PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

ରାହୁଲଙ୍କୁ ଭେଟିବ ରାଜ୍ୟ ମହିଳା କଂଗ୍ରେସ

ଭୁବନେଶ୍ୱର,୧୯ ।୩(ବ୍ୟୁରୋ): କଂଗ୍ରେସରେ ମହିଳା ପ୍ରାର୍ଥୀଙ୍କୁ ଉପଯୁକ୍ତ ନ୍ୟାୟ ମିଳୁନି । ଗତକାଲି ଘୋଷଣା ହୋଇଥିବା ପ୍ରାର୍ଥୀ ତାଲିକାର ୬ଟି ଲୋକସଭା ସିଟ୍‌ରେ ଜଣେ ବି ମହିଳା ପ୍ରାର୍ଥୀ ସ୍ଥାନ ପାଇନାହାନ୍ତି । ୩୬ଟି ବିଧାନସଭା ସିଟ୍‌ରେ ମାତ୍ର ଗୋଟିଏ ମହିଳା ମୁହଁ ଦେଖିବାକୁ ମିଳିଛି । ଫଳରେ ଦଳରେ ମହିଳାଙ୍କୁ କୋଣଠେସା କରାଯାଉଛି । ଏହା ଦଳ ପାଇଁ କ୍ଷତିକାରକ ସାବ୍ୟସ୍ତ ହେବ ବୋଲି ମହିଳା କଂଗ୍ରେସ ଅଭିଯୋଗ କରିଛି । ତେଣୁ ଏ ବାବଦରେ ଦଳର ମୁଖିଆ ରାହୁଲ ଗାନ୍ଧୀଙ୍କୁ ଭେଟି ଫେରାଦ ହେବେ ବୋଲି ଆଜି ଚେତାବନୀ ଦେଇଛନ୍ତି ଦଳର ମହିଳା ନେତ୍ରୀ । ମହିଳା କଂଗ୍ରେସର ରାଜ୍ୟ ସଭାପତି ସୁମିତ୍ରା ଜେନାଙ୍କଠୁଁ ଆରମ୍ଭ କରି ଗଞ୍ଜାମ ମହିଳା କଂଗ୍ରେସର ଜିଲ୍ଲା ସଭାପତି ସ୍ୱରୂପା ତ୍ରିପାଠୀ ଆଜି ଏଭଳି ବର୍ଷିଛନ୍ତି । ସାମ୍ବାଦିକମାନଙ୍କୁ ସୂଚନା ଦେଇ ସୁମିତ୍ରା କହିଛନ୍ତି, ହାଇକମାଣ୍ଡଙ୍କ ନିର୍ଦ୍ଦେଶ ଥିଲା ଏଥର ଅଧିକ ମହିଳା ପ୍ରାର୍ଥୀ ଦେବ କଂଗ୍ରେସ ।

ଦଳକୁ ଅଧିକ ସଂଖ୍ୟାରେ ମହିଳା ଭୋଟ୍‌ ଆଣିବା ପାଇଁ ହାଇକମାଣ୍ଡ୍‌ ଏହି ଯୋଜନା କରିଥିଲେ । ପରବର୍ତ୍ତୀ ସମୟରେ ସ୍କ୍ରିନିଂ କମିଟି ଅଧ୍ୟକ୍ଷ ଭି. ଡି ସଥୀସାନ୍‌ ମଧ୍ୟ ସମାନ କଥା କହିଥିଲେ । ସାରା ରାଜ୍ୟରେ ୧୪୭ଟି ବିଧାନସଭା ଆସନ ପାଇଁ ୫୨ ଜଣ ମହିଳା ଆବେଦନ କରିଛନ୍ତି । ଏପରିକି ପ୍ରଥମ ପର୍ଯ୍ୟାୟରେ ଘୋଷିତ ହୋଇଥିବା ୩୬ଟି ଆସନ ପାଇଁ ୧୦ ଜଣ ମହିଳାଙ୍କ ନାମ ସୁପାରିଶ ହୋଇଥିବା ସୁମିତ୍ରା କହିଛନ୍ତି । ହେଲେ ମହିଳାଙ୍କୁ ଟିକେଟ୍‌ ମିଳିପାରିନଥିବାରୁ ଅସନ୍ତୋଷ ଦେଖା ଦେଇଛି । ଆଗାମୀ ଦିନରେ ଘୋଷଣା ହେବାକୁ ଥିବା ସିଟ୍‌ଗୁଡିକରେ ମହିଳାମାନଙ୍କୁ ନ୍ୟାୟ ମିଳିବ ବୋଲି ଆଶା କରୁଛି । ନଚେତ୍‌ ସଭାପତି ରାହୁଲଙ୍କୁ ଭେଟି ଗୁହାରି କରିବୁ ବୋଲି ସୁମିତ୍ରା କହିଛନ୍ତି । ସମାନ ପ୍ରତିକ୍ରିୟା ରଖିଛନ୍ତି ଗଞ୍ଜାମ ମହିଳା କଂଗ୍ରେସର ଜିଲ୍ଲା ସଭାପତି ସ୍ୱରୂପା । ସେ ଆସ୍କା ବିଧାନସଭା ସିଟ୍‌ ପାଇଁ ଆବେଦନ କରିଥିଲେ । ହେଲେ ତାଙ୍କୁ ଟିକେଟ୍‌ ମିଳିନି । ଦଳ ତାଙ୍କ କଥା ବିଚାର ନ କଲେ, ସେ ଆଗାମୀ ଦିନରେ ଦଳୀୟ ପଦବୀ ଛାଡିବେ ବୋଲି ସୂଚନା ଦେଇଛନ୍ତି ।