PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

ମୃତ୍ୟକୁ ନିକଟରେ ଦେଖି ମଧ୍ୟ ସେ ହସୁଥିଲେ… ଜାଣନ୍ତୁ କ’ଣ କହିଲେ ପାରିକରଙ୍କୁ ଚିକିତ୍ସା କରୁଥିବା ଡାକ୍ତର

ନୂଆଦିଲ୍ଲୀ,୧୮।୩: ସେ ଜାଣିଥଲେ ତାଙ୍କ ଶରୀରର ସ୍ଥିତି କ’ଣ? ତଥାପି ମଧ୍ୟ ହସୁଥିଲେ। ମୃତ୍ୟୁକୁ ସେ ଭୟ କରିନଥିଲେ। ଶେଷ ସମୟ ପର୍ଯ୍ୟନ୍ତ ଜଣେ ଯୋଦ୍ଧା ଭାବରେ ନିଜର ରୋଗ ସହ ହସି ହସି ଲଢେଇ କରିଥିଲେ। ମୃତ୍ୟୁ ପର୍ଯ୍ୟନ୍ତ ନିଜର କର୍ତ୍ତବ୍ୟକୁ ପାଳନ କରିଚାଲିଥଲେ। ଏଭଳି ଜଣେ ସାହାସୀ ବ୍ୟକ୍ତିତ୍ବ ଥିଲେ ଗୋଆର ମୁଖ୍ୟମନ୍ତ୍ରୀ ମନୋହର ପାରିକର ବୋଲି କହିଛନ୍ତି ତାଙ୍କୁ ଚକିତ୍ସା କରୁଥିବା ଡାକ୍ତର। ଉଲ୍ଲେଖନୀୟ ଯେ ଗତ ରବିବାର ସନ୍ଧ୍ୟାରେ ୬୩ ବର୍ଷ ବୟସରେ ପାରିକରଙ୍କ ପରଲୋକ ହୋଇଯାଇଛି।

source: https://navbharattimes.indiatimes.com

ଲୀଳାବତୀ ହସ୍ପିଟାଲର ସର୍ଜିକାଲ ଅନକୋଲୋଜି ଡିପାର୍ଟମେଣ୍ଟର ଅଧ୍ୟକ୍ଷ ଡାକ୍ତର ପି ଜଗନ୍ନାଥ ପାରିକରଙ୍କୁ ଚିକତ୍ସା କରୁଥିଲେ। ସେ ତାଙ୍କର ପରଲୋକ ପରେ ଖୁବ୍ ଦୁଃଖ ପ୍ରକାଶ କରିଛନ୍ତି। ସେ କହିଛନ୍ତି ୧୫ ଫେବୃଆରୀ ୨୦୧୮ର ସେ ଦିନ ମୋର ମନେଅଛି। ମୋତେ କୁହାଯାଇଥିଲା ଜଣେ ଭିଭିଆଇପିଙ୍କୁ ଗୋଆରୁ ଲୀଳାବତୀ ହସ୍ପିଟାଲ ଅଣାଯିବ। ତାଙ୍କ ପେଟରେ ଯନ୍ତ୍ରଣା ହେଉଛି ଓ ସେ ଅଗ୍ନାଶୟ ସମ୍ପର୍କିତ କୌଣସି ସମସ୍ୟାରେ ପୀଡିତ ଅଛନ୍ତି। ଭିଭିଆଇପି ହୋଇଥିବାରୁ ହସ୍ପିଟାଲରେ ସବୁ ପ୍ରକାର ପ୍ରସ୍ତୁତି ଚାଲିଥିଲା। ହସି ହସି ଜଣେ ବ୍ୟକ୍ତି ଆସିଥିଲେ, ସେ ଆଉ କେହି ନୁହଁନ୍ତି, ମନୋହର ପାରିକର ଥିଲେ।

source: https://www.news18.com/

ମୁଁ ଯେତେବେଳେ ତାଙ୍କର ରିପୋର୍ଟ ଦେଖିଥିଲି ନିରାଶ ହୋଇଯାଇଥିଲି। କାରଣ ତାଙ୍କ ଅଗ୍ନାଶୟରେ  କିଛି କ୍ଷତ ଥିଲା। ଦୁର୍ଭାଗ୍ୟର କଥା ଯେ ଅଗ୍ନାଶୟର କ୍ଷତର ଲକ୍ଷଣ ଆରମ୍ଭରୁ ବହୁତ କମ୍ ଦେଖାଯାଇଥାଏ। ଏହାପରେ ଅଗ୍ନାଶୟର ଚିକିତ୍ସା ଆରମ୍ଭ କରାଯାଇଥିଲା। ଏପରିକି ତାଙ୍କ ଉପରେ ଏହାର ପ୍ରଭାବ ଭଲ ପଡୁଥିବାର ଦେଖିବାକୁ ମିଳିଥିଲା। ସେ ଯେତେବେଳେ ହସ୍ପିଟାଲରେ ଭର୍ତ୍ତି ଥିଲେ ତାଙ୍କୁ ଦେଖିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସିଥିଲେ। ପ୍ରଧାନମନ୍ତ୍ରୀ ଖୁବ୍ ଚିନ୍ତାରେ ଥିଲେ କାରଣ ତାଙ୍କର ଜଣେ ଭଲ ବନ୍ଧୁ ଓ ସହଯୋଗୀ ଗମ୍ଭୀର ରୋଗରେ ପୀଡିତ ଅଛନ୍ତି। ଏହି ସମୟରେ ପାରିକର ଅଳ୍ପ ହସି ମୋଦିଙ୍କୁ କହିଥିଲେ ସେ କେବଳ ଗୋଆର ଲୋକଙ୍କ ସେବା କରିବାକୁ ଚାହାଁନ୍ତି। ପ୍ରଧାନମନ୍ତ୍ରୀ ମୋତେ କହିଥିଲେ ଏହି ରୋଗର ଚିକିତ୍ସା ପାଇଁ ବିଶ୍ବରେ ଯାହା ସବୁଠୁ ଭଲ ତାହା ତାଙ୍କ ପାଇଁ କରାଯାଉ। ଇଣ୍ଟରନ୍ୟାସନାଲ ହେପା​ଟୋ ପ୍ୟାନକ୍ରିଏଟୋ ବାଇଲେରି ଆସୋସିଏସନର ଅଧ୍ୟକ୍ଷ ହୋଇଥିବା କାରଣରୁ ନ୍ୟୁୟର୍କ ସ୍ଥିତ ମେମୋରିଆଲ ସ୍ଲୋଅନ୍ କେଟରିଂର କିଛି ସାଥୀ ଡାକ୍ତର ତାଙ୍କର ଚିକତ୍ସା ପାଇଁ ପ୍ରସ୍ତୁତ ହୋଇଥିଲେ। ଏହାପରେ ପାରିକରଙ୍କୁ ନ୍ୟୁୟର୍କ ଅଣାଯାଇଥିଲା। ଏହାପରେ ସମସ୍ତ ଜିନିଷ ନିୟନ୍ତ୍ରଣରେ ରହିଥିଲା ଓ ସେଠାରୁ ସେ ଫେରିଆସିଥିଲେ।

source: https://www.moneycontrol.com

ହସ୍ପିଟାଲରେ ସେ ମଧ୍ୟ ନିଜର ଅଫିସ କାର୍ଯ୍ୟ କରୁଥିଲେ। ନିଜର କର୍ମଚାରୀଙ୍କ ସହ ଅଫିସ କାମ କରୁଥିଲେ। ଏପରିକି ତାଙ୍କୁ ଦେଖା କରିବାକୁ ମୁଁ ନ୍ୟୁୟର୍କ ଯାଇଥିବା ବେଳେ ନିଜ କର୍ମଚାରୀଙ୍କ ଠାରୁ କିଛି ସୂଚନା ଏକାଠି କରୁଥିଲେ। ଯେତେବେଳେ ବାହାରକୁ ଆସୁଥିଲେ, ସେ ସବୁବେଳେ ଗୋଆ ଫେରିବାକୁ ଅପେକ୍ଷା କରୁଥିଲେ। ଚିକିତ୍ସା ବେଳେ ମଧ୍ୟ ସେ କେବେ ବିଚଳିତ ନଥିଲେ। ହସ୍ପିଟାଲରେ ଭର୍ତ୍ତିଥିବା ବେଳେ କହିଥିଲେ ବିଧାନସଭା ବଜେଟ୍ ଉପସ୍ଥାପନ କରିବାର ଅଛି। ଆମେ ଭୟ କରିଯାଇଥିଲୁ କିନ୍ତୁ ସେ ଠିକ୍ ସମୟରେ ଓ ସଠିକ୍ ଭାବରେ ବଜେଟ୍ ଉପସ୍ଥାପନ କରିଥିଲେ। ଏତେ ସକାରତ୍ମକ ରୋଗୀଙ୍କୁ ମୁଁ ମୋ ଜୀବନରେ କେବେ ଦେଖିନି ବୋଲି କହିଛନ୍ତି ଡାକ୍ତର ଜଗନ୍ନାଥ। ମୁଁ ତାଙ୍କୁ ଖୁବ୍ ସମ୍ମାନ ଦିଏ। ଜଣେ ମୁଖ୍ୟମନ୍ତ୍ରୀ ଭାବରେ ନୁହେଁ କି ଦେଶର ପ୍ରତିରକ୍ଷା ମନ୍ତ୍ରୀ ଭାବରେ ନୁହେଁ ବଂର ଜଣେ କର୍ତ୍ତବ୍ୟପରାୟଣ ଓ ପରିଶ୍ରମୀ ନେତାଙ୍କୁ ଆମେ ହରାଇଛୁ ବୋଲି ସେ କହିଛନ୍ତି।   

ସମ୍ବନ୍ଧିତ ଖବର