PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଭିଜିଲାନ୍ସ ପଞ୍ଝାରେ OCCL ସିନିୟର ମ୍ୟାନେଜର, ଆୟ ବର୍ହିଭୁକ୍ତ ସମ୍ପତ୍ତି ଠୁଳ ଅଭିଯୋଗ
  • ||
  • ଗଞ୍ଜାମ: ରାତି ଅଧରେ ବିଭତ୍ସ ହତ୍ୟା, ଶୋଇଥିବା ବେଳେ ଯୁବକଙ୍କୁ ହାଣିବା ପରେ ମୁହଁକୁ ପଥରରେ ଛେଚି ହତ୍ୟା
  • ||
  • ଖୋର୍ଦ୍ଧା: ସଦର ଥାନା ତାପଙ୍ଗ ଗ୍ରାମରେ ଖୁଦୁରୁକୁଣୀକୁ ନେଇ ଗଣ୍ଡଗୋଳ ଜଣକୁ ହତ୍ୟା
  • ||
  • ଭୁବନେଶ୍ୱର: ୨୪ ଘଣ୍ଟା ମଧ୍ୟରେ ଆଉ ୫୧୦ ଜଣ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୨୦ ହଜାର ପାର୍
  • ||
  • ଭୁବନେଶ୍ୱର: ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୪୧କୁ ବୃଦ୍ଧି
  • ||
  • ଭୁବନେଶ୍ୱର: ଖୋଲା ଡ୍ରେନ୍‌ରେ ଛାତ୍ର ଭାସିଯିବା ଘଟଣା, ୧୮ ଘଣ୍ଟା ପରେ ଠାବ ହେଲା ରାଜାଙ୍କ ମୃତଦେହ
  • ||
  • ବୁର୍ଲା : ଭିସୁଟ୍‌ରେ ପଶିଲା କରୋନା, କୁଳପତିଙ୍କ ସମେତ ୨ ଛାତ୍ର ଆକ୍ରାନ୍ତ ଚିହ୍ନଟ
  • ||
  • ଭୁବନେଶ୍ୱର : ଆଗାମୀ ୧୦ ଦିନ ମଧ୍ୟରେ ବଙ୍ଗୋପସାଗରରେ ଏକାଧିକ ଘୁର୍ଣ୍ଣିବଳୟର ସୃଷ୍ଟି, ଓଡିଶାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ଅନୁଗୁଳ : ବନ୍ଦ କ୍ୱାର୍ଟର୍ସରେ ଲୁଚାଇ ରଖିଥିଲେ, ଏକ୍ସପାରି ହେବା ପରେ ରାତାରାତି ଗାଡ଼ି ଗାଡ଼ି ଔଷଧ ଫିଙ୍ଗି ଦେଲେ…
  • ||
  • ପୁରୀ : ଆଜି ଶ୍ରୀମନ୍ଦିରରେ ଇନ୍ଦ୍ର ଗୋବିନ୍ଦ ବନ୍ଦାପନା
  • ||
  • ପିପିଲି : ଆଜିଠୁ ଜମିବ ଉପନିର୍ବାଚନ ପ୍ରଚାର, ମଇଦାନକୁ ଓହ୍ଲାଇବେ ତିନି ଦଳର ଷ୍ଟାର ପ୍ରଚାରକ
  • ||

ବାଂଲାଦେଶ ଢାକାରେ ଭୟାବହ ଅଗ୍ନିକାଣ୍ଡ : ମୃତ୍ୟୁ ସଂଖ୍ୟା ୨୦କୁ ବୃଦ୍ଧି

ଢାକା ୨୯|୩ :ବାଂଲାଦେଶର ରାଜଧାନୀ ଢାକାରେ ବନାନୀ ଅଞ୍ଚଳରେ ଥିବା ୨୨ମହଲା ବିଶିଷ୍ଟ ଏଫଆର ଟାଓ୍ବାର ଅଗ୍ନିକାଣ୍ଡ ଘଟଣାରେ ମୃତ୍ୟୁ ସଂଖ୍ୟା  ୨୦ରେ ପହଞ୍ଚିଛି । ଗତକାଲି ଦିନ ଗୋଟାଏ ବେଳେ ଏହି ବହୁତଳ ବିଶିଷ୍ଟ ଟାଓ୍ବାରର ଷଷ୍ଠ ମହଲାରେ ଅଚାନକ ନିଆଁ ଲାଗିଯାଇଥିଲା । ଏହି ଅଗ୍ନିକାଣ୍ଡରେ ୭୦ରୁ ଅଧିକ ଲୋକ ଗୁରୁତର ଆହତ ହୋଇଛନ୍ତି । ମୃତକମାନଙ୍କ ମଧ୍ୟରେ ଶ୍ରୀଲଙ୍କା ନାଗରିକ ମଧ୍ୟ ଅଛନ୍ତି । ଅଗ୍ନିକାଣ୍ଡରୁ ହେଲିକାପ୍ଟର ଯୋଗେ ୧୦୦ଲୋକଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି ।

୨୨ମହଲା ବିଶିଷ୍ଟ ଏଫଆର ଟାଓ୍ବାରର ୬ଷ୍ଠ ମହଲାରେ ଗତକାଲି ନିଆଁ ଲାଗିଯିବା ପରେ ନିଆଁ ଅନ୍ୟ ମହଲାକୁ ବ୍ୟାପିଯାଇଥିଲା । ଟାଓ୍ବାରରେ ଥିବା ଲୋକମାନେ ଆତଙ୍କିତ ହୋଇ ଝରକା ପଟେ ଜୀବନ ରକ୍ଷା ଲାଗି ସାହାଯ୍ୟ କରିବା ପାଇଁ ଚିତ୍କାର କରିଥିଲେ । କିନ୍ତୁ କୌଣସି ସାହାଯ୍ୟ ତୁରନ୍ତ ନମିଳିବାରୁ କିଛି ଲୋକ ଜୀବନ ବିକଳରେ ତଳକୁ ଡେଇଁ ପଡିଥିଲେ । ଡେଇଁ ପଡିବା ଯୋଗୁଁ ୭ଜଣଙ୍କର ମୃତ୍ୟୁ ହୋଇଥିଲା । ଟାଓ୍ବାର ଭିତରୁ ୧୩ଜଣଙ୍କ ଶବ ଉଦ୍ଧାର କରାଯାଇଛି । ଏବେ ମଧ୍ୟ  ଟାଓ୍ବାର ଭିତରେ କିଛି ଶବ ରହିଥିବା ଆଶଙ୍କା କରାଯାଉଛି । ଅଗ୍ନିକାଣ୍ଡରେ ଆହତ ହୋଇଥିବା ଲୋକଙ୍କୁ ଢାକାରେ ଥିବା ସାମରିକ ହସସ୍ପିଟାଲରେ ଚିକିତ୍ସା କରାଯାଉଛି । ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ ।

ସୂଚନାଯୋଗ୍ୟ ଯେ, ଅଗ୍ନିକାଣ୍ଡ ଘଟିଥିବା ଏଫାଆର ଟାଓ୍ବାରର ଷଷ୍ଠ ମହଲାରେ କିଛି ଲୁଗା ଦୋକାନ ଓ ଇଣ୍ଟରନେଟ୍ ସେବା କେନ୍ଦ୍ର ରହିଛି । ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ ଗତକାଲି ଅପରାହ୍ନରେ ଏଫଆର ଟାଓ୍ବାରର ଉପର ମହଲା ଝରକାରୁ କିଛି ଲୋକ ସାହଯ୍ୟ ପାଇଁ ଚିତ୍କାର କରୁଥିବା ଦେଖିବାକୁ ମିଳିଥିଲା । ଫଳରେ ଆଖପାଖ ଅଞ୍ଚଳର ଲୋକେ ଏକ ଟିଭି କେବୁଲ ସଂପୃକ୍ତ ମହଲା ପାଖକୁ ଛିଡାଇ ପକାଇଦେଇଥିଲେ । ଏହି କେବୁଲକୁ ଧରି କିଛି ଲୋକ ତଳକୁ ଖସିଆସିବାରେ ସକ୍ଷମ ହୋଇଥିଲେ ।

ତେବେ ସମସ୍ତଙ୍କ ଭାଗ୍ୟ ସମାନ ନଥିଲା । କିଛି ଲୋକ ମଧ୍ୟ କେବୁଲ ଧରି ଓହ୍ଲାଇବା ବେଳେ ତଳକୁ ଖସି ପଡିଥିଲେ । ଢାକା ଅଗ୍ନିଶମ ସେବା ଓ ସିଭିଲ ଡିଫେନ୍ସ ନିର୍ଦ୍ଦେଶକ ଜୁଲଫିକର ରହମାନଙ୍କ ସୂଚନା ଅନୁସାରେ ହେଲିକାପ୍ଟର ଓ ସିଡି ମାଧ୍ୟମରେ ଟାଓ୍ବାର ଭିତରୁ ଶହେ ରୁ ଅଧିକ ଲୋକଙ୍କୁ ଉଦ୍ଧାର କରାଯାଇଛି । ଅଗ୍ନିଶମ କର୍ମଚାରୀମାନେ ପ୍ରତି ମହଲାର ଟିକିନିଖି ଯାଞ୍ଚ କରୁଛନ୍ତି । ମୃତ୍ୟୁ ସଂଖ୍ୟା ଆହୁରି ବଢିପାରେ ବୋଲି ସେ ଆଶଙ୍କା କରୁଛନ୍ତି ।

ସୂଚନାଯୋଗ୍ୟ ଯେ, ଗତ ମାସରେ ଢାକାର ସବୁଠୁ ଜନଗହଳିପୂର୍ଣ୍ଣ ଅଞ୍ଚଳ ଚୌକ ବଜାରରେ ଥିବା ଏକ ଆପାର୍ଟମେଣ୍ଟ ଓ ସାର ଗୋଦାମରେ ନିଆଁ ଲାଗି ୧୧୦ଜଣଙ୍କର ମୃତ୍ୟୁ ହୋଇଥିଲା । ଏହାର ୫ଦିନ ପୂର୍ବରୁ ଚଟଗାଓଁରେ ଥିବା ଏକ ବସ୍ତିରେ ନିଆଁ ଲାଗିଯିବା ଯୋଗୁଁ ୧୦ଜଣଙ୍କର ମୃତ୍ୟୁ ହୋଇଥିଲା 

ସମ୍ବନ୍ଧିତ ଖବର