ସବୁଠୁ ଗରିବ ଲୋକସଭା ପ୍ରାର୍ଥୀ, ଚାଲି ଚାଲି କରୁଛନ୍ତି ପ୍ରଚାର

ମୀରଟ୍‌,୧ା୪(ଏଜେନ୍ସି): ଲୋକସଭା ନିର୍ବାଚନ ପାଇଁ ଉତ୍ତର ପ୍ରଦେଶର ମୁଜାଫରନଗର ଆସନରୁ ମନୋନୟନ ପତ୍ର ଦାଖଲ କରିଛନ୍ତି ୫୧ ବର୍ଷୀୟ ମାଙ୍ଗେରାମ୍‌ କଶ୍ୟପ । ପେସାରେ ଓକିଲ ହୋଇଥିଲେ ବି ନିଜେ ଦଳ ଗଢ଼ି ନିର୍ବାଚନ ରଣାଙ୍ଗନକୁ ଓହ୍ଲାଇଛନ୍ତି । ୨୦୦୦ ମସିହାରୁ ସେ ନିର୍ବାଚନ ଲଢ଼ିଆସୁଛନ୍ତି ଏବଂ ଆଗକୁ ମଧ୍ୟ ଲଢ଼ିବେ ବୋଲି କହିଛନ୍ତି । ମାଙ୍ଗେରାମ୍‌ କଶ୍ୟପ୍‌ଙ୍କୁ ନେଇ ଏବେ ଉତ୍ତର ପ୍ରଦେଶରେ ଚର୍ଚ୍ଚା । କାରଣ ତାଙ୍କୁ ଦେଶର ସବୁଠୁ ଗରିବ ଲୋକସଭା ପ୍ରାର୍ଥୀ ବୋଲି ବିବେଚନା କରାଯାଉଛି । ଓକିଲ ଭାବେ କାର୍ଯ୍ୟ କରୁଥିଲେ ହେଁ ଯାହା କିଛି ରୋଜଗାର ହୁଏ, ପରିବାର ପାଇଁ ଖର୍ଚ୍ଚ ହୋଇଯାଏ । ବ୍ୟାଙ୍କ ଆକାଉଣ୍ଟରେ ଅଧୁଲିଟିଏ ନାହିଁ । ତାଙ୍କର କିମ୍ବା ତାଙ୍କ ପତ୍ନୀ ବବିତାଙ୍କର ମଧ୍ୟ କୌଣସି ଟଙ୍କା ନାହିଁ । ଉଭୟଙ୍କର ସୁନା ଗହଣା ମଧ୍ୟ ନାହିଁ । ତଥାପି ମନରେ ସାହସ ଜୁଟାଇ ନିର୍ବାଚନ ରଣାଙ୍ଗନକୁ ଓହ୍ଲାଇଛନ୍ତି । ଅର୍ଥାଭାବରୁ ଚାଲିଚାଲି ପ୍ରଚାର କରୁଛନ୍ତି । ୨୦୦୦ ମସିହାରୁ ସମସ୍ତ ସାଧାରଣ ନିର୍ବାଚନ ଲଢିଥିଲେ ହେଁ ଗୋଟିଏରେ ବି ଜିତି ନଥିବା ମାଙ୍ଗେରାମ୍‌ କହିଛନ୍ତି, ଏଥର ପରିସ୍ଥିତି ତାଙ୍କ ସପକ୍ଷରେ ଅଛି । ଲୋକମାନେ ତାଙ୍କୁ ପସନ୍ଦ କରୁଥିବା ସେ ଅନୁଭବ କରୁଛନ୍ତି । ନିର୍ବାଚନ ଜିତିଲେ, ସ୍ଥାନୀୟ ଅଞ୍ଚଳର ବିକାଶ ସହିତ ଲୋକଙ୍କ ସେବା କରିବେ ବୋଲି କହିଛନ୍ତି ।

   ସମ୍ବନ୍ଧିତ ଖବର


୩୦ ବିସ୍ଥାପିତ ପାକ୍‌ ନାଗରିକଙ୍କୁ ଅନ୍‌ଲାଇନ୍‌ରେ ଭାରତର ନାଗରିକତା ପ୍ରଦାନ କଲେ ରାଜସ୍ଥାନ ସରକାର

ଅଷ୍ଟ୍ରେଲିଆରେ ଆଦାନୀଙ୍କୁ ବିରୋଧ, ସିଡନୀ ଓ୍ବାନଣ୍ଡେରେ ଧଷେଇ ପଶି ଆସିଲେ ପଡ଼ିଆକୁ ଆନ୍ଦୋଳନକାରୀ , କ୍ୟାମେରାକୁ ଦେଖାଇଲେ ପ୍ଲାକାର୍ଡ

ସୁଶୀଲ ମୋଦୀଙ୍କୁ ରାଜ୍ୟସଭା ଟିକେଟ୍: ପାଶଓ୍ବାନଙ୍କ ସ୍ଥାନରେ ହେଲେ ବିଜେପି ପ୍ରାର୍ଥୀ, ପୂର୍ବତନ ଉପମୁଖ୍ୟମନ୍ତ୍ରୀ କେନ୍ଦ୍ରରେ ହୋଇ ପାରନ୍ତି ମନ୍ତ୍ରୀ

ସାବରିମାଲାରେ କରୋନା ଆତଙ୍କ – ୨୭ କର୍ମଚାରୀଙ୍କ ସହ ୩୯ଲୋକ ସଂକ୍ରମିତ

କରୋନାରେ ଆର୍ଥିକ ପ୍ରଭାବ ପାଇଁ କିମ୍‌ ଜୋଙ୍ଗ୍‌ଙ୍କ ବଢ଼ିଲା କ୍ରୋଧ – ଲୋକଙ୍କୁ ଫାଶୀ ଖୁଣ୍ଟରେ ଝୁଲାଇଲେ, ମାଛ ମାରିବାରେ ଲଗେଇଲେ ରୋକ୍‌

ଅଷ୍ଟ୍ରିଆର ଏକ ଗାଁର ନାଁ ବଦଳାଇବା ପାଇଁ ଭୋଟିଂ, କାରଣ ହେଉଛି…