ଦେବଗଡ଼, ୨୬/୦୫ : ବାଣ ଫୁଟି ନାବାଳକ ଗୁରୁତର। ଗୁରୁବାର ପୂର୍ବାହ୍ନ ଦେବଗଡ଼ ସହର ୧୧ ନମ୍ବର ୱାର୍ଡ ମହୁଲଢିପା ସାହିରେ ବାଣ ଫୁଟି ଜଣେ ନାବାଳକ ଗୁରୁତର ଆହତ ହୋଇଛନ୍ତି। ନାବାଳକ ଜଣଙ୍କ ହେଉଛନ୍ତି ସୁବର୍ଣ୍ଣପାଲି ଗ୍ରାମର ତପନ ସ୍ଵାଇଁଙ୍କ ଆଠ ବର୍ଷର ପୁଅ ଆୟୁଷ ସ୍ଵାଇଁ।
ସୂଚନାନୁଯାୟୀ, ନାବାଳକ ଆୟୁଷ କୌଣସି ସ୍ଥାନରୁ ଏକ ବାଣ ଆଣି ଘରର ଛାତ ଉପରେ ନିଆଁ ଲଗାଉଥିଲେ। ଏହି ସମୟରେ ବାଣଟି ନାବାଳକଙ୍କ ହାତରେ ଫୁଟି ଯାଇଛି। ଆୟୁଷଙ୍କ ମୁଁହ, ଆଖି, ହାତ ଓ ଗୋଡ଼ରେ ଆଘାତ ଲାଗିଛି। ଆୟୁଷଙ୍କ ପାଟି ଶୁଣି ତାଙ୍କ ଘର ଲୋକେ ଦୌଡ଼ି ଆସି ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି।