ଜଳେଶ୍ବର(ସ୍ୱ.ପ୍ର)-ଜଳେଶ୍ୱରରେ ମାଆ ନାମକ ଏକ ଘରୋଇ କ୍ଲିନିକରେ ପୁଣି ପ୍ରସବ ପରେ ମହିଳାଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଜଳେଶ୍ୱର ଚମାର ଗାଁର ଗୀତାଞ୍ଜଳି ମହାନ୍ତି ଗର୍ଭବତୀ ଥିବା ବେଳେ ହାତୀଗଡ ହସ୍ପିଟାଲର ଡାକ୍ତର ଅଜୟ କୁମାର ସାହୁ ଙ୍କ ପାଖରେ ଚିକିତ୍ସା କରୁଥିଲେ । ତେବେ ଡାକ୍ତର ଅଜୟ କୁମାର ସାହୁଙ୍କ ଉପଦେଶ କ୍ରମେ ଜଳେଶ୍ବର ବଡ ବଜାର ସ୍ଥିତ ମା କ୍ଲିନିକରେ ପ୍ରସବ ପାଇଁ ପରିବାର ଲୋକ ଭର୍ତ୍ତି କରିଥିଲେ । ଫଳରେ ପ୍ରସବ ସମୟରେ ମହିଳାଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଅସ୍ତ୍ରୋପଚାର କରି ପ୍ରସବ କରାଯିବ ବୋଲି କ୍ଲିନିକ ପକ୍ଷରୁ କୁହା ଯାଇଥିଲା ।

ତେବେ ଅପରେସନ ପରେ ମହିଳାଙ୍କ ସ୍ୱାସ୍ଥ୍ୟ ଠିକ ଥିବା କହିଥିଲେ କ୍ଲିନିକ କର୍ତ୍ତୃପକ୍ଷ । ଅପରେସନ କୁ ୪୮ ଘଣ୍ଟା ନପୁରୁଣୁ ମହିଳା ଙ୍କ ସ୍ବାସ୍ଥ୍ୟବସ୍ଥା ବିଗିଡିବା କଥା କ୍ଲିନିକ କର୍ତ୍ତୃପକ୍ଷ କହିଥିଲେ । ମହିଳାଙ୍କୁ ଜଳେଶ୍ୱର ଜିକେ ଭଟ୍ଟର ହସ୍ପିଟାଲ କୁ ସ୍ଥାନାନ୍ତରିତ କରିବା ପାଇଁ କହିଥିଲେ । କିନ୍ତୁ ଜିକେ ଭଟ୍ଟର ହସ୍ପିଟାଲକୁ ନେବା ପୂର୍ବରୁ ମହିଳାଙ୍କ ମୃତ୍ୟ ହୋଇଛି । ଏନେଇ ପରିବାର ପକ୍ଷରୁ ଚିକିତ୍ସା ଅବହେଳା ରୁ ମୃତ୍ୟୁ ହୋଇଛି ବୋଲି ଥାନାରେ ଅଭିଯୋଗ କରିବା ସହ କ୍ଲିନିକ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ସୂଚନା ଥାଉକି ଗତ ଜାନୁଆରୀ ୨୭ତାରିଖରେ ଠିକ ଏହି ଭଳି ଆଉ ଜଣେ ମହିଳାଙ୍କ ପ୍ରସବ ପରେ ମୃତ୍ୟ ଏହି ମା କ୍ଲିନିକ ରେ ଘଟିଥିଲା ।