PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଲାଙ୍ଗୀର:ହାତୀଦାନ୍ତ ରାକେଟକୁ ମାଡିବସିଲା ଏସ୍ ଟି ଏଫ୍ ଟିମ୍, ଦୁଇ ଜଣଙ୍କୁ ଅଟକ ରଖି ପଚରାଉଚୁରା ଜାରି, ବଲାଙ୍ଗୀର ରେଞ୍ଜ ଦେଓଗାଁ ଅଞ୍ଚଳରୁ ରାକେଟ ଧରାପଡ଼ିଥିବା ସୂଚନା
  • ||
  • ଭୁବନେଶ୍ୱର ନୟାପଲ୍ଲୀରୁ କଣ୍ଟ୍ରାକ୍ଟ କିଲର ଗିରଫ ମାମଲା , ଦ୍ୱିତୀୟ ପର୍ଯ୍ୟାୟରେ ୪ଦିନିଆ ରିମାଣ୍ଡରେ ଯିବେ ୨ କିଲର( ସମ୍ପଦ ସାହୁ , ପ୍ରଶାନତ ଦାସ), ରିମାଣ୍ଡ ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ସମ୍ବଲପୁର ସହରର ଟାଂଗରପାଲିରେ ଟ୍ରକ ଧକ୍କାରେ ଗୋଟିଏ ପରିବାରର ୪ ଗୁରୁତର
  • ||
  • ଆସନ୍ତାକାଲି ସକାଳ ୧୦.୩୦ ଯାଏ ବିଧାନସଭା ମୁଲତବୀ , ସର୍ବଦଳୀୟ ବୈଠକରେ ବାହାରିଲାନି କୌଣସି ନିଷ୍କର୍ଷ ବୋଲି କହିଲେ ବାଚସ୍ପତି
  • ||
  • ଗୃହ ସୁପରିଚାଳନା ପାଇଁ ସର୍ବଦଳୀୟ ବୈଠକ ଡାକିଲେ ବାଚସ୍ପତି
  • ||
  • ୧୦ ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ନାକଟିଦେଉଳ: ବାରହା ମାଂସ ଜବତ, ଜନ୍ତୁ ଶିକାର ଅଭିଯୋଗରେ ଶିକାରୀ କୋର୍ଟ ଚାଲାଣ ।
  • ||
  • ଭବାନୀପାଟଣା: ବସ୍‌କୁ ସଜାଡୁଥିଲେ ଡ୍ରାଇଭର, ଅଚାନକ ଗାଡ଼ି ଜେକ ଖସି ଯିବାରୁ ଚକା ତଳେ ଚାପି ହୋଇ ଚାଲିଗଲା ଚାଳକଙ୍କ ଜୀବନ
  • ||
  • ପୁରୀ: ପୁରୀ ଅଜମେର ଟ୍ରେନରେ ଧୂଆଁ, ଗୋଟିଏ ଘଣ୍ଟା ବିଳମ୍ବ
  • ||
  • ଖୋର୍ଦ୍ଧା: ଭିଜିଲାନ୍ସ ଜାଲରେ ଧରାପଡିଲେ ଖୋର୍ଦ୍ଧା ସହକାରୀ ଯନ୍ତ୍ରୀ, ଜଣେ ଠିକାଦରଙ୍କଠୁ ୧୦ ହଜାର ଲାଞ୍ଚ ନେବା ବେଳେ ଧରାପଡିଲେ
  • ||
  • ଭୁବନେଶ୍ଵର : ଷଷ୍ଠ ଦିନରେ ବିଧାନସଭା ଅଚଳ, ବିରୋଧୀଙ୍କ ଘଣ୍ଟ ମାଡ଼ରେ କମ୍ପିଲା ଗୃହ, ଗଙ୍ଗା ଜଳ ଛିଞ୍ଚିଲା ବିଜେଡି
  • ||
  • ତେଲକୋଇ : ତେଲକୋଇ ଫରେଷ୍ଟ ବିଟ୍‌ରେ ହାତୀ ଉପଦ୍ରବ, ନଷ୍ଟକଲେ ଏକର ଏକର ଧାନ ଫସଲ
  • ||
  • ବାଲିକୁଦା : ବିଦ୍ୟୁତ୍ ଟ୍ରାନ୍ସଫର୍ମର ଲୁଟ୍ କରିବା ବେଳେ ଧରାପଡ଼ିଲେ ୩ ଚୋର, ଖୋର୍ଦ୍ଧାରେ ବିକ୍ରି କରୁଥିଲେ ଚୋରି ଯନ୍ତ୍ରାଂଶ
  • ||
  • କଟକ : ଭିଜିଲାନ୍ସ ଜାଲରେ OSAP ସିପାହୀ, ନଗଦ ୨ ଲକ୍ଷ ୯୪ ହଜାର ଟଙ୍କା ଜବତ
  • ||
  • କଳାହାଣ୍ଡି : ରୋଗୀ ଆଣିବାକୁ ଯିବାବେଳେ ଦୁର୍ଘଟଣା, ଭାରସାମ୍ୟ ହରାଇ ରାସ୍ତା ତଳକୁ ଖସିଲା ଆମ୍ବୁଲାନ୍ସ
  • ||
  • ଭୁବନେଶ୍ଵର: ରାଜ୍ୟରେ ୨୪ ଘଣ୍ଟା ମଧ୍ୟରେ ଆଉ ୧୫୧ ଜଣ କରୋନା ପଜିଟିଭ ଚିହ୍ନଟ, ଆଉ ଜଣଙ୍କ ଜୀବନ ନେଲା କୋଭିଡ୍
  • ||
  • ଗଜପତି: ଏଟିଏମ୍ ଲୁଟ୍ ଉଦ୍ୟମ ପଣ୍ଡ, ୩ ଲୁଟେରାଙ୍କୁ ଗୋଡାଇ ଗୋଡାଇ କାବୁ କଲା ପୋଲିସ
  • ||
  • ଚାନ୍ଦବାଲି: ସ୍ଥାୟୀ ଘରଡିହ ପଟା ପାଇଁ ଦାବି କରିବାରୁ ବାସହରା ହେଲେ ୧୧ ପରିବାର, ରାଜରାସ୍ତାରେ ଶୀତ କାକରରେ କଟୁଛି ଜୀବନ
  • ||
  • ବୁର୍ଲା: ଭିମସାରରେ ୨ ଛାତ୍ରଛାତ୍ରୀଙ୍କ ଠାରେ ଡେଲ୍ଟା ଭାରିଆଣ୍ଟ ଚିହ୍ନଟ
  • ||
  • ପାରଳାଖେମୁଣ୍ଡି: ଭିଜିଲାନ୍ସ ପଞ୍ଝାରେ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||

ପଦ୍ମ ପୋଖରୀକୁ ଛୁଟିଛି ସୁଅ: ବିଜେପିରେ ଯୋଗଦେଲେଣି ୯ ବିଜେଡି ନେତା

ଭୁବନେଶ୍ୱର ୨୦/୩: ରାଜ୍ଯ ରାଜନୀତିରେ ଏବେ ଇସ୍ତଫା ପର୍ବ ଚାଲିଛି । ବାକି ସବୁ ପଛକଥା, ଆଗ ଦରକାର ଟିକେଟ । ଟିକେଟ ନାହିଁ ତ କିଛି ନାହିଁ । ଟିକେଟ ନମିଳିଲେ ହାଇକମାଣ୍ଡଙ୍କ କଥାକୁ ମଧ୍ଯ ଶୁଣିବାକୁ ନେତାମାନେ ନାରାଜ । ଏମିତି ଚିତ୍ର ଏବେ ଦେଖିବାକୁ ମିଳିଛି ଶାସକ ଦଳ ବିଜେଡିରେ । ଜଣକ ପରେ ଜଣେ ବିଧାୟକ ଓ ସାଂସଦ ଦଳ ଛାଡିବାରେ ଲାଗିଛନ୍ତି । କେବଳ ଯେ ଦଳ ଛାଡୁଛନ୍ତି ତା ନୁହେଁ, ସିଧା ପଦ୍ମ ପୋଖରୀକୁ ଲମ୍ଫ ମାରୁଛନ୍ତି ନେତାଏ ।

ଦୁଇ ମାସ ତଳେ ବିଜେଡିରେ ଯେଉଁପରିମାଣରେ ନେତାମାନେ ମିଶୁଥିଲେ ଏବେ ସେହି ପରିମାଣରେ ଦଳ ଛାଡୁଛନ୍ତି। ଲାଗୁଛି ଯେମିତି ଟିକେଟ ନମିଳିବାରୁ ଧେର୍ଯ୍ୟହରା ହୋଇପଡୁଛନ୍ତି ନେତାମାନେ । ତୁରନ୍ତ ଦଳକୁ ବାଏବାଏ କରିଦେଉଛନ୍ତି । ତେବେ ଟିକିଏ ନଜର ପକାଇବା ବିଜେଡିରୁ ଟିକେଟ ନମିଳିବା ପରେ ବିଜେପିରେ ଯୋଗଦେଇଥିବା କିଛି ନେତାଙ୍କ ତାଲିକା ଉପରେ…

ଦଶପଲ୍ଲାର ବିଜେଡି ବିଧାୟକ ଥିବା ପୂର୍ଣ୍ଣଚନ୍ଦ୍ର ନାୟକ ଦଳ ସହ ସଂପର୍କରେ ପୂର୍ଣ୍ଣଛେଦ ପକାଇଛନ୍ତି। କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ବରୀ ବି ଇସ୍ତଫା ଦେଇଛନ୍ତି । ଗତକାଲି ରାତିରୁ କଳାହାଣ୍ଡି ସାଂସଦ ଅର୍କ କେଶରୀ ଦେଓ ବିଜେଡିରୁ ଇସ୍ତଫା ଦେଇସାରିଛନ୍ତି । ପାରଳାରୁ ୨୦୧୪ ନିର୍ବାଚନ ଲଢିଥିବା ବିଜେଡି ନେତା କେ. ଏନ୍. ରାଓ ଦଳ ଛାଡିଛନ୍ତି ।

ସେପଟେ ବିଜେପି ଶିବିରରେ ଦିନକୁ ଦିଓଳା ଚାଲୁଛି ମିଶ୍ରଣ ପର୍ବ। ଯେଉଁମାନେ ଅସନ୍ତୁଷ୍ଟ ହୋଇ ବିଜେଡି ଛାଡୁଛନ୍ତି ସେମାନେ ଗେରୁଆ ଉତ୍ତରୀ, ଟୋପି ସହିତ ଫୁଲ ତୋଡ଼ା ଧରି ବିଜେପିରେ ମିଶୁଛନ୍ତି। ଆଜି କେ. ଏନ. ରାଓ ଶଙ୍ଖ ଛାଡି ପଦ୍ମ ଧରିଛନ୍ତି । ତାଙ୍କ ସହ ୩୦ ସରପଞ୍ଚ, ୩୨ ସମିତି ସଭ୍ୟ, ୩ ଜିଲ୍ଲାପରିଷଦ ଓ ୨ ବ୍ଲକ ଚେୟାରମ୍ୟାନ ବି ବିଜେପିରେ ସାମିଲ ହୋଇଛନ୍ତି ।

ବିଜେଡିରୁ ଇସ୍ତଫା ଦେଇଥିବା ନିଳଗିରି ବିଧାୟକ ସୁକାନ୍ତ ନାୟକ ବି ବିଜେପିରେ ମିଶିଛନ୍ତି । ଦଶପଲ୍ଲା ବିଧାୟକ ପୂର୍ଣ୍ଣ ନାୟକ ଆଜି ବିଜେଡି ଛାଡୁଛାଡୁ ସିଧା ପଦ୍ମ ପୋଖରୀରେ ପଶିଛନ୍ତି । ସେହିଭଳି ଗୁଣପୁର ବିଧାୟକ ତ୍ରିନାଥ ଗମାଙ୍ଗ ବି ବିଜେଡି ଛାଡି ବିଜେପିରେ ମିଶିଛନ୍ତି । ମୟୁରଭଞ୍ଜର ପୂର୍ବତନ ବିଜେଡି ସାଂସଦ ଲକ୍ଷ୍ଣଣ ଟୁଡୁ ବି ଫୁଲ ଧରିଛନ୍ତି । ଏହାସହ ସୁନ୍ଦରଗଡର ବିଜେଡି ନେତ୍ରୀ କୁସୁମ ଟେଟେ, ଇନ୍ଦୁମତୀ ନାୟକ, ଆସ୍କା ବିଧାୟକ ଦେବରାଜ ମହାନ୍ତି, ଦଶପଲ୍ଲା ପୂର୍ବତନ ବିଧାୟକ କାଶୀନାଥ ମଲ୍ଲିକ, ପୋଲସରା ପୂର୍ବତନ ବିଧାୟକ ନିରଞ୍ଜନ ପ୍ରଧାନ, ଗଞ୍ଜାମ ଜିଲ୍ଲାର ସ୍ବେଚ୍ଛାସେବୀ ପ୍ରଭାକର ପଣ୍ଡା ପ୍ରମୁଖ ଆଜି ଦଳର ରାଜ୍ୟ କାର୍ଯ୍ୟାଳୟଠାରେ ଆୟୋଜିତ ମିଶ୍ରଣ ପର୍ବରେ ବିଜେପିରେ ଯୋଗଦେଇଛନ୍ତି ।

ତେବେ ଏତିକିରେ ସରୁନି ବିଜେଡିରୁ ବିଜେପିକୁ ଡିଆଁ ପର୍ବ । ଆଗକୁ ଆହୁରି ବିଜେଡି ଟିକଟ ନପାଇ ନିରାଶ ହେଉଥିବା ନେତା ବିଜେପି ମୁହାଁ ହେବା ସଂକେତ ଦେଇସାରିଲେଣି । ଖୁବଶୀଘ୍ର କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ବରୀ ମଧ୍ୟ ବିଜେପିରେ ଯୋଗଦେଇପାରନ୍ତି । ଏସବୁ ଚିତ୍ର ଦର୍ଶାଉଛି ଯେ ବିଜେଡି ଅସନ୍ତୁଷ୍ଟଙ୍କ ପାଇଁ ଏକ ବଡ ପ୍ଲାଟଫର୍ମ ପାଲଟିଛି ବିଜେପି । ତେବେ ଏହି ଦଳଡିଆଁ କାହା ପାଇଁ ଲାଭଦାୟକ ହୋଇଛି ଆଉ କାହା ପାଇଁ ଘାଟା ଆଣି ଦେଉଛି ତାହାତ କେବଳ ନିର୍ବାଚନ ଫଳ ଆସିବାପରେ ହିଁ ଜଣାପଡିବ ।

ସମ୍ବନ୍ଧିତ ଖବର