ନୂଆଦିଲ୍ଲୀ, ୧/୫ : କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିୟାଙ୍କ ମା’ଙ୍କ ସ୍ବାସ୍ଥ୍ୟ ବିଗିଡ଼ିଲା । ନିଶ୍ବାସ ନେବାରେ ଅସୁବିଧା ହେବାରୁ ମାଧବୀ ରାଜେଙ୍କୁ ଦିଲ୍ଲୀର ଏମ୍ସରେ ଭର୍ତ୍ତି କରାଯାଇଛି । ସେହିଭଳି କେନ୍ଦ୍ରମନ୍ତ୍ରୀ ସିନ୍ଧିୟା ଏବଂ ତାଙ୍କ ସ୍ତ୍ରୀ ପ୍ରିୟଦର୍ଶନୀ ମା’ଙ୍କ ସ୍ବାସ୍ଥ୍ୟବସ୍ଥା ଖରାପ ହେବା କାରଣରୁ ନିର୍ବାଚନୀ ଗସ୍ତ ରଦ୍ଦ କରି ଦିଲ୍ଲୀ ଚାଲି ଯାଇଛନ୍ତି । ପ୍ରକାଶ ଯେ, ଗତ ୩ମାସରୁ ସିନ୍ଧିଆଙ୍କ ମା’ଙ୍କ ଚିକିତ୍ସା ଦିଲ୍ଲୀ ଏଆଇଆଇଏମସରେ ଚାଲୁ ରହିଛି ।
ମା’ଙ୍କ ସ୍ବାସ୍ଥ୍ୟବସ୍ଥା ବିଗିଡ଼ିବା ପରେ କେନ୍ଦ୍ରୀୟ ମନ୍ତ୍ରୀ ସିନ୍ଧିୟା ସବୁ ଗସ୍ତକୁ ବାତିଲ୍ କରି ପରିବାର ସହ ଦିଲ୍ଲୀ ଲାଗି ଚାଲି ଯାଇଛନ୍ତି । ଗୁନା ଲୋକସଭା ନିର୍ବାଚନ ପ୍ରଚାର ଛାଡ଼ି ମା’ଙ୍କୁ ଦେଖିବା ଲାଗି ଦିଲ୍ଲୀ ଚାଲି ଯାଇଛନ୍ତି । ନିଶ୍ବାସ ନେବାରେ ଅସୁବିଧା ହେବାରୁ ତାଙ୍କୁ ଦିଲ୍ଲୀର ଏମ୍ସରେ ଭର୍ତ୍ତି କରାଯାଇଛି । ମାଧବୀ ରାଜେ ସିନ୍ଧିୟାଙ୍କ ସ୍ବାସ୍ଥ୍ୟବସ୍ଥା ସ୍ଥିର ଅଛି ବୋଲି କୁହାଯାଉଛି । ପ୍ରକାଶ ଯେ, ମାଧବୀ ରାଜେ ସିନ୍ଧିୟା ଭେଣ୍ଟିଲେଟର ସପୋର୍ଟରେ ଅଛନ୍ତି ।
ମଧ୍ୟପ୍ରଦେଶରେ ଲୋକସଭା ନିର୍ବାଚନକୁ ନେଇ ନେତାଙ୍କ ଗସ୍ତ ବାରମ୍ବାର ଜାରି ରହିଛି । ମଧ୍ୟପ୍ରଦେଶରେ ତୃତୀୟ ଚରଣରେ ୭ମଇରେ ଗୁନା, ବିଦିଶା ଏବଂ ରାଜଗଢର ସିଟ ଉପରେ ମତଦାନ ହେବ । ଗୁନାରୁ ବିଜେପି କେନ୍ଦ୍ରମନ୍ତ୍ରୀ ଏବଂ ବରିଷ୍ଠ ନେତା ଜ୍ୟୋତିରାଦିତ୍ୟ ସିନ୍ଧିୟାଙ୍କୁ ନିଜ ପ୍ରାର୍ଥୀ କରିଛି । ସେହିଭଳି କଂଗ୍ରେସ ଗୁନାରେ ଜ୍ୟୋତିରାଦିତ୍ୟ ସିନ୍ଧିୟାଙ୍କ ସାମ୍ନାରେ ଯାଦବେନ୍ଦ୍ର ସିଂହଙ୍କୁ ନିର୍ବାଚନୀ ମୈଦାନରେ ଓହ୍ଲାଇଛି।
ନିର୍ବାଚନ ପ୍ରଚାରକୁ ଧ୍ୟାନରେ ରଖି ସିନ୍ଧିୟାଙ୍କ ସ୍ତ୍ରୀ ପ୍ରିୟଦର୍ଶନୀଙ୍କ ୨ମଇ ତଥା ଗୁରୁବାର ଗୁନାର ଗସ୍ତ ଧାର୍ଯ୍ୟ ଥିଲା । କିନ୍ତୁ ସିନ୍ଧିୟାଙ୍କ ମା’ ମାଧବୀ ରାଜେଙ୍କ ସ୍ବାସ୍ଥ୍ୟବସ୍ଥା ଖରାପ ହେବା କାରଣରୁ ସେ ଦୁଇ ମଇରେ ହେବାକୁ ଥିବା ଗୁନା ଗସ୍ତର ବାତିଲ୍ କରି ଦେଇଛନ୍ତି ଏବଂ ସେ ନିଜ ଶାଶୁଙ୍କ ଲାଗି ଦିଲ୍ଲୀ ଗସ୍ତ କରିଛନ୍ତି ।