PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ଼: ପୁଲିସ ପଞ୍ଝାରେ ଆନ୍ତରାଜ୍ୟ ଡକାୟତି ଗ୍ୟାଙ୍ଗ, ଧରିଲା ବୀରମିତ୍ରପୁର ପୋଲିସ
  • ||
  • ବୌଦ୍ଧ: ବିଦ୍ୟୁତ ଆଘାତରେ ଟଳିପଡିଲେ ଯୁବକ, କଣ୍ଟାମାଳ ବ୍ଲକ ତେନ୍ତୁଳୀଖୁଣ୍ତି ଗ୍ରାମରୁ ଆସିଲା ଦୁଃଖଦ ଖବର
  • ||
  • ବୁର୍ଲା: ରୋଗୀ ସମ୍ପର୍କୀୟଙ୍କୁ ବାରମ୍ବାର ଲୁଟ କରୁଥିବା ୪ ଜଣିଆଁ ଡ଼କାୟତ ଗ୍ୟାଙ୍ଗକୁ ଗିରଫ କଲା ବୁର୍ଲା ପୁଲିସ…
  • ||
  • ରାଜନଗର: ଅଗଷ୍ଟ ୫ରୁ ପର୍ଯ୍ୟଟକଙ୍କ ପାଇଁ ଖୋଲିବ ଭିତରକନିକା, ରାତ୍ରୀଯାପନ ପାଇଁ ମିଳିବନି ଅନୁମତି…
  • ||
  • ସହିଦ ସପ୍ତାହରେ ମାଲକାନଗିରି ଜିଲ୍ଲା ସୀମାନ୍ତରେ ଗୁଳିବିନିମୟ ଜଣେ ହାର୍ଡକୋର ମାଓବାଦୀ ମୃତ
  • ||
  • ମାଲକାନଗିରି: ସହିଦ ସପ୍ତାହରେ ମାଲକାନଗିରି ଜିଲ୍ଲା ସୀମାନ୍ତରେ ମାଓ ଓ ଯବାନଙ୍କ ମଧ୍ୟରେ ଗୁଳିବିନିମୟ, ଜଣେ ହାର୍ଡକୋର ମାଓବାଦୀ ନିହତ
  • ||
  • ବଲାଙ୍ଗୀର: ଆତ୍ମସମର୍ପଣ କଲା କେକେବିଏନ ଡିଭିଜନର କ୍ୟାଡରର ମାଓବାଦୀ
  • ||
  • ବ୍ରହ୍ମପୁର: ଖଲ୍ଲିକୋଟ ଏକକ ବିଶ୍ୱବିଦ୍ୟାଳୟ ଉଦଘାଟିତ, ଦାୟିତ୍ୱ ନେଲେ ଭାରପ୍ରାପ୍ତ କୁଳପତି
  • ||
  • ଭୁବନେଶ୍ୱର: କେନ୍ଦ୍ରାପଡ଼ାର ରସାବଳିକୁ ଜିଆଇ ଟ୍ୟାଗ ମାନ୍ୟତା ଦାବି, କେନ୍ଦ୍ର ମନ୍ତ୍ରୀ ପୀୟୂଷ ଗୋଏଲଙ୍କୁ ଭେଟି ଦାବି କଲେ ମୁନ୍ନା ଖାଁ, ସୁବାସ ସିଂ, ମମତା ମହନ୍ତ
  • ||
  • ଭୁବନେଶ୍ୱର: ଥମୁନି କରୋନ ମୃତ୍ୟୁ, ଆଉ ୬୪ ଜଣଙ୍କ ଜୀବନ ନେଲା ମହାମାରୀ
  • ||
  • ଯଶିପୁର ନିକଟସ୍ଥ ବଡ଼ବିଲ କୁଆବଣି ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଗାଡି ଚକତଳେ ଚାପିହୋଇ ଯୁବକଙ୍କ ମୃତ୍ୟୁ…
  • ||
  • ପୁରୀ: ହଟିବ ଜଗା ଦର୍ଶନ କଟକଣା ! ଅଗଷ୍ଟ ୪ରେ ଶ୍ରୀମନ୍ଦିର ସମନ୍ୱୟ କମିଟି ବୈଠକ
  • ||
  • ଭୁବନେଶ୍ୱର: ଓଡ଼ିଶା ସହ ୧୦ ରାଜ୍ୟ ବଢ଼ାଉଛି ଚିନ୍ତା, ୪୬ ଜିଲ୍ଲାରେ ୧୦%ରୁ ଅଧିକ ଟିପିଆର
  • ||
  • ଭୁବନେଶ୍ୱର: ଓଡ଼ିଶାରେ କୁମିଛି ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୪୩୭ କୋଭିଡ୍ ପଜିଟିଭ
  • ||

ଜେଲ୍‌ ଗଲା ଯୌନ ରାକ୍ଷସ: ଦେହ ବ୍ୟବସାୟ କରିବାକୁ କରୁଥିଲା ବାଧ୍ୟ

source:www.newsx.com

ପୁରୀ,୨୪ା୨(ବ୍ୟୁରୋ): ଶେଷରେ ଜେଲ୍‌ ଗଲା ଯୌନ ରାକ୍ଷସ । ମିଳିଲା ଆଉ କିଛି ତଥ୍ୟ । ବିବାହରେ ଜାଲିଆତି କରିଥିବା ସହ ମହିଳାମାନଙ୍କୁ ବ୍ଲାକ୍‌ମେଲ୍‌ ମଧ୍ୟ କରୁଥିଲା । ଟଙ୍କା ରୋଜଗାର କରିବା ପାଇଁ ଦେହ ବ୍ୟବସାୟ କରିବାକୁ ବି କରୁଥିଲା ବାଧ୍ୟ । ଯାହାର ପ୍ରମାଣ ପାଇଛି ପୁଲିସ । ଏନେଇ ଅଭିଯୋଗ ହେବା ପରେ ପୁଲିସ ବଳାତ୍କାର ମାମଲା ରୁଜୁ କରିଛି । ଅଭିଯୁକ୍ତ ସଦର ଥାନା ଅଧୀନ ଗୁଣ୍ଠବନ୍ଧକେରା ବାସୁଦେବପୁର ଗ୍ରାମର ଦୀପକ କୁମାର ସାହୁ (୩୪)କୁ ଗିରଫ ପରେ କୋର୍ଟଚାଲାଣ କରାଯାଇଥିଲା । ସେଠାରୁ ଜେଲ୍‌ ପଠାଯାଇଛି । ସେପଟେ ଏତଲା ଦେଇଥିବା ମହିଳା(ଅଭିଯୁକ୍ତ ଦ୍ୱିତୀୟ ବିବାହ କରିଥିବା କହିଥିଲା)ଙ୍କୁ ପୁଲିସ ସ୍ୱାଧାର ହୋମ୍‌ରେ ରଖିଛି ।
୮ ବର୍ଷ ତଳେ ବିବାହ କରିଥିଲା ଦୀପକ । ଏବେ ତା’ର ୨ଟି ପୁଅ ଝିଅ ଅଛନ୍ତି । କିନ୍ତୁ ଏ ସମ୍ପର୍କରେ ସେ କାହାକୁ କହୁନଥିଲା । ବାହାରେ ନିଜକୁ ଅବିବାହିତ ବୋଲି ପରିଚୟ ଦେଉଥିଲା । ତେଣୁ ତାକୁ ମହିଳା ଓ ଯୁବତୀଙ୍କ ସହ ନାବାଳିକାମାନଙ୍କୁ ମଧ୍ୟ ଆକର୍ଷିତ କରିବା ପାଇଁ ସହଜ ହେଉଥିଲା । ସେ ସେମାନଙ୍କ ସହ ଶାରୀରିକ ସମ୍ବନ୍ଧ ରଖିବାବେଳେ ଭିଡିଓ ପ୍ରସ୍ତୁତ କରି ସାରିବା ପରେ ବ୍ଲାକ୍‌ ମେଲ୍‌ କରିବା ଆରମ୍ଭ କରି ଦେଉଥିଲା । ଏଥିରେ ଏକ ର‌୍ୟାକେଟ୍‌ କାମ କରୁଥିଲା । ପୀଡ଼ିତାମାନଙ୍କୁ ଭିଡିଓ ଦେଖାଇ ଭାଇରାଲ୍‌ କରିଦେବାର ଭୟ ଦେଖାଇ ଅନ୍ୟମାନଙ୍କ ସହ ସମ୍ବନ୍ଧ ରଖିବାକୁ ବାଧ୍ୟ କରୁଥିଲା । ଏଥିନେଇ ସେ ଟଙ୍କା ରୋଜଗାରର ବାଟ ଖୋଲିଥିଲା ।
ଦ୍ୱିତୀୟ ବିବାହ କରିଥିବା ମହିଳାଜଣକ ନିମାପଡ଼ାରେ ରହୁଥିଲେ । ସେ ନିଃସହାୟ ଥିଲେ । ଦୀପକ କୌଣସି ସୂତ୍ରରୁ ତାଙ୍କର ମୋବାଇଲ ନମ୍ବର ପାଇ ଆରମ୍ଭ କରିଥିଲା ଷଡ଼ଯନ୍ତ୍ର । ମହିଳାଙ୍କୁ ବାରମ୍ବାର କଲ୍‌ କରି ପ୍ରେମ ଜାଲରେ ଫସାଇ ତାଙ୍କ ନିକଟରେ ପହଞ୍ଚିଥିଲା । ଏହାପରେ ବିବାହର ପ୍ରଲୋଭନ ଦେଖାଇ ଏକାଧିକ ଥର ଯୌନ ସମ୍ପର୍କ ରଖିଥିଲା । ପରେ ମହିଳା ତାଙ୍କୁ ବିବାହ କରିବା ପାଇଁ ଜିଦ୍‌ ଧରିଥିଲେ । ତେଣୁ ଦୀପକ ଜାଲିଆତି କରି ନିଜକୁ ଅବିବାହିତ ବୋଲି ପ୍ରଦର୍ଶନ କରିବା ସହ ଖଣ୍ଡଗିରି ମ୍ୟାରେଜ୍‌ ଅଫିସ୍‌ରେ ମହିଳାଙ୍କୁ ବିବାହ କରିଥିଲା । ଯାହା ବେଆଇନ୍‌ ଭାବେ କରିଥିବା କହିଛି ପୁଲିସ । ବିବାହର କିଛି ଦିନ ପରେ ଦେହ ବ୍ୟବସାୟ କରିବା ପାଇଁ ମହିଳାଙ୍କୁ ବାଧ୍ୟ କରିଥିଲା ଦୀପକ । ତେଣୁ ମହିଳା ତାକୁ ବିରୋଧ କରି ସନ୍ଦେହ କରିଥିଲେ ।
ନିକଟ ଅତୀତରେ ଦୀପକ ସତ୍ୟବାଦୀର ଅନ୍ୟ ଜଣେ ମହିଳାଙ୍କ ଭିଡିଓ ତାଙ୍କ ସ୍ୱାମୀଙ୍କୁ ପଠାଇ ମାଡ ଖାଇବା ସହ ୩୦ ହଜାର ଟଙ୍କା ଦେଇ ସମାଧାନ କରିଥିଲା । ଏହାପରେ ସେ ବିବାହିତ ବୋଲି ଜାଣିପାରିଥିଲେ ପାଖରେ ଥିବା ମହିଳା । ଏଥିସହ ଏକାଧିକ ମହିଳାଙ୍କ ସହ ଥିବା ଏଭଳି ସମ୍ପର୍କର ଭିଡିଓ ମଧ୍ୟ ମହିଳା ଦୀପକ ମୋବାଇଲରୁ ପାଇଯାଇଥିଲେ । ଏହାପରେ ଉଭୟଙ୍କ ମଧ୍ୟରେ ବିବାଦ ଆରମ୍ଭ ହୋଇଥିଲା । ମହିଳାଙ୍କୁ ମାନସିକ, ଶରୀରୀକ ଓ ଯୌନ ନିର୍ଯାତନା ଦେଇଥିଲା ଦୀପକ । ପରେ ଦୀପକ ମୋବାଇଲରେ ଥିବା ସମସ୍ତ ଭିଡିଓ କିଛି ସ୍ୱେଚ୍ଛାସେବୀ ପାଇଯିବା ପରେ ଘଟଣା ପଦାକୁ ଆସିଥିଲା ।
ଉପର ନୂଆସାହିରେ ଥିବା ଭଡ଼ାଘରେ ବନ୍ଦ କୋଠରିରେ ନିର୍ଯାତନା ଦେଉଥିବାବେଳେ ସ୍ୱେଚ୍ଛାସେବୀ ଓ ସ୍ଥାନୀୟ ଲୋକେ ଉଦ୍ଧାର କରି କୁମ୍ଭାରପଡା ପୁଲିସ ଜିମା ଦେଇଥିଲେ ।ଏନେଇ ମହିଳା ଥାନାରେ ଏତଲା ଦେବା ପରେ ପୁଲିସ ଆଇପିସିର ୪୯୪, ୫୦୬, ୪୧୭, ୩୭୬ ଦଫାରେ ମାମଲା (୨୮/୧୯) ରୁଜୁ କରିଥିଲା । କିନ୍ତୁ ଏହି ର‌୍ୟାକେଟ୍‌ ପଛରେ ଥିବା ଅନ୍ୟମାନେ ମଧ୍ୟ ଗିରଫ ହେବା ଆବଶ୍ୟକ ବୋଲି ଲୋକେ ଦାବି କରିଛନ୍ତି । ଏହି ମାମଲାରେ ଅନ୍ୟମାନଙ୍କ ସମ୍ପୃକ୍ତି ନେଇ ତଦନ୍ତ୍‌ ଚାଲିଥିବା ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ନାୟକ କହିଛନ୍ତି ।