PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠାରୁ ଡବ୍ଲ୍ୟୁଇଏଫ୍‌ ବାର୍ଷିକ ବୈଠକ, ଜଳବାୟୁ ପରିବର୍ତ୍ତନ ଉପରେ ହେବ ଆଲୋଚନା: ଏଜେଣ୍ଡାରେ ବିଶ୍ୱ ଆର୍ଥିକ ସୁଧାର
  • ||
  • ଭୁବନେଶ୍ଵର: ରାଜ୍ୟରେ ସାମାନ୍ୟ ବଢ଼ିଲା ଦୈନିକ ସଂକ୍ରମଣ, ୨୪ ଘଣ୍ଟା ମଧ୍ୟରେ ବାହାରିଲେ ୧୫ ଜଣ କରୋନା ପଜିଟିଭ
  • ||
  • ସାଂସଦ ଅପରାଜିତା ଷଢଙ୍ଗୀଙ୍କ ଫେସବୁକ ଆକାଉଣ୍ଟକୁ ହ୍ୟାକ୍‌, କଟକ କ୍ରାଇମବ୍ରାଞ୍ଚ୍‌ରେ ଦେଲେ ଏତଲା
  • ||
  • ବ୍ରହ୍ମଗିରି: ଭାରସାମ୍ୟ ହରାଇ ଗଛରେ ପିଟିହେଲା କାର୍, ଡ୍ରାଇଭର୍ ସମେତ ୨ ମୃତ
  • ||
  • ସରିଲା ଆବେଦନ, ଜୁଲାଇ ୧୭ରେ ନିଟ୍‌ ପ୍ରବେଶିକା ପରୀକ୍ଷା ଦେବେ ୧୨ ଲକ୍ଷ ଛାତ୍ରଛାତ୍ରୀ
  • ||
  • ପୁଣି ବିବାଦରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ, ରାତି ଅଧିଆ ହେଲା ଜିପିଆର୍‌ଏସ୍ ସର୍ଭେ
  • ||
  • ଦେଶବ୍ୟାପୀ ଖାଉଟିଙ୍କୁ ବଡ ଆଶ୍ବସ୍ତି: ପେଟ୍ରୋଲ ୯.୫୦ ଏବଂ ଡିଜେଲ ଲିଟର ପ୍ରତି କମିଲା ୭ଟଙ୍କା
  • ||
  • ନୂଆଦିଲ୍ଲୀ: ବ୍ରଜରାଜନଗର ଉପନିର୍ବାଚନ ପରେ ଓଡ଼ିଶା ପିସିସି ସଭାପତି ଘୋଷଣା: ଏ. ଚେଲ୍ଲାକୁମାର
  • ||
  • କଟକ : ଆଜିଠୁ ମାଟ୍ରିକ ଖାତା ଦେଖା, ରାଜ୍ୟର ୫୮ଟି କେନ୍ଦ୍ରରେ ହେବ ମୂଲ୍ୟାୟନ
  • ||

ଟ୍ରେନ୍‌ରେ କଟି ବାପା-ପୁଅ ମୃତ

ବସ୍ତା/ବସ୍ତା-୧,୧୯ା୧(ଆ.ପ୍ର): ମୃତ୍ୟୁ ଏମିତି ବି ଆସେ । ବାପା ସହ ମିଶି ୫ ବର୍ଷର ପୁଅ ଗୀତ ଗାଇ, ମ୍ୟାଜିକ୍‌ ଖେଳ ଦେଖାଇ ମନୋରଞ୍ଜନ କରୁଥିଲେ ଟ୍ରେନ ଯାତ୍ରୀଙ୍କର । ଆଜି ବି ହସି ହସି ଦୁହେଁ ଘରୁ ବାହାରିଥିଲେ ନିଜ କର୍ମସ୍ଥଳକୁ । ରେଳ ଲାଇନ ପାରି ହେଉଥିଲେ । ଓଠରୁ ହସ ଲିଭିନି…ଏକ୍ସପ୍ରେସ୍‌ ଟ୍ରେନ ଧକ୍କାରେ ଟଳି ପଡ଼ିଲେ ଦୁହେଁ । ଲିଭିଗଲା ଜୀବନଦୀପ । ଯେଉଁ ଯାତ୍ରୀଗଣ ଉଭୟଙ୍କ ଖେଳ ଦେଖି ଖୁସି ହେଉଥିଲେ, ସେମାନଙ୍କ ମୃତ ଦେହକୁ ଦେଖି ଆଖିର ଲୁହକୁ ସମ୍ବରଣ କରିି ପାରି ନ ଥିଲେ । ଶନିବାର ପୂର୍ବାହ୍ନ ସାଢେ ୧୦ଟା । ୫ ବର୍ଷର ପୁଅ ପୂବିର ହାତ ଧରି ବାପା ପୁତ୍ରାଜୁ ପ୍ରଧାନ (୩୬) ବାଲେଶ୍ୱର ଜିଲ୍ଲା ରୂପ୍ସା ଷ୍ଟେସନରେ ରେଳ ଧାରଣା ପାରି ହେଉଥିଲେ । ପୁରୀରୁ ହାଓଡ଼ା ଯାଉଥିବା ଶତାବ୍ଦୀ ଏକ୍ସପ୍ରେସରେ ରୂପ୍ସା ଷ୍ଟେସନ ଠାରୁ ଅଳ୍ପ ଦୂରରେ ଥିବା ସେମାନେ ଜାଣି ପାରି ନ ଥିଲେ । ନିମିଷକରେ ମାଡ଼ି ଆସିଲା ଯନ୍ତ୍ର ଦାନବ । ଟ୍ରେନ୍‌ ଧକ୍କାରେ ବାପା, ପୁଅର ମୃତ୍ୟୁ ଘଟିଥିଲା । ରେଳବାଇ ପୁଲିସ ୬/୧୯ ନଂରେ ଅପମୃତ୍ୟୁ ମାମଲା ରୁଜୁ କରି ଶବ ଜବତ କରାଇଛି ।
ପ୍ରକାଶ ଯୋଗ୍ୟ, ଯାଜପୁର ଜିଲ୍ଲା ଯଖପୁରା ଅଞ୍ଚଳର ପୁତ୍ରାଜୁ ନିଜ ପୁଅ ଓ ସମ୍ପର୍କୀୟଙ୍କ ସହ ରୂପ୍ସା ଷ୍ଟେସନର ଉତ୍ତର ପାଖରେ ରହି ଆସୁଥିଲେ । ଟ୍ରେନ୍‌ରେ କେତେବେଳେ ଗୀତ ଗାଇ ତ କେତେବେଳେ ବିଭିନ୍ନ ମ୍ୟାଜିକ୍‌ ଦେଖାଇ ଲୋକଙ୍କ ମନୋରଞ୍ଜନ କରୁଥିଲେ ପୁତ୍ରାଜୁ । ସେଥିରୁ ଯାହା ଦି ପଇସା ମିଳେ ସେଥିରେ ପରିବାର ପ୍ରତିପୋଷଣ କରନ୍ତି । ବାପାଙ୍କ ଏହି କାମରେ ସହଯୋଗର ହାତ ବଢାଇଥିଲା ପୁଅ ପୂବି । ୫ ବର୍ଷ ଶିଶୁର ବିଭିନ୍ନ ଖେଳ ଦେଖି ଲୋକେ ମଧ୍ୟ ବେଶି ଖୁସି ହୋଇ ଅଧିକ ପଇସା ଦେଉଥିଲେ । ଆଜି ଉଭୟଙ୍କ ମୃତ୍ୟୁରେ ରୂପ୍‌ସା ଷ୍ଟେସନରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଥିଲା ।

ସମ୍ବନ୍ଧିତ ଖବର