାଙ୍କ ଆତଙ୍କ: ବାଇକ୍‌ ଆରୋହୀଙ୍କୁ ହାଣି ସୁନାଚେନ୍‌ ଓ ଟଙ୍କା ଲୁଟିଛନ୍ତି

ଭୁବନେଶ୍ୱର,୧୪ ।୩(ବ୍ୟୁରୋ): ରାଜଧାନୀରେ ଅଧରାତିରେ ଲୁଟେରା ଆତଙ୍କ ଖେଳାଉଛନ୍ତି । ଯାହାକୁ ପାରୁଛନ୍ତି ହଣାମରା କରି ଲୁଟୁଛନ୍ତି । ବୁଧବାର ଅଧ ରାତିରେ ଦୁଇ ଦୁଇଟି ସ୍ଥାନରେ ପ୍ରାଣାନ୍ତକ ଆକ୍ରମଣ କରି ଲୁଟ୍‌ପାଟ କରିଛନ୍ତି । ମଞ୍ଚେଶ୍ୱର ଥାନା ଅନ୍ତର୍ଗତ ପଳାଶୁଣି ଛକରେ ଜଣେ ବାଇକ୍‌ ଆରୋହୀଙ୍କୁ ଲୁଟିଥିବା ବେଳେ ତମାଣ୍ଡୋ ଥାନା ଅନ୍ତର୍ଗତ କଳିଙ୍ଗବିହାର ଛକରେ ଜଣେ ବାଇକ୍‌ ଆରୋହୀଙ୍କୁ ହାଣି ସୁନାଚେନ୍‌ ଓ ଟଙ୍କା ଲୁଟି ନେଇଛନ୍ତି । ତେବେ ପଳାଶୁଣି ଛକ ଲୁଟ୍‌ପାଟ ଘଟଣାରେ ମଞ୍ଚେଶ୍ୱର ଥାନା ପିସିଆର ପୁଲିସ ରାତାରାତି ୨ଲୁଟେରାଙ୍କୁ ଗିରଫ କରିବାରେ ସଫଳ ହୋଇଛନ୍ତି । ସେମାନେ ହେଲେ ଖାରବେଳନଗର ଥାନା ଅନ୍ତର୍ଗତ ସତ୍ୟନଗର ସତ୍ୟକାଳୀ ବସ୍ତିରେ ରହୁଥିବା କଟକ କିଶନନଗରର ହବିବ୍‌ ଓରଫ ହବିବୁର୍‌ ରହେମନ୍‌(୨୨) ଓ ସହିଦନଗର ଥାନା ଅନ୍ତର୍ଗତ ଶାନ୍ତିପଲ୍ଲୀ ବସ୍ତିରେ ରହୁଥିବା ସୌମ୍ୟରଞ୍ଜନ ଦାସ(୨୬) । ଖସି ଯାଇଥିବା ଅଭିଯୁକ୍ତଙ୍କ ନାମ ହେଉଛି ଦେବାଶିଷ ପ୍ରଧାନ । ସୂଚନା ଅନୁଯାୟୀ, ଯାଜପୁର କୁଆଖିଆର ସୌମ୍ୟରଞ୍ଜନ ଦାସ(୨୬) ଗତକାଲି ରାତିରେ ତାଙ୍କ ସାଙ୍ଗଙ୍କୁ ଷ୍ଟେସନରେ ଛାଡ଼ି ବାଇକ୍‌ରେ ଚକେଇସିଆଣି ଫେରୁଥିଲେ । ରାତି ୧ଟା ବେଳେ ସେ ପଳାଶୁଣି ଛକ ନିକଟରେ ହଠାତ୍‌ ୩ ଜଣ ଯୁବକ ଏକ ବାଇକ୍‌ (ଓଡି୦୨ ଭି-୦୫୦୧)ରେ ଆସି ତାଙ୍କୁ ଅଟକାଇଥିଲେ । ସେ କିଛି ବୁଝିବା ପୂର୍ବରୁ ତାଙ୍କୁ ୩ ଜଣ ମିଶି ମାଡ଼ ମାରି ତାଙ୍କ ପକେଟ୍‌ରୁ ୫ ହଜାର ଟଙ୍କା ଥିଲା ଲୁଟିନେଇ ପଳାଇଥିଲେ । ଏହି ସମୟରେ ମଞ୍ଚେଶ୍ୱର ଥାନା ପିସିଆର ପୁଲିସ ସେଠାରେ ପହଞ୍ଚି ଲୁଟେରାଙ୍କ ପିଛା କରିଥିଲା । ପ୍ରଥମେ ପିସିଆର ପୁଲିସ ହବିବୁରକୁ କାବୁ କରିବାରେ ସଫଳ ହୋଇଥିଲା । ହବିବୁରଙ୍କ ଠାରୁ ୫ ହଜାର ଟଙ୍କା, ମୋବାଇଲ୍‌ ଫୋନ୍‌ ଓ ସେ ବ୍ୟବହାର କରୁଥିବା ବାଇକ୍‌ ଜବତ କରିଥିଲା । ଥାନାରେ ହବିବୁରଙ୍କୁ ଜେରା ବେଳେ ସେ ତାଙ୍କ ସହଯୋଗୀ ସର୍ବେଶ୍ୱର ଓ ଦେବାଶିଷଙ୍କ ନାମ କହିଥିଲା । ପୁଲିସ ରାତାରାତି ସହିଦନଗର ଶାନ୍ତିପଲ୍ଲୀ ବସ୍ତିରେ ଚଢ଼ଉ କରି ସର୍ବେଶ୍ୱରକୁ ଗିରଫ କରିଥିଲା । ସୌମ୍ୟଙ୍କ ଅଭିଯୋଗକ୍ରମେ ଆଜି ପୁଲିସ ହବିବୁର ଓ ସର୍ବେଶ୍ୱରଙ୍କୁ କୋର୍ଟ ଚାଲାଣ କରିଥିଲା । ଫେରାର୍‌ ଥିବା ଦେବାଶିଷଙ୍କୁ ଗିରଫ କରିବା ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ଉ ଚଳାଇଛି ।