ନୂଆଦିଲ୍ଲୀ,୩୧।୩: ଯଦି ଆମେ କହିବା ଗଛରୁ ପକ୍ଷୀ ସୃଷ୍ଟି ହେଉଛି, ତେବେ ଆପଣ ନିହାତି ପକ୍ଷେ ଆଶ୍ଚର୍ଯ୍ୟ ହୋଇଯିବେ। କହିବେ ଏହା ଏକ ଅବାସ୍ତବ କଥା। କିନ୍ତୁ ଏହି ଗଛର ଡାଳକୁ ଭଲ ଭାବରେ ଦେଖିଲେ ଜାଣିପାରିବେ ଏଥିରେ ଏକ ସୁନ୍ଦର ଗୋଲପୀ ରଙ୍ଗର ପକ୍ଷୀ ବସିଛି। ଆପଣ ଗୋଲାପୀ ଓ ସୁନ୍ଦର ମଙ୍ଗୋଲିଆନ୍ ଫୁଲକୁ ଯଦି ଦୂରରୁ ଦେଖିବେ ତେବେ ଆପଣଙ୍କୁ ଲାଗିବ ସେଠାରେ କୌଣସି ସୁନ୍ଦର ଓ ଗୋଲାପୀ ରଙ୍ଗର ପକ୍ଷୀ ବସିଛି। ଋତୁରାଜ ବସନ୍ତ ଋତୁରେ ମଙ୍ଗୋଲିଆନ୍ ଫୁଲକୁ ଦେଖିବାର ଅନୁଭୂତି  କିଛି ଭିନ୍ନ। ସୋସିଆଲ ମିଡିଆରେ ଆଜିକାଲି ଏହି ମଙ୍ଗୋଲିଆନ ଫୁଲର ଫଟୋ ଭାଇରାଲ ହେବାରେ ଲାଗିଛି।

{"id":9977,"width":750,"height":563}

ଏହି ଫଟୋ ଚୀନ ବେଜିଂର, ଫଟୋକୁ ଦେଖିକି ଏଭଳି ଲାଗୁଛି କୌଣସି ପାର୍କର ଗଛ ଉପରେ ଗୋଲାପୀ ରଙ୍ଗର ପକ୍ଷୀ ସବୁ ଏକାଠି ହୋଇ ବସିଛନ୍ତି। ମଙ୍ଗୋଲିଆନ ଗଛ ଚୀନର ଉତ୍ତର ଏବଂ  ଆମେରିକାର ଦକ୍ଷିଣ ଭାଗରେ ମଧ୍ୟ ଦେଖିବାକୁ ମିଲେ। ଏହି ଫୁଲର ବାସ୍ନା ମଧ୍ୟ ଖୁବ୍ ସୁନ୍ଦର। ଏହାର ଉଚତା ୧ରୁ ୨୦ ମିଟର ପର୍ଯ୍ୟନ୍ତ ହୋଇଥାଏ। ଶୁଦ୍ଧତା, ବସନ୍ତ, ଆକର୍ଷଣ ଓ ସୁନ୍ଦରତାର ପ୍ରତୀକ ହେଉଛି ମଙ୍ଗୋଲିଆନ୍ ଫୁଲ।

{"id":9978,"width":746,"height":560}

ଯଦି ପ୍ରଥମ ଥର ପାଇଁ ଏହି ଫଯୋକୁ ଦେଖିବେ ତେବେ ଚିହ୍ନିବା ଖୁବ୍ କଷ୍ଟକର ହୋଇପଡିବ। ଏହା ଫୁଲ କିମ୍ବା ପକ୍ଷୀଙ୍କର ଦଳ। ଉଲ୍ଳେଖନୀୟ ଯେ ମଙ୍ଗୋଲିଆନ ଗଛ ଖୁବ୍ କୋମଳ, ଏହାକୁ ବଢାଇବା ପାଇଁ ଖୁବ୍ ପରିଶ୍ରମ କରିବାକୁ ପଡିଥାଏ। ଠିକ୍ ଭାବରେ ଏହାର ଯତ୍ନ ନନେଲେ ଗଛ ନଷ୍ଟ ହୋଇଯାଇଥାଏ।