PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ଆଜିଠାରୁ ରାଜଧାନୀରେ ଖୋଲିବ ମଲ୍, ବଜାର ଏବଂ ଦୋକାନ, ୫୦ ପ୍ରତିଶତ କ୍ଷମତାରେ ଚାଲିବ ମେଟ୍ରୋ
  • ||
  • ନୂଆଦିଲ୍ଲୀ : ଇସ୍ରାଇଲରେ ନେତ୍‌ନ୍ୟାହୁଙ୍କ ଯୁଗ ଶେଷ, ନଫତାଲୀ ବେନେଟ୍ ହେଲେ ନୂଆ ପ୍ରଧାନମନ୍ତ୍ରୀ
  • ||
  • ଭୁବନେଶ୍ୱର : ରଜ ପାଇଁ ଓଟିଡିସି ଆରମ୍ଭ କଲା ‘ପିଠା ଅନ୍‌ ହ୍ୱିଲ୍‌’, ଭୁବନେଶ୍ୱର ସହ ସମ୍ବଲପୁର ଓ କଟକରେ ମିଳିବ ପିଠା
  • ||
  • ବଅଁରପାଳ : ସୁନାର ସଂସାରକୁ ଛାରଖାର କରିଦେଲା କରୋନା, ଆଗପଛ ହୋଇ ଚାଲିଗଲେ ପୁଅ-ବୋହୂ ଓ ମା, ଅନାଥ ହୋଇଗଲା ୧୪ ମାସର ଶିଶୁପୁତ୍ର
  • ||
  • ପୁରୀ : ଆଜି ଶ୍ରୀମନ୍ଦିରରେ କନ୍ୟା ଚୋରି ନୀତି
  • ||
  • ଭୁବନେଶ୍ୱର : ଆଜି ପହିଲି ରଜ, ଗାଁଠାରୁ ସହର ସବୁଠି ଜମୁଛି ପିଠାପଣାର ଆସର
  • ||
  • ଭୁବନେଶ୍ୱର : ସାରା ରାଜ୍ୟକୁ ଛୁଇଁଲା ମୌସୁମୀ, ଆହୁରି ଦୁଇଦିନ ସ୍ୱଳ୍ପରୁ ମଧ୍ୟମ ବର୍ଷା ସମ୍ଭାବନା, ୧୫ ପର୍ଯ୍ୟନ୍ତ ଧୀବରଙ୍କୁ ସମୁଦ୍ର ମନା
  • ||

ମାଲକାନଗିରିର ପ୍ରଥମ ଆଦିବାସୀ ମହିଳା ପାଇଲଟ୍‌

ମାଲକାନଗିରି ୮/୯: ମାଲକାନଗିରି ଜିଲ୍ଲାର ଜଣେ ଆଦିବାସୀ ଝିଅ ଏକ ଘରୋଇ ଏୟାର ଲାଇନ୍ସରେ କୋ-ପାଇଲଟ ନିଯୁକ୍ତି ପାଇଛନ୍ତି । ତାଙ୍କ ନାଁ ଅନୁପ୍ରିୟା ଲାକ୍ରା । ତାଙ୍କ ବାପା ମାରିନିୟସ୍‌ ଲାକ୍ରା ଓଡ଼ିଶା ପୁଲିସରେ ହାବିଲଦାର । ମାଆଙ୍କ ନାଁ ଜାମାଜ୍‌ ୟାସମିନ୍‌ ଲାକ୍ରା । ଅନୁପ୍ରିୟା ମାଲକାନଗିରିର ଦୀପ୍ତି କନ୍‌ଭେଣ୍ଟରୁ ପ୍ରାଥମିକ ଶିକ୍ଷା ଗ୍ରହଣ କରିବା ପରେ ସେମିଳିଗୁଡ଼ା ଜୀବନ ଜ୍ୟୋତି ବିଦ୍ୟାଳୟରେ ଯୁକ୍ତ ୨ ପର୍ଯ୍ୟନ୍ତ ପଢ଼ିଥିଲେ । ପରେ ଭୁବନେଶ୍ୱରରେ ଇଞ୍ଜିନିୟରିଂ ଶିକ୍ଷା ଗ୍ରହଣ କରିଥିଲେ । ହେଲେ ପାଇଲଟ ହେବା ନିଶାରେ ସେ ଇଞ୍ଜିନିୟରିଂ ପାଠ ଅଧାରୁ ଛାଡ଼ିଥିଲେ ।

ଭୁବନେଶ୍ୱରର ଗତି ଇନଷ୍ଟିଚ୍ୟୁଟରେ ପାଇଲଟ ତାଲିମ ପାଇଁ ଆବେଦନ କରିଥିଲେ । ଏ ନେଇ ସେ ଦିଲ୍ଲୀ, ବାଙ୍ଗାଲୁରୁ ଓ ମୁମ୍ବାଇରେ ପ୍ରବେଶିକା ପରୀକ୍ଷା ଦେଇ ଶେଷରେ କୃତକାର୍ଯ୍ୟ ହୋଇଥିଲେ । ୨୦୧୨ରୁ ପାଇଲଟ ପାଇଁ ସ୍ୱତନ୍ତ୍ର ତାଲିମ ନେଇଥିଲେ । ଏଥିପାଇଁ ତାଙ୍କୁ ଷ୍ଟାଇପେଣ୍ଡ ମଧ୍ୟ ମିଳୁଥିଲା । ଚଳିତ ମାସରେ ସେ ଦକ୍ଷତାର ସହ ତାଲିମପ୍ରାପ୍ତ କୋ-ପାଇଲଟ ଭାବେ ଏକ ଘରୋଇ ବିମାନ କମ୍ପାନିରେ ନିଯୁକ୍ତି ପାଇଛନ୍ତି । ଅନୁପ୍ରିୟାଙ୍କ ଆକାଶରେ ଉଡ଼ିବାର ସ୍ୱପ୍ନ ସାକାର ହୋଇଛି ।