ନୂଆଦିଲ୍ଲୀ,୨୮।୪: ଛତିଶଗଡର ନକ୍ସଲ ପ୍ରଭାବିତ ବିଜାପୁର ଜିଲ୍ଲାରେ ପୋଲିସ ଉପରେ ନକ୍ସଲ କରିଛନ୍ତି ଆକ୍ରମଣ। ଆକ୍ରମଣରେ ଦୁଇ ପୋଲିସ ଯବାନ ଶହୀଦ ହୋଇଯାଇଛନ୍ତି ଓ ଜଣେ ଗ୍ରାମବାସୀ ମଧ୍ୟ ଗୁରୁତର ଭାବରେ ଆହତ ହୋଇଛନ୍ତି।ବିଜାପୁର ଜିଲ୍ଲା ପୋଲିସ ଅଧିକାରୀ ଶନିବାର ସୂଚନା ଦେଇ କହିଥିଲେ ଯେ ଜିଲ୍ଲାର ପାମେଣ୍ଡ ଥାନାରେ ନକ୍ସଲମାନେ ପୋଲିସ ଉପରେ ଆକ୍ରମଣ କରିଥିଲେ। ଏଥିରେ ଅରବିନ୍ଦ ମିଞ୍ଜ ଓ ସୁକ୍କୁ ହପକା ଶହୀଦ ହୋଇଛନ୍ତି ଏବଂ ଜଣେ ଗ୍ରାମବାସୀ ଆହତ ହୋଇଛନ୍ତି।
ମିଳିଥିବା ସୂଚନା ଅନୁସାରେ ପାମେଡ ଥାନା ଅନ୍ତର୍ଗତ ତୋଗଗୁଡା ଶିବିର ଠାରୁ ଦୁଇ ପୋଲିସ କର୍ମଚାରୀ ଜଣେ ଗ୍ରାମବାସୀଙ୍କ ବାଇକରେ ଟିପ୍ପାପୁରମ ଆସିଥିଲେ। ଫେରିବା ବେଳେ ତୋଗଗୁଣ୍ଡା ନିକଟରେ ମାଓବାଦୀମାନେ ତାଙ୍କ ଉପରେ ଆକ୍ରମଣ କରିଥିଲେ। ଏଥିରେ ଦୁଇ ପୋଲିସ କର୍ମଚାରୀ ଶହୀଦ ହୋଇଥିଲେ। ଏହି ଘଟଣା ପରେ ସେଠାରୁ ନକ୍ସଲମାନେ ଫେରାର ହୋଇଯାଇଛନ୍ତି। ଘଟଣାର ସୂଚନା ମିଳିବା ପରେ ପୋଲିସର ଏକ ଟିମ୍ ସେଠାରେ ପହଁଞ୍ଚିଥିଲା।