PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଅଗଷ୍ଟ ୧୬ରୁ ଆରମ୍ଭ ହେବ ନବମ ଶ୍ରେଣୀ ପାଠପଢ଼ା, ସକାଳ ୯ଟାରୁ ଦିନ ସାଢ଼େ ୧୨ଟା ଯାଏ ହେବ ପାଠପଢ଼ା
  • ||
  • ସମ୍ବଲପୁର: ୮ ଘଣ୍ଟା ପରେ ପୁଣି ସହରରେ ହତ୍ୟାକାଣ୍ଡ, ମାଲତୀଗୁଣ୍ଡେପୁରରେ ଯୁବକଙ୍କୁ ହତ୍ୟା, ପ୍ରତିବାଦରେ ରାସ୍ତାରୋକ…
  • ||
  • ଟୋକିଓ ଅଲମ୍ପିକ୍ସ : ଭାରତକୁ ଆଉ ଏକ ପଦକ, ପୁରୁଷ ୫୭ କେଜି ଫ୍ରିଷ୍ଟାଇଲ କୁସ୍ତିରେ ରବିଙ୍କୁ ରୌପ୍ୟ
  • ||
  • କଟକ : ରାଜ୍ୟ ଜିଏସଟି ଏନଫୋର୍ସମେଣ୍ଟ ୱିଙ୍ଗ୍ ଦ୍ଵାରା ୬୪୧ କୋଟି ଟଙ୍କାର ଜାଲ ବିଲ୍ ରାକେଟ ମାମଲାରେ ତୃତୀୟ ମାଷ୍ଟର ମାଇଣ୍ଡ୍ ଗିରଫ
  • ||
  • ସମ୍ବଲପୁର : ସମ୍ବଲପୁର ସଦର ଥାନା ଅଞ୍ଚଳରେ ଯୁବକଙ୍କୁ ହତ୍ୟା ପରେ ରାସ୍ତାରେ ଫିଙ୍ଗିଦେଲେ ଦୁର୍ବୃତ୍ତ
  • ||
  • ଅଲିମ୍ପିକ୍ସ ହକି : ଭାରତ ଜର୍ମାନୀକୁ ୫-୪ ଗୋଲରେ ହରାଇ ଜିତିଲା ବ୍ରୋଞ୍ଚ ପଦକ
  • ||
  • ଟୋକିଓ : ଭାରତୀୟ ହକି ଟିମ୍‌ର ଐତିହାସିକ ବିଜୟ ନେଇ ମୁଖ୍ୟମନ୍ତ୍ରୀଙ୍କ ଶୁଭେଚ୍ଛା, କହିଲେ-ଆଗାମୀ ପିଢିର ଖେଳାଳିଙ୍କ ପାଇଁ ହେବ ପ୍ରେରଣାର ଉତ୍ସ ’
  • ||
  • ବୌଦ୍ଧ : ବୌଦ୍ଧ ଜିଲ୍ଲା ପୁରୁଣାକଟକ ଥାନା ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ଚାରିଛକଠାରେ ୧୬ ପେଟି କଫ୍ ସିରପ୍ ଜବତ, ସ୍କର୍ପିଓ ସହ ଜଣେ ଗିରଫ
  • ||
  • ଲମତାପୁଟ : ଲମତାପୁଟ ବ୍ଲକ ବଡ଼ପଡା ଘାଟି ନିକଟ ଜଙ୍ଗଲରୁ ବିପୁଳ ପରିମାଣର ଗଞ୍ଜେଇ ଜବତ
  • ||
  • କୋଣାର୍କ : ଗ୍ୟାସ୍ ସିଲିଣ୍ଡର ଫାଟି ୪ ଛେଳି ଜୀବନ୍ତ ଦଗ୍ଧ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ
  • ||
  • ମାଲକାନଗିରି : ନକ୍ସଲଙ୍କ ବର୍ବର କାଣ୍ଡ, ଲ୍ୟାଣ୍ଡମାଇନ୍ ବିସ୍ଫୋରଣ କରି ଉଡ଼ାଇଦେଲେ ବୋଲେରୋ, ୨ ମୃତ
  • ||

ଓଡ଼ିଶା-ଛତିଶଗଡ଼ ସୀମାରେ ମାଓ କ୍ୟାମ୍ପ: ବ୍ୟାପକ ବିସ୍ଫୋରକ, ମାଓସାମଗ୍ରୀ ଜବତ

ନୂଆପଡ଼ା,୧୨ା୨(ଆପ୍ର): ଓଡ଼ିଶା-ଛତିଶଗଡ଼ ସୀମାରେ ସିଆର୍‌ପିଏଫ୍‌କୁ ମିଳିଛି ବଡ଼ ସଫଳତା । ସୁନାବେଡ଼ା ଅଭୟାରଣ୍ୟର ଜୋଙ୍କ ଥାନା ସନ୍ତୋଷପଡ଼ା-ବାଞ୍ଜିପାଣି-ପଣ୍ଡରିପାଣି ମଧ୍ୟବର୍ତ୍ତୀ ଜଙ୍ଗଲରେ କମ୍ବିଂ ଅପରେସନ୍‌ ବେଳେ ଅର୍ଦ୍ଧସାମରିକ ବାହିନୀ ଯବାନ ଏକ ମାଓବାଦୀ କ୍ୟାମ୍ପ ଠାବ କରିଛନ୍ତି । ସେଠାରୁ ୨ଟି ରାଇଫଲ, ୨ ହେଣ୍ଡ ଗ୍ରେନେଡ୍‌, ୧୨ ଜିଲୋଟିନ୍‌, ୨୫ ଡିଟୋନେଟର, ୫ କେଜି ବିସ୍ଫୋରକ ସହ ବହୁ ମାଓ ସାମଗ୍ରୀ ଜବତ କରିଛନ୍ତି ।
ଛତିଶଗଡ଼ ସୀମା ସୁନାବେଡ଼ା ଅଭୟାରଣ୍ୟରେ ୧୦ ବର୍ଷ ହେଲା ମାଓବାଦୀ କାୟାବିସ୍ତାର କରିଛନ୍ତି । ଅଭୟାରଣ୍ୟ ଭିତରେ ସିଆର୍‌ପିଏଫ୍‌ କ୍ୟାମ୍ପ ସତ୍ତେ୍ୱ ଅନେକ ସମୟରେ ଅଞ୍ଚଳରେ ମାଓ ହିଂସା ଘଟୁଛି । ଆସନ୍ତା ବିଧାନସଭା, ଲୋକସଭା ନିର୍ବାଚନକୁ ଦୃଷ୍ଟିରେ ରଖି ସମ୍ଭାବ୍ୟ ହିଂସାକାଣ୍ଡ ଏଡ଼ାଇବା ପାଇଁ ଅଭୟାରଣ୍ୟ ଭିତରେ କମ୍ବିଂ ଅପରେସନ ଜାରି ରହିଛି । ଗତକାଲି ସିଆରପିଏଫ୍‌ ବ୍ୟାଟାଲିୟନ ୨୧୬ର ଯବାନମାନେ ଧରମବନ୍ଧା ଥାନା ଅଞ୍ଚଳ ସନ୍ତୋଷପଡ଼ା-ବାଞ୍ଜିପାଣି-ପଣ୍ଡରିପାଣି ମଝିରେ ଘଞ୍ଚ ଜଙ୍ଗଲ ଭିତରେ ସର୍ଚ୍ଚ ଅପରେସନ ଚଲାଇଥିଲେ । ଅପରେସନ ସମ୍ପର୍କରେ ମାଓବାଦୀମାନେ ଆଗତୁରା ଖବର ପାଇ ଉକ୍ତ କ୍ୟାମ୍ପ ଛାଡ଼ି ପଳାୟନ କରିଥିବା ଅନୁମାନ କରାଯାଉଛି । ଏଥିରେ ୨ଟି ରାଇଫଲ, ୨ଟି ହେଣ୍ଡ ଗ୍ରେନେଡ, ୧୨ଟି ଜିଲୋଟିନ, ୨୫ଟି ଇଲେକ୍ଟ୍ରି ଡିଟୋନେଟର, ୫ କେଜି ବିସ୍ଫୋରକ, ୱାୟାରଲେସ ସେଟ, ୮ଟି ଚାର୍ଯ୍ୟ ବ୍ୟାଟେରୀ, ସୋଲାର ପ୍ଲେଟ, ୨ଟି ରେଡିଓ, ଟର୍ଚ୍ଚ, କାଲ୍‌କୁଲେଟର ଭଳି ବହୁ ମାଓ ସାମଗ୍ରୀ, ଅସ୍ତ୍ରଶସ୍ତ୍ର, ମାଓ ପତ୍ରିକା ଜବତ କରିଥିଲେ ।
ପ୍ରକାଶ ଯେ ଗତ ୭ ତାରିଖରେ ପାଟଦର୍ହା ସଂରକ୍ଷିତ ଜଙ୍ଗଲର କାଠଫାର ଅଞ୍ଚଳରେ ଏସଓଜି ଯବାନ କମ୍ବିଂ ଅପରେସନ ସମୟରେ ଏକ ମାଓ କ୍ୟାମ୍ପ ଠାବ କରିଥିଲେ । ସେଠାରେ ମଧ୍ୟ ବହୁ ମାଓ ସାମଗ୍ରୀ ଜବତ କରାଯାଇଥିଲା । ଦୁଇ ଥର ମାଓ ସାମଗ୍ରୀ ଜବତ ହୋଇଥିଲେ ବି ଜିଲ୍ଲା ପୁଲିସ କିମ୍ବା ସିଆରପିଏଫ୍‌ ତରଫରୁ କୌଣସି ସାମ୍ବାଦିକ ସମ୍ମିଳନୀ କିମ୍ବା ପ୍ରେସ ବାର୍ତ୍ତା ଦିଆଯାଉନାହିଁ । ଏଣୁ ଏସବୁ ମାଓ କ୍ୟାମ୍ପ ଠାବକୁ ନେଇ ଅନେକ ପ୍ରଶ୍ନ ଉଠୁଛି । ମାଓ କ୍ୟାମ୍ପ ଠାବ ହୋଇଥିବା ଖବର ବିଭିନ୍ନ ସୋସିଆଲ ମିଡିଆରେ ପ୍ରଚାର ହେବା ପରେ ଏସ୍‌ପିଙ୍କୁ ଗଣମାଧ୍ୟମ ପ୍ରତିନିଧି ପଚାରିବାରୁ ସେ ମାଓ କ୍ୟାମ୍ପ ଠାବ ଉପରେ କୌଣସି ଖବର ପାଇ ନଥିବା କହିଥିଲେ । ମାତ୍ର ସିଆରପିଏଫ ଅଧିକାରୀମାନେ ଧରମବନ୍ଧା ଥାନାରେ ଜବତ ମାଓ ସାମଗ୍ରୀକୁ ହସ୍ତାନ୍ତର କରିଥିବା ଚିଠିରେ ଦର୍ଶାଇଛନ୍ତି । ଏନେଇ ଧରମବନ୍ଧା ଆଇଆଇସି ଦିଲୀପ ଲାକ୍ରାଙ୍କୁ ପଚାରିବାରୁ, ମୁଁ ବାହାରେ ଅଛି । ଜବତ ହୋଇଥିବା ମାଓ ସାମଗ୍ରୀ ଆମ ଥାନାରେ ଜମା ଦେଇଥିବା କର୍ମଚାରୀ କହିଛନ୍ତି ବୋଲି ସୂଚନା ଦେଇଥିଲେ । ସିଆର୍‌ପିଏଫ୍‌ କମାଣ୍ଡାଣ୍ଟ ନରେନ୍ଦ୍ର କୁମାର ମଧ୍ୟ ମାଓକ୍ୟାମ୍ପ ଠାବ ସମ୍ପର୍କରେ ସ୍ପଷ୍ଟ କରିଛନ୍ତି ।