ନୂଆଦିଲ୍ଲୀ: ଫେସବୁକ୍ ସିଇଓ ତଥା ସହ-ପ୍ରତିଷ୍ଠାତା ମାର୍କ ଜୁକରବର୍ଗ ନିକଟରେ ତାଙ୍କ FB ଆକାଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି ।  ଯେଉଁଥିରେ ସେ ତାଙ୍କର ଦୁଇଟି ପୋଷା ଛେଳିର ଫଟୋ ସେୟାର କରିଛନ୍ତି । ମାର୍କ ଜୁକରବର୍ଗ ସେହି ଦୁଇଟି ଛେଳିର ନାମ ମଧ୍ୟ ଦେଇଛନ୍ତି । ଉଭୟଙ୍କ ନାମ ଏତେ ଷ୍ଟାଇଲିସ୍ ରଖିଛନ୍ତି ଯେ ଲୋକମାନେ ତାଙ୍କ ପୋଷ୍ଟରେ କଡ଼ା ମନ୍ତବ୍ୟ ଦେଉଛନ୍ତି ।

ମାର୍କ ଜୁକରବର୍ଗ ଏହି ପୋଷ୍ଟକୁ ତାଙ୍କ ଫେସବୁକ୍ ପେଜ୍‌ରେ  ୧୧ ମଇରେ ଅପଲୋଡ୍ କରିଥିଲେ । ଯେଉଁଥିରେ ସେ ତାଙ୍କ ପୋଷା ଛେଳିର ନାମ ମ୍ୟାକ୍ସ ଏବଂ ବିଟ୍‌କଏନ୍ ରଖିଥିଲେ । ଏହା ପରେ ଲୋକମାନେ ଏହି ପୋଷ୍ଟକୁ ଟ୍ରୋଲ କରିବା ଆରମ୍ଭ କଲେ ଯେ କିଏ ଏହିପରି ଛେଳି ରଖନ୍ତି । କେବଳ ଏତିକି ନୁହେଁ, କିଛି ସମୟ ପରେ ବିଟକଏନ୍ ନିବେଶକମାନେ ମଧ୍ୟ ଏହି ପୋଷ୍ଟରେ କଡ଼ା ମନ୍ତବ୍ୟ ଦେବା ଆରମ୍ଭ କରିଥିଲେ ।

କ୍ରିପ୍ଟୋକରେନ୍ସି ବିଟକଏନ୍ ବିନିଯୋଗ କରି ବିଶ୍ବର ବିଭିନ୍ନ ସ୍ଥାନରୁ ଲୋକମାନେ ଲକ୍ଷ ଲକ୍ଷ ରୋଜଗାର କରୁଛନ୍ତି । ଫଟୋରେ ଏହି ଦୁଇଟି ଛେଳି ଘାସ ଉପରେ ଠିଆ ହୋଇଥିବାର ଦେଖାଯାଉଛି । ସବୁଠାରୁ କୌତୁହଳର ବିଷୟ ହେଉଛି ଏହି ପୋଷ୍ଟଟି ଗୋଟିଏ ଦିନରେ ୧ ମିଲିୟନରୁ ଅଧିକ ଲାଇକ୍ ଏବଂ ୨ହଜାରରୁ ଅଧିକ ମନ୍ତବ୍ୟ ପାଇଛି ।