PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ଆଜି ଅପରାହ୍ନ ୫ଟାରେ କୋଭିଡ଼ ନେଇ ସମିକ୍ଷା କରି​‌ବେ ମୁଖ୍ୟମନ୍ତ୍ରୀ
  • ||
  • ପଞ୍ଜାବ ନିର୍ବାଚନ: ପଞ୍ଜାବ ପାଇଁ ଆପ୍‌ର ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା, ମୁଖ୍ୟମନ୍ତ୍ରୀ ଚେହେରା ହେଲେ ଭାଗୱତ ମାନ୍
  • ||
  • ଭୁବନେଶ୍ୱର: ପଞ୍ଚାୟତ ନିର୍ବାଚନ ଲାଗି ବଡ଼ ଘୋଷଣା, ଡ୍ୟୁଟିରେ ଥାଇ ମୃତ୍ୟୁ ହେଲେ ମିଳିବ ୩୦ଲକ୍ଷ ଅନୁକୁମ୍ପା
  • ||
  • ଭୁବନେଶ୍ଵର : ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୮୦ ହଜାର ଟପିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୧୧,୦୮୬ ଜଣ କରୋନା ପଜିଟିଭ
  • ||
  • ଭୁବନେଶ୍ଵର : ଏଟିଏମ୍‌ରୁ ଲୁଟ୍ ଉଦ୍ୟମ ବେଳେ ଧରାପଡ଼ିଲେ ୨ ଯୁବକ, ଗ୍ୟାସ୍ କଟର ମେସିନ୍ ଜବତ
  • ||
  • ଭୁବନେଶ୍ୱର : ରାଜ୍ୟରେ ଗାଏବ ହେବ ଶୀତ, ୨ ଦିନ ଘନ କୁହୁଡ଼ି, ୨୩ରୁ ବର୍ଷା ସମ୍ଭାବନା
  • ||
  • କଣ୍ଟାବାଞ୍ଜି : ବାଇକ୍ ଦୁର୍ଘଟଣାଗ୍ରସ୍ତ, ୨ ବାଇକ୍ ଆରୋହୀ ମୃତ
  • ||
  • ଚେନ୍ନାଇ : ୧୮ ବର୍ଷର ବୈବାହିକ ସମ୍ପର୍କରେ ପୂର୍ଣ୍ଣଛେଦ ପକାଇଲେ ସାଉଥ୍ ସୁପରଷ୍ଟାର ଧନୁଷ-ଐଶ୍ଵର୍ଯ୍ୟା, ଟ୍ଵିଟ୍ କରି ଦେଲେ ସୂଚନା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୩୦ ଲକ୍ଷ ଟଙ୍କାର ଗଞ୍ଜେଇ ଜବତ, ୨ ଗିରଫ
  • ||

କରୋନା ମହାମାରୀ ବେଳେ ଏବେ ଅଷ୍ଟ୍ରେଲିଆରେ ମୂଷା ଆତଙ୍କ, ବାଣିଜ୍ୟ ବ୍ୟାପାର ବେଳେ ଚୀନରୁ ଆସୁଛନ୍ତି ମୂଷା

ନୂଆଦିଲ୍ଲୀ, ୩୦/୦୫ : ଅଷ୍ଟ୍ରେଲିଆରେ ଏବେ ମୂଷା ଆତଙ୍କ। ସୋସିଆଲ ମିଡିଆରୁ ନେଇ ମୁଖ୍ୟଧାରା ମିଡିଆ ଯାଏଁ ସବୁଠି ମୂଷାଙ୍କ ଉପଦ୍ରବ ଭିଡିଓ ଭାଇରାଲ୍ ହେଉଛି। ଏପରିକି ହସ୍ପିଟାଲକୁ ବହୁ ସଂଖ୍ୟାରେ ମୂଷା କାମୁଡାର ଶୀକାର ହେଉଥିବା ଲୋକ ଆସୁଛନ୍ତି। ଦେଶରେ ମୂଷାଙ୍କ ସଂଖ୍ୟା ବୃଦ୍ଧିକୁ ନେଇ ସେପଟେ ସରକାର ଚିନ୍ତାରେ। ତେବେ ଏହି ଦେଶରେ ମୂଷାଙ୍କ ଉପଦ୍ରବ କିଛି ନୂଆ କଥା ନୁହେଁ।

ତେବେ ଅଷ୍ଟ୍ରେଲିଆରେ କାହିଁକି ମୂଷାମାନଙ୍କର ଏତେ ଉପଦ୍ରବ ତାହା ଜାଣିବା ପାଇଁ ଇତିହାସକୁ ଫେରିବା ପଡ଼ିବ। ଅଷ୍ଟ୍ରେଲିଆରେ ପୂର୍ବରୁ ଆଦୌ ମୂଷା ନଥିଲା। ୧୭୮୭ରେ ପ୍ରଥମ ଥର ପାଇଁ ଏଠାରେ ମୂଷା ଦେଖାଯାଇଥିଲେ। ଯାଞ୍ଚ୍ ରୁ ଜଣା ପଡ଼ିଥିଲା ଯେ, ଏହି ମୂଷା ଗୁଡିକ ଜାପାନ ସହ ନୌବାଣିଜ୍ୟ ସମୟରେ ଜାହାଜ ଦ୍ଵାରା ଅଷ୍ଟ୍ରେଲିଆ ଆସିଥିଲେ।

ଅଷ୍ଟ୍ରେଲିଆରେ ପ୍ରତି ୪ ବର୍ଷରେ ମୂଷା ଆତଙ୍କ ଦେଖିବାକୁ ମିଳେ। ବିଶେଷ କରି ଫସଲ ପାଚିବା ଏବଂ ଏହାର ମହଜୁଦ ରଖିବା ସମୟରେ ମୂଷାଙ୍କ ସଂଖ୍ୟା ବୃଦ୍ଧି ପାଇଥାଏ। ୧୯୯୩ରେ ମୂଷାଙ୍କ ପାଇଁ ଅଷ୍ଟ୍ରେଲିଆରେ ସବୁଠୁ ଅଧିକ କ୍ଷତି ହୋଇଥିଲା। ସେହି ସମୟରେ ୯୬ ମିଲିୟନ ଅଷ୍ଟ୍ରେଲିଆନ ଡଲାରର ଫସଲ ମୂଷା ନଷ୍ଟ କରିଦେଇଥିଲେ। ଏଠାରେ ମୂଷାମାନେ ଗାଇ, କୁକୁଡା ଏବଂ ଅନ୍ୟ ଜୀବ ଉପରେ ଆକ୍ରମଣ କରନ୍ତି।

ବର୍ତ୍ତମାନ ସାରା ବିଶ୍ଵ କରୋନା ମହାମାରି ସଂକ୍ରମଣର ଶିକାର ହୋଇଥିବା ବେଳେ ମୂଷାମାନଙ୍କ ଟାରୁ କୌଣସି ରୋଗ ବ୍ୟାପିପାରେ ବୋଲି ଲୋକମାନେ ଆତଙ୍କିତ ଅବସ୍ଥାରେ ଅଛନ୍ତି। ଅଷ୍ଟ୍ରେଲିଆରେ ମୂଷା ମରାକୁ ନେଇ ହୋଇଥିବା ସମସ୍ତ ଯୋଜନା ଫେଲ୍ ମାରିଛି।

ସବୁଠାରୁ ଆଶ୍ଚର୍ଯ୍ୟଜନକ କଥା ଏହିକି ଯେ, ବିଶ୍ଵର ପ୍ରାୟ ସବୁ ଦେଶକୁ ଚୀନ ଠାରୁ ମୂଷା ବ୍ୟାପିଛି। ବିଶେଷ କରି ୟୁରୋପିଆନ ଦେଶ ଗୁଡ଼ିକରେ ଚୀନ ଠାରୁ ମୂଷା ବ୍ୟାପିଛି। ଇତିହାସକାରଙ୍କ ଅନୁଯାୟୀ, ପ୍ରାୟ ୨ ହଜାର ବର୍ଷ ପୂର୍ବେ ଚୀନ କାରଣରୁ ଅନ୍ୟ ଦେଶ ଗୁଡ଼ିକୁ ପ୍ଲେଗ ରୋଗ ବ୍ୟାପିଥିଲା। ପ୍ରାୟତଃ ଜାହାଜରେ ବ୍ୟାପାର ସମୟରେ ଯିବା ଆସିବା ବେଳେ ମୂଷା ଚାଲିଆସୁଥିଲେ। ୧୩୪୭ରେ ଏହାର ପ୍ରମାଣ ମିଳିଛି। ସେହି ସମୟରେ ଇଟାଲୀର ୧୨ଟି ଜାହାଜରେ ଚୀନରୁ ମୂଷା ଆସିଥିଲେ ଏବଂ ସାରା ଦେସରେ ପ୍ଲେଗ ରୋଗ ବ୍ୟାପିଯାଇଥିଲା। ଏହାପରେ ପରବର୍ତ୍ତୀ ୫ ବର୍ଷ ପରେ ଜାହାଜ ଦ୍ଵାରା ଆସିଥିବା ରୋଗୀଣା ମୂଷା କାରଣରୁ ୨୦ ମିଲିୟନରୁ ଅଧିକ ଲୋକଙ୍କ ଜୀବନ ଯାଇଥିଲା। ପରେ ଏହି ଜାହାଜର ନାମକରଣ ଡେଥ୍ ସିପ୍ କରାଯାଇଥିଲା। ହେଲେ ଏତଦ୍ ସତ୍ତ୍ଵେ ମଧ୍ୟ ଚୀନ ସହ ବାଣିଜ୍ୟିକ କାରବାର ଅଟକି ନଥିଲା।