PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କନିଷ୍ଠ ଯନ୍ତ୍ରୀଙ୍କ ଘରେ ଭିଜିଲାନ୍ସ ରେଡ୍, ଏକକାଳୀନ ୬ଟି ସ୍ଥାନରେ ଚାଲିଛି ଚଢଉ
  • ||
  • ମହାକାଳପଡ଼ା : କୁମାରୁଣି ନିକଟରେ ବସ୍ ଓଲଟି ୩ ଗୁରୁତର , ଅଳ୍ପକେ ବର୍ତ୍ତିଲେ ୪୬ଯାତ୍ରୀ , ସମସ୍ତ ଗୁରୁତର କେନ୍ଦ୍ରାପଡ଼ା ମୁଖ୍ୟ ହସ୍ପିଟାଲରେ ଭର୍ତ୍ତି
  • ||

ମହାରାଷ୍ଟ୍ରରେ କରୋନିଲ୍‌ର ବିକ୍ରି ଉପରେ ଲାଗିଲା ପ୍ରତିବନ୍ଧକ, ଗୃହମନ୍ତ୍ରୀ ଅନିଲ୍ ଦେଶମୁଖ୍ କହିଲେ ଏମିତି କଥା…

ମୁମ୍ବାଇ: ଯୋଗଗୁରୁ ବାବା ରାମଦେବଙ୍କ ପତଞ୍ଜଳିର କରୋନିଲ ଟାବଲେଟକୁ ନେଇ ବିବାଦ ଥମିବାର ନାଁ ନେଉନାହିଁ ।  ବର୍ତ୍ତମାନ ମହାରାଷ୍ଟ୍ର ସରକାର ଏହାର ବିକ୍ରି ଉପରେ ପ୍ରତିବନ୍ଧକ ଲଗାଇଛନ୍ତି । ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ ମଙ୍ଗଳବାର କହିଛନ୍ତି ଯେ ମହାରାଷ୍ଟ୍ରରେ WHO, IMA ଏବଂ ଅନ୍ୟାନ୍ୟ ଆନୁସଙ୍ଗିକ ସ୍ୱାସ୍ଥ୍ୟ ପ୍ରତିଷ୍ଠାନଗୁଡ଼ିକର ଉପଯୁକ୍ତ ପ୍ରମାଣପତ୍ର ବିନା ପତଞ୍ଜଳିର କରୋନିଲ୍ ଟାବଲେଟ୍ ବିକ୍ରିକୁ ଅନୁମତି ଦିଆଯିବ ନାହିଁ ।

ଅନିଲ ଦେଶମୁଖ ତାଙ୍କ ଅଫିସିଆଲ ଟ୍ୱିଟର ଆକାଉଣ୍ଟରୁ ଟୁଇଟ୍ କରି କହିଛନ୍ତି, ‘ଆଇଏମଏ କରୋନିଲର ତଥାକଥିତ ପରୀକ୍ଷା ଉପରେ ପ୍ରଶ୍ନ ଉଠାଇଛି ଏବଂ କୋଭିଡ ଚିକିତ୍ସା ପାଇଁ ପତଞ୍ଜଳି ଆୟୁର୍ବେଦଙ୍କୁ କୌଣସି ପ୍ରକାରର ଅନୁମୋଦନ ଦେବାକୁ ମନା କରିଦେଇଛି । ଏଭଳି ପରିସ୍ଥିତିରେ ଦୁଇ ବରିଷ୍ଠ କେନ୍ଦ୍ର ମନ୍ତ୍ରୀଙ୍କ ତରଫରୁ କୌଣସି ଔଷଧ ଯୋଗାଇବା ଉପଯୁକ୍ତ ନୁହେଁ ।

ଏହାପୂର୍ବରୁ ଭାରତୀୟ ମେଡିକାଲ ଆସୋସିଏସନ (ଆଇଏମଏ) ଆଶ୍ଚର୍ଯ୍ୟ ପ୍ରକଟ କରିଛି ଯେ ପତଞ୍ଜଳିର କରୋନିଲ ଟାବଲେଟ ବିଶ୍ୱ ସ୍ୱାସ୍ଥ୍ୟ ସଂଗଠନର ପ୍ରମାଣପତ୍ର ଗ୍ରହଣ କରିଛି  ଏବଂ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷ ଭରଦାନଙ୍କଠାରୁ ସ୍ପଷ୍ଟୀକରଣ ମାଗିଛି । ପତଞ୍ଜଳି ଦାବି କରିଛନ୍ତି ଯେ କରୋନିଲ କୋଭିଡ -19 କୁ ଆରୋଗ୍ୟ କରିପାରିବ ଏବଂ ପ୍ରମାଣ ଆଧାରରେ ଏହା ନିଶ୍ଚିତ କରାଯାଇଛି । ଏଥି ସହିତ, WHO ସ୍ପଷ୍ଟ କରିଛି ଯେ ଏହା କୋଭିଡ -19 ପାଇଁ ଚିକିତ୍ସା ଭାବରେ କୌଣସି ପାରମ୍ପାରିକ ଔଷଧକୁ ପ୍ରମାଣ କରି ନାହିଁ ।

ସମ୍ବନ୍ଧିତ ଖବର