ସାଇକେଲ ଚଲାନ୍ତି, ବିଡି ତିଆରି କରନ୍ତି ଏହି ପୂର୍ବତନ ସାଂସଦ, ଜାଣନ୍ତୁ ତାଙ୍କ ସମ୍ପର୍କରେ…

ବର୍ତ୍ତମାନ ସମୟରେ ସାଂସଦ କିମ୍ବା ପୂର୍ବତନ ସାଂସଦଙ୍କ କଥା ଶୁଣିବା ମାତ୍ରେ ମନ ଭିତରକୁ ଏକ ଛବି ଚାଲି ଆସେ, ସେ ନିଶ୍ଚିତ ଭାବରେ ଖୁବ୍ ଜଣେ ଧନୀ ଲୋକ ହୋଇଥିବେ, ତାଙ୍କ ପାଖରେ ସୁନ୍ଦର ଘର, ଗାଡି ଏବଂ ପ୍ରଚୁର ଟଙ୍କା ରହିଥିବ। କିନ୍ତୁ ମଧ୍ୟପ୍ରଦେଶର ବୁନ୍ଦେଲଖଣ୍ଡରେ ଏଭଳି ଜଣେ ପୂର୍ବତନ ସାଂସଦ ରହିଛନ୍ତି, ତାଙ୍କର ଛବି ସମୂର୍ଣ୍ଣ ଭିନ୍ନ। ସେ କୌଣସି କାର କିମ୍ବା ଗାଡିରେ ଯାଆନ୍ତି ନାହିଁ ବଂର ନିଜେ ସାଇକେଲ ଚଲାଇ ଯାଆନ୍ତି। ଏପରିକି ସମୟ ମିଳିଲେ ବିଡି ତିଆରି କରନ୍ତି। ତାଙ୍କୁ ଲୋକେ ’ସାଇକେଲ ବାଲା ନେତାଜୀ ’ବୋଲି  ଡାକନ୍ତି।

source: https://hindi.indiatvnews.com

ମଧ୍ୟପ୍ରଦେଶର ସାଗର ନାମକ ଏକ ସହରରେ ରୁହନ୍ତି ପୂର୍ବତନ ସାଂସଦ ରାମ ସିଂହ। ଏକ ଛୋଟିଆ ଘରେ  ସାଧାରଣ ଲୋକଙ୍କ ଭଳି ସେ ଜୀବନ ଯାପନ କରନ୍ତି। ଦର୍ଶନଶାସ୍ତ୍ରରେ ସ୍ନାତକ ଏବଂ ଇରାଜୀରେ ସ୍ନାତୋକୋତ୍ତର କରିଥିବା ରାମ ସିଂହ ୧୯୬୭ରେ ଭାରତୀୟ ଜନସଂଘର ପ୍ରାର୍ଥୀ ଭାବରେ ଲୋକସଭା ନିର୍ବାଚନ ଲଢି ବିଜୟୀ ହୋଇଥିଲେ। ୮୨ ବର୍ଷୀୟ ରାମ ସିଂହ ଏବେ ବି ପ୍ରତିଦିନ ସାଇକେଲ ଚଲେଇ ସବୁଆଡେ ଯାଇଥାନ୍ତି। ତାଙ୍କର ପାଖରେ ଆଜି ପର୍ଯ୍ୟନ୍ତ କୌଣସି ଗାଡି ମଧ୍ୟ ନାହିଁ। ଏନେଇ ସେ କୁହନ୍ତି ’ମୋତେ କେବେ ବି ଗାଡିର କିଛି ଦରକାର ପଡିନାହିଁ।

source: https://zeenews.india.com/

କିଛି ଦିନ ତଳେ ତାଙ୍କ ଦେହ ଅସୁସ୍ଥ ହୋଇପଡିଥିଲା, ଯାହାଫଳରେ ତାଙ୍କୁ କଥା କହିବାରେ  କଷ୍ଟ ହୋଇଥିଲା।  ଏସବୁ ସତ୍ବେ କିନ୍ତୁ ସେ ନିଜର ସାଇକେଲ ଛାଡିପାରି ନାହାଁନ୍ତି। ପେନଶନ୍ ପାଇବାକୁ ତାଙ୍କୁ ଖୁବ୍ କଷ୍ଟ ହୋଇଥିଲା। ଶେଷରେ ୨୦୦୫ରେ ସେ ପେନଶନ୍ ପାଇଥିଲେ। ଅଧିକ ବୟସ କାରଣରୁ ସେ ଏବେ ରାଜନୀତିରେ ଆଉ ସକ୍ରିୟ ନାହାଁନ୍ତି। କେନ୍ଦ୍ରରେ ଏବଂ ରାଜ୍ୟରେ ବିଜେପି ସରକାର ଥିବା ସତ୍ବେ ତାଙ୍କୁ ଦଳ କେବେ ମହତ୍ତ୍ବ ଦେଇନି କିମ୍ବା ତାଙ୍କ ନିକଟକୁ କେହି କୌଣସି ପରାମର୍ଶ ନେବାକୁ ଆସିନି। ବର୍ତ୍ତମାନର ରାଜନୀତିକୁ ନେଇ ସେ ଚିନ୍ତା ପ୍ରକାଶ କରିଛନ୍ତି।  

   ସମ୍ବନ୍ଧିତ ଖବର


ଯୁବ ୟୁଟ୍ୟୁବର ଧକ୍କା କରିଦେଲେ ପିତାଙ୍କର ୨୫କୋଟିର କାର୍ – ଆଘାତ ପାଇ ଏମିତି ବାର୍ତ୍ତା ଦେଲେ

ମାର୍ଶଲ ଆର୍ଟ ବୟଙ୍କ କମାଲ୍: ୧ ମିନିଟ୍‌ରେ ମୁଣ୍ଡରେ ଖୋଲିଲେ ୬୮ଟି ବୋତଲର ଠିପି, କଲେ ୱାର୍ଲଡ ରେକର୍ଡ

ସ୍ଥଳ ସେନାର ବ୍ରହ୍ମୋସ୍‌ ମିସାଇଲ୍‌ର ସଫଳ ପରୀକ୍ଷଣ

‘ଆରେ ତୁମେ କ’ଣ କରୁଛ..ପୁରା କେଶ କାଟିଦେବ କି..ଆରେ ୟାର…’ ଇଣ୍ଟରନେଟ୍‌ରେ ଧମାଲ କରୁଛି ଏହି କୁନିର ଝିଅର ହେୟାର କଟିଂ ଭିଡ଼ିଓ

କୁକୁରର ହେବ ଡିଏନ୍‌ଏ ଟେଷ୍ଟ: ଶାଦାବ୍‌ଙ୍କ ‘କୋକୋ’ ନା କାର୍ତ୍ତିକଙ୍କ ‘ଟାଇଗର’…

ଆଶ୍ଚର୍ଯ୍ୟ ଲାଗିଲେ ବି ସତ: ଅନ୍ତିମ ସଂସ୍କାରର ସପ୍ତାହେ ପରେ ଘରକୁ ଫେରିଲେ ‘ଶିବ’