ଦମଦାର୍ ଲୁକ୍ ସହ ଲଞ୍ଚ୍ ହେଲା ନୂଆ ମାରୁତି ସ୍ୱିଫ୍ଟ

ନୂଆଦିଲ୍ଲୀ ୧୯/୧୦: ମାରୁତି ସୁଜୁକି ଇଣ୍ଡିଆ ନିଜର ସବୁଠାରୁ ଅଧିକ ବିକ୍ରି ହେଉଥିବା ହ୍ୟାଚବ୍ୟାକ୍ ସ୍ୱିଫ୍ଟର ସ୍ପେଶାଲ ଏଡିସନ୍ ଭର୍ସନ ଲଞ୍ଚ୍ କରିଛି । ସ୍ପେଶାଲ ଏଡିସନକୁ ‘ବ୍ଲାକ୍ ଥିମ’ ସହିତ ମାର୍କେଟକୁ ଅଣାଯାଇଛି । ତେବେ ଏଥିପାଇଁ ଗ୍ରାହକଙ୍କୁ ପୂର୍ବ ମଡେଲ ଅପେକ୍ଷା ୨୪,୯୯୯ ଟଙ୍କା ଅଧିକ ଖର୍ଚ୍ଚ କରିବାକୁ ପଡିବ । ବର୍ତ୍ତମାନ ବଜାରରେ ସ୍ୱିଫ୍ଟର ଏକ୍ସ ଶୋରୁମ୍ ଦାମ୍ ୫.୧୯ ଲକ୍ଷରୁ ୮.୦୨ ଲକ୍ଷ ପର୍ଯ୍ୟନ୍ତ ରହିଛି ।

କମ୍ପାନୀ ଏହାକୁ ବ୍ଲାକ୍ କଲର ବ୍ୟବହାର କରି ଅଲଗା ଲୁକ୍ ଦେବା ପାଇଁ ଚେଷ୍ଟା କରିଛି । ବ୍ଲାକ୍ ଥିମ ଥିବା ଏହି ନୂଆ ସ୍ୱିଫ୍ଟରେ ଗ୍ଲସି ବଡି କିଟ୍, ସ୍ପଏଲର, ବଡି ସାଇଡ୍ ମୋଲ୍ଡିଂ, ଡୋର ୱିଜର ଓ ଫଗ୍ ଲ୍ୟାମ୍ପ ଭଳି ଆକ୍ସେସିରିଜ ମିଳିବ । କମ୍ପାନୀ ଏହି କାରରେ ଅଧିକ କିଛି ପରିବର୍ତ୍ତନ କରିନି । ଏହି ଏଡିସନରେ କମ୍ପାନୀ କିଛି କସ୍ମେଟିକ୍ ପରିବର୍ତ୍ତନ କରିଛି । ଷ୍ଟାଣ୍ଡାର୍ଡ ଭେରିଏଣ୍ଟ ତୁଳନାରେ ଲିମିଟେଡ୍ ଏଡିସନ୍ ମଡେଲ୍ ଅଧିକ ବୋଲ୍ଡ ଓ ଡାଇନୋମିକ୍ ଲୁକ୍ ସହିତ ଆସୁଛି ।

ମାରୁତି ସୁଜୁକିର କାର୍ଯ୍ୟକାରୀ ନିର୍ଦ୍ଦେଶକ(ମାର୍କେଟିଂ ଆଣ୍ଡ ସେଲ୍ସ) ଶଶାଙ୍କ ଶ୍ରୀବାସ୍ତବ କୁହନ୍ତି କି ଲଞ୍ଚ୍ ପରେ ସ୍ୱିଫ୍ଟର ପ୍ରଦର୍ଶନ ଭଲ ରହିଛି । ପ୍ରିମିୟମ୍ ହ୍ୟାଚବ୍ୟାକ୍ ସେଗମେଣ୍ଟରେ ଏହା ପୂର୍ବରୁ ମଧ୍ୟ ଭଲ ରହିଆସିଛି । ସ୍ୱିଫ୍ଟର ୩ ଜେନେରେସନରେ ଏହାର ଫିଚର, ଲୁକ୍ ଓ ଟେକ୍ନୋଲୋଜିରେ ଅନେକ ପରିବର୍ତ୍ତନ ହୋଇଛି । ଲଞ୍ଚ୍ ପରେ ସ୍ୱିଫ୍ଟ ୨୩ ଲକ୍ଷରୁ ଅଧିକ ମଡେଲ୍ ବିକ୍ରି ହୋଇସାରିଛି ।