ମହାରାଷ୍ଟ୍ରରେ ମନ୍ତ୍ରୀମଣ୍ଡଳ ବିସ୍ତାର, ଉପମୁଖ୍ୟମନ୍ତ୍ରୀ ଭାବେ ଶପଥ ନେଲେ ଅଜିତ ପାଓ୍ବାର
ମୁମ୍ବାଇ,୩୦।୧୨: ମହାରାଷ୍ଟ୍ରର ଉଦ୍ଧବ ଠାକରେ ସରକାରଙ୍କ ପ୍ରଥମ କ୍ୟାବିନେଟ୍ ବିସ୍ତାର କାର୍ଯ୍ୟକ୍ରମ ବିଧାନ ଭବନରେ ହୋଇଛି। ଏନସିପି ନେତା ଅଜିତ ପାଓ୍ବାର ମନ୍ତ୍ରୀପଦର ଶପଥ ନେଇଛନ୍ତି। ତାଙ୍କ ସହିତ ଏନସିପି, ଶିବସେନା ଓ କଂଗ୍ରେସର ମୋଟ ୩୬ ବିଧାୟକ ମନ୍ତ୍ରୀପଦର ଶପଥ ଗ୍ରହଣ କରିଛନ୍ତି। ବିଧାନ ଭବନରେ ଶପଥ ଗ୍ରହଣ ପାଇଁ ପେଣ୍ଡାଲ ସଜାଯାଇଛି, ଯେଉଁଠି ପ୍ରାୟ ୫ ହଜାର ଅତିଥୀଙ୍କୁ ଡକାଯାଇଛି। ମହାରାଷ୍ଟ୍ରର ରାଜ୍ୟପାଳ ଭଗତ ସିଂ କୋଶିୟାରୀ ମନ୍ତ୍ରୀଙ୍କୁ ଶପଥ ପାଠ କରାଇଥିଲେ।
ଉଲ୍ଲେଖନୀୟ ଯେ, କଂଗ୍ରେସର ୧୨, ଏନସିପିର ୧୪ ଓ ଶିବସେନାର ୧୬ ବିଧାୟକ କ୍ୟାବିନେଟ୍ ଓ ରାଷ୍ଟ୍ରମନ୍ତ୍ରୀ ଭାବରେ ଶପଥ ନେଇଛନ୍ତି। ଅଜିତ ପାଓ୍ବାର ନମ୍ବର ୨ ହେବା ହେବା ସହିତ ପ୍ରଥମ ଥର ବିଧାୟକ ହୋଇଥିବା ଶିବସେନା ନେତା ଓ ମୁଖ୍ୟମନ୍ତ୍ରୀ ଉଦ୍ଧବ ଠାକେରଙ୍କ ପୁଅ ଆଦିତ୍ୟ ଠାକରେଙ୍କୁ ରାଷ୍ଟ୍ରମନ୍ତ୍ରୀ କରାଯାଇପାରେ।
