PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : CHSE ଅଫିସରେ ସମ୍ମୁଖରେ ହାତ କାଟିଲେ ଛାତ୍ରୀ, ହସ୍ପିଟାଲରେ ଭର୍ତ୍ତି
  • ||
  • ସମ୍ବଲପୁର : ଭିଜିଲାନ୍ସ ପଞ୍ଝାରେ OCCL ସିନିୟର ମ୍ୟାନେଜର, ଆୟ ବର୍ହିଭୁକ୍ତ ସମ୍ପତ୍ତି ଠୁଳ ଅଭିଯୋଗ
  • ||
  • ଗଞ୍ଜାମ: ରାତି ଅଧରେ ବିଭତ୍ସ ହତ୍ୟା, ଶୋଇଥିବା ବେଳେ ଯୁବକଙ୍କୁ ହାଣିବା ପରେ ମୁହଁକୁ ପଥରରେ ଛେଚି ହତ୍ୟା
  • ||
  • ଖୋର୍ଦ୍ଧା: ସଦର ଥାନା ତାପଙ୍ଗ ଗ୍ରାମରେ ଖୁଦୁରୁକୁଣୀକୁ ନେଇ ଗଣ୍ଡଗୋଳ ଜଣକୁ ହତ୍ୟା
  • ||
  • ଭୁବନେଶ୍ୱର: ୨୪ ଘଣ୍ଟା ମଧ୍ୟରେ ଆଉ ୫୧୦ ଜଣ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୨୦ ହଜାର ପାର୍
  • ||
  • ଭୁବନେଶ୍ୱର: ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୪୧କୁ ବୃଦ୍ଧି
  • ||
  • ଭୁବନେଶ୍ୱର: ଖୋଲା ଡ୍ରେନ୍‌ରେ ଛାତ୍ର ଭାସିଯିବା ଘଟଣା, ୧୮ ଘଣ୍ଟା ପରେ ଠାବ ହେଲା ରାଜାଙ୍କ ମୃତଦେହ
  • ||
  • ବୁର୍ଲା : ଭିସୁଟ୍‌ରେ ପଶିଲା କରୋନା, କୁଳପତିଙ୍କ ସମେତ ୨ ଛାତ୍ର ଆକ୍ରାନ୍ତ ଚିହ୍ନଟ
  • ||
  • ଭୁବନେଶ୍ୱର : ଆଗାମୀ ୧୦ ଦିନ ମଧ୍ୟରେ ବଙ୍ଗୋପସାଗରରେ ଏକାଧିକ ଘୁର୍ଣ୍ଣିବଳୟର ସୃଷ୍ଟି, ଓଡିଶାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ଅନୁଗୁଳ : ବନ୍ଦ କ୍ୱାର୍ଟର୍ସରେ ଲୁଚାଇ ରଖିଥିଲେ, ଏକ୍ସପାରି ହେବା ପରେ ରାତାରାତି ଗାଡ଼ି ଗାଡ଼ି ଔଷଧ ଫିଙ୍ଗି ଦେଲେ…
  • ||
  • ପୁରୀ : ଆଜି ଶ୍ରୀମନ୍ଦିରରେ ଇନ୍ଦ୍ର ଗୋବିନ୍ଦ ବନ୍ଦାପନା
  • ||
  • ପିପିଲି : ଆଜିଠୁ ଜମିବ ଉପନିର୍ବାଚନ ପ୍ରଚାର, ମଇଦାନକୁ ଓହ୍ଲାଇବେ ତିନି ଦଳର ଷ୍ଟାର ପ୍ରଚାରକ
  • ||

ପ୍ରଚାର ମଇଦାନକୁ ଓହ୍ଲାଇଲେ ବିଜୟ: ମିଶ୍ରଣ ସମାବେଶରେ ଯୋଗଦେଲେ ଶତାଧିକ ବିଜେଡି, କଂଗ୍ରେସ କର୍ମୀ

କେନ୍ଦ୍ରାପଡ଼ା/ଡେରାବିଶ,୬ା୨(ଆପ୍ର): ଏଥରର ସାଧାରଣ ନିର୍ବାଚନ ଅସାଧାରଣ ହେବ ବୋଲି ପୂର୍ବାନୁମାନ କରିଛନ୍ତି ପୂର୍ବତନ ମନ୍ତ୍ରୀ ତଥା ପାଟକୁରାର ବିଜେପି ପ୍ରାର୍ଥୀ ବିଜୟ ମହାପାତ୍ର । ଆଜି ପ୍ରଚାର ମଇଦାନକୁ ଓହ୍ଲାଇ ଡେରାବିଶର ଛତାହାଟ ପଡ଼ିଆରେ ଆୟୋଜିତ ବିଜେପିର ସ୍ୱାଭିମାନ ସମାବେଶରେ ଯୋଗ ଦେବା ଅବସରରେ ସେ ଏହା କହଛନ୍ତି । ଆକଳନଠାରୁ ଅଧିକ ଲୋକଙ୍କ ସମାଗମ ଦେଖି ଏହା ଆଗାମୀ ଦିନରେ ନିଶ୍ଚିତ ବଡ଼ ପରିବର୍ତ୍ତନର ସୂଚନା ଦେଉଛି ବୋଲି ବିଜିୟ କହିଥିଲେ । ସମାବେଶରେ ବିଜୟଙ୍କ ସହିତ ପୂର୍ବତନ ସାଂସଦ ବୈଜୟନ୍ତ ପଣ୍ଡା ଏବଂ ସିନେ ଅଭିନେତା ବାବୁଶାନ ବି ଯୋଗ ଦେଇଥିଲେ ।

ଶ୍ରୀ ମହାପାତ୍ର କହିଥିଲେ, ମୁଁ ଲୋକଙ୍କ ପାଇଁ ଲଢ଼ିବାକୁ ଚାହେଁ, ଲୋକଙ୍କ ସହ ରହିବାକୁ ଚାହେଁ । ଯେଉଁମାନେ ଶାସନରେ ଅଛନ୍ତି, ସେମାନଙ୍କର ଲୋକଙ୍କ ପାଇଁ ଆନ୍ତରିକତା ନାହିଁ କି ନିଷ୍ଠା ନାହିଁ । ବୈଜୟନ୍ତ ପଣ୍ଡା ସାଂସଦ ନିର୍ବାଚିତ ପରେ ବି ପ୍ରତ୍ୟେକ ନିର୍ବାଚନମଣ୍ଡଳୀ ଯାଇ ଲୋକଙ୍କ ସହିତ ମିଶିଛନ୍ତି, ସେମାନଙ୍କ ଅସୁବିଧାରେ ସାମିଲ ହେଉଛନ୍ତି । ତାଙ୍କ ପାଖରେ ଅଭିଯୋଗର ଲମ୍ୱା ଚିଠା ରହିଛି, ଯାହାକୁ ସେ ଆଗାମୀ ଦିନରେ ଠିକ୍‌ ସମୟରେ, ଠିକ୍‌ ଦିନରେ ଉପସ୍ଥାପନ କରିବେ । ଏହି ଅବସରରେ ଯୁବକଙ୍କୁ ଆହ୍ୱାନ ଦେଇ ସେ କହିଥିଲେ, ଏ ନିର୍ବାଚନ ଐତିହାସିକ, ଅସାଧାରଣ ନିର୍ବାଚନ ହେବାକୁ ଯାଉଛି । ଆସନ୍ତା ୮ ତାରିଖରେ ସେ ପ୍ରାର୍ଥିପତ୍ର ଦାଖଲ କରିବାକୁ ଯାଉଛନ୍ତି । ଓଡ଼ିଶାରେ ୧୪୬ଟି ନିର୍ବାଚନମଣ୍ଡଳୀ ଗୋଟେ ଆଡ଼େ ଯିବ । ସାରା ଓଡ଼ିଶାରେ ଆମ ଜିଲ୍ଲା, ପାଟକୁରା ନିର୍ବାଚନ ମଣ୍ଡଳୀ ୧ନଂ. ହୋଇ ରହିବ । ସମସ୍ତେ ଆଜି ଏଇ ସଙ୍କଳ୍ପ ନେଇ ଯିବାକୁ ସେ ଆହ୍ୱାନ ଦେଇଥିଲେ ।

ପୂର୍ବତନ ସାଂସଦ ତଥା ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ବିଜେଡି ସରକାର ଉପରେ ବର୍ଷିଥିଲେ । ସମାବେଶରେ ସିନେ ତାରକା ବାବୁଶାନ କର୍ମୀ ଏବଂ ଜନସାଧାରଣଙ୍କୁ ଉତ୍ସାହିତ କରି ବୈଜୟନ୍ତ ଓ ବିଜୟଙ୍କ ସପକ୍ଷରେ ପ୍ରଚାର କରିଥିଲେ । ଏହି ଅବସରରେ ବିଜେଡି ଓ କଂଗ୍ରେସରୁ ୫୦୦ରୁ ଅଧିକ କର୍ମକର୍ତ୍ତା, ସଂଗଠକ ବିଜେପିରେ ଆନୁଷ୍ଠାନିକ ଭାବେ ଯୋଗ ଦେଇଥିଲେ । କେନ୍ଦ୍ରାପଡ଼ା ବିଜେପି ଜିଲ୍ଲା ସଭାପତି ଦୁର୍ଯ୍ୟୋଧନ ସାହୁଙ୍କ ପୌରୋହିତ୍ୟରେ ସଭା କାର୍ଯ୍ୟ ସମ୍ପାଦନ ହୋଇଥିଲା ।

ସମ୍ବନ୍ଧିତ ଖବର