PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଧିନାୟକ ପଦ ଛାଡ଼ିବେ ବିରାଟ କୋହଲି, ଟି-୨୦ ବିଶ୍ୱକପ୍‌ ପରେ କୋହଲି ଏହି ଫର୍ମାଟ୍‌ ଅଧିନାୟକ ପଦ ଛାଡ଼ିବା ନେଇ ସୋଶଲ ମିଡିଆରେ ସୂଚନା ଦେଲେ ବିରାଟ
  • ||
  • କଟକ: ଦଶହରା ମୂର୍ତ୍ତି ଉଚ୍ଚତା ବିବାଦ ମାମଲା, ବାଲୁ ବଜାର ପୂଜା କମିଟି ଆବେଦନର ଉପରେ ଶୁଣାଣି ଶେଷ, ଆସନ୍ତା କାଲି ରାୟ ପ୍ରକାଶ କରିବେ ହାଇକୋର୍ଟ
  • ||
  • ମାଲକାନଗିରି: ମାଓବାଦୀ କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ କଲେ ସୁରକ୍ଷାକର୍ମୀ, ଶିବିର ଛାଡ଼ି ଛତ୍ରଭଙ୍ଗ ଦେଲେ ମାଓବାଦୀ
  • ||
  • ରାୟଗଡ଼ା: ଆଜି ସନ୍ଧ୍ୟାରେ ଉତ୍କଳ ଆଲୁମିନା କାରଖାନାର ସମ୍ପ୍ରସାରଣ ପ୍ରକଳ୍ପର ଉଦଘାଟନ କରିବେ ମୁଖ୍ୟମନ୍ତ୍ରୀ
  • ||
  • ଝାରସୁଗୁଡ଼ା: ହୀରାକୁଦ ଉପର ମୁଣ୍ଡରେ ବନ୍ୟା ସ୍ଥିତି, ସେମଲିଆ ରାସ୍ତା ଉପରେ ପ୍ରବାହିତ ହେଉଛି ୪ ଫୁଟ ଉଚ୍ଚର ପାଣି
  • ||
  • ବଲାଙ୍ଗୀର: ନିଶାଶକ୍ତ ୩ ଯୁବକଙ୍କ ଜଘନ୍ୟ କାଣ୍ଡ, ବନ୍ଧୁକ ମୁନରେ ଯୁବକଙ୍କ ମଳ ଦ୍ବାରରେ ଭର୍ତ୍ତି କଲେ ଷ୍ଟିଲ୍ ଗ୍ଲାସ
  • ||
  • ସମ୍ବଲପୁର: ହୀରାକୁଦର ଖୋଲିଲା ଆଉ ୪ ଗେଟ୍, ୨୮ ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ରାସ୍ତାର ଉପରେ ୭ ରୁ ୮ ଫୁଟ୍ ପାଣି ପ୍ରବାହିତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୧୮କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ଉପରମୁହାଁ ହେଲା କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ଆଉ ୫୮୦ ପଜିଟିଭ୍ ଚିହ୍ନଟ
  • ||
  • ବରଗଡ଼ : ପୁରୀରୁ ତୀର୍ଥ ସାରି ଫେରିବା ବାଟରେ ଅଘଟଣ, ଭାରସାମ୍ୟ ହରାଇ ଓଲଟିଲା ବୋଲେରୋ, ୫ ଗୁରୁତର
  • ||
  • ବରଗଡ଼ : ୧୩ ଜିଲ୍ଲାରେ ଆତଙ୍କ ଖେଳାଇଥିବା ୨ ଅନ୍ତଃରାଜ୍ୟ ଏଟିଏମ୍ ଲୁଟେରା ଗିରଫ, ଅନ୍ୟ ୨ ଫେରାର
  • ||
  • ଭୁବନେଶ୍ୱର: ଡ଼େଲିଭରୀ ବୟ ଅପହରଣ ଘଟଣା, ମଧ୍ୟପ୍ରଦେଶରୁ ଯୁବକ ଓ ଯୁବତୀଙ୍କୁ ଭୁବନେଶ୍ୱରକୁ ଆଣିଲା କମିଶନରେଟ୍ ପୋଲିସ ସ୍ବତନ୍ତ୍ର ଟିମ୍
  • ||
  • ଭୁବନେଶ୍ୱର: ଆସୁଛି ଆଉ ଏକ ଲଘୁଚାପ, ୧୮ରୁ ପୁଣି ଢ଼ାଳିବ ବର୍ଷା
  • ||
  • ଭୁବନେଶ୍ୱର: କରାଳ ରୂପ ଧରିଛି ମହାନଦୀ, ମାଡ଼ି ଆସୁଛି ବନ୍ୟା: ହୀରାକୁଦରେ ଖୋଲିବ ଆଉ ୪ଟି ଗେଟ୍, ନରାଜରେ ଜଳସ୍ତର ସତର୍କ ସଙ୍କେତ ଟପିଲା
  • ||

ଆବିଷ୍କୃତ ହେଲା ଅଲୌକିକ ଗୁମ୍ଫା: ରାତିରେ ଶୁଭୁଛି ନାମ ସଂକୀର୍ତ୍ତନ

ରାଜସୁନାଖଳା,୭/୦୮: ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ନରେନ୍ଦ୍ରପୁର ପଞ୍ଚାୟତ ଅଧୀନ ବଧିପାଟଣା ଗ୍ରାମଠାରୁ ପ୍ରାୟ ଦେଢ଼ କି.ମି ଦୂର ପାହାଡ଼ ଓ ଘଞ୍ଚ ଜଙ୍ଗଲ ମଧ୍ୟରେ ଆବିଷ୍କୃତ ହୋଇଛି ଏକ ଅଲୌକିକ ଗୁମ୍ଫା । ଏହି ଗୁମ୍ଫାରେ ରହିଛି ୪ଟି ବଖରା । ଯାହା ଭିତରେ ଜଣେ ମଣିଷ ଛିଡ଼ା ହୋଇ ରହିପାରିବ । ଗୋଟିଏ କୂଅ ମଧ୍ୟ ରହିଛି । ଝରଣଟିଏ ମଧ୍ୟ ରହିଥିବା ଭିତରୁ ଶୁଭୁଥିବା କୁଳୁ କୁଳୁ ଶବ୍ଦରୁ ଅନୁମାନ କରାଯାଉଛି । ଗୁମ୍ଫାରେ କେହି ରହୁ ନଥିବା ବେଳେ ଭିତରୁ ଶୁଭୁଛି ବହୁ ଅଲୌକିକ ଶବ୍ଦ । ଗୁମ୍ଫା ଭିତରକୁ ଯାଉଥିବା ଲୋକମାନେ ଏହି ଶବ୍ଦ ଶୁଣି ବେଶି ଭିତରକୁ ଯିବାକୁ ଡରୁଛନ୍ତି। ସୁ ସୁ ଶବ୍ଦ ସହ ଆହୁରି ଅନେକ ପ୍ରକାରର ଅଦ୍ଭୁତ ଶବ୍ଦ ଶୁଣାଯାଉଛି । ନିସ୍ତବ୍ଧ ରାତିରେ ନାମ ସଂକୀର୍ତ୍ତନ ମଧ୍ୟ ଶୁଭୁଛି।

ମୁଣ୍ଡିଆ ତଳେ କିଛି ଦୂରରେ ଏକ ମଣ୍ଡପ ରହିଛି । ଏହି ମଣ୍ଡପକୁ ରାତିରେ ଗ୍ରାମବାସୀ ମେଳା କରିବାକୁ ଗଲେ ମୁଣ୍ଡିଆ ଉପରୁ ନାମ ସଂକୀର୍ତ୍ତନ ଶୁଣିବାକୁ ପାଉଛନ୍ତି। ସତେ ଯେମିତି କେତେକ ଭକ୍ତ ବସି ଖଞ୍ଜଣି, ଗିନି ବଜାଇ ମେଳା କରୁଛନ୍ତି। ଠାକୁରଙ୍କ ନାମ ନେଉଛନ୍ତି । ଗୁମ୍ଫାଟି ଏକ ମୁଣ୍ଡିଆ ଉପରେ ରହିଛି । ଗୁମ୍ଫା ନିକଟରେ ପହଞ୍ଚିବାକୁ ରାସ୍ତା ନଥିବା ବେଳେ ମୁଣ୍ଡିଆ ତଳୁ ପ୍ରାୟ ଅଧ କି.ମି ଉପରକୁ ଗଲେ ଗୁମ୍ଫା ନିକଟରେ ପହଞ୍ଚି ହେଉଛି । ସ୍ଥାନୀୟ ଲୋକେ ଗୁମ୍ଫା ସମ୍ପର୍କରେ ଶୁଣିଥିଲେ ମଧ୍ୟ କେବେ ଦେଖି ନଥିଲେ ।

ଗତ ୮ଦିନ ହେଲା ସ୍ଥାନୀୟ କିଛି ଉଦ୍ୟମୀ ଯୁବକ ଗୁମ୍ପାଟିକୁ ଆବିଷ୍କାର କରିଛନ୍ତି । ଗୁମ୍ଫା ନିକଟକୁ ପହଞ୍ଚିବା ପାଇଁ ଲଟାବୁଦା କାଟି ଅସ୍ଥାୟୀ ରାସ୍ତା ତିଆରି କରିଛନ୍ତି । ଗୁମ୍ଫା ଭିତରେ ଅପରିଷ୍କାର ହୋଇ ପଡ଼ିଥିବା ଦୁଇଟି କୋଠରୀକୁ ପରିଷ୍କାର ପରିଚ୍ଛନ୍ନ କରିଛନ୍ତି । ଏହି ଅଲୌକିକ ଗୁମ୍ଫା ସମ୍ପର୍କରେ ପ୍ରଚାର ହେବା ପରେ ଗୁମ୍ଫାକୁ ଦେଖିବାକୁ ପ୍ରତିଦିନ ଲୋକମାନେ ଭିଡ଼ ଲଗାଉଛନ୍ତି । କାହିଁ କେଉଁ ଯୁଗରୁ ଏହି ପୁରାତନ ଗୁମ୍ଫା ରହିଥିବା ଅଞ୍ଚଳବାସୀ ପ୍ରକାଶ କରିଛନ୍ତି । ଏହି ଗୁମ୍ଫାର ପ୍ରବେଶ ଦ୍ୱାରର ଆକାର ଗମ୍ବୁଜାକାର । ଗୁମ୍ଫା ଭିତରେ ୪ଟି କୋଠରୀ ଥିବା ଲୋକେ କହୁଥିବା ବେଳେ ଗୋଟିଏ ବଖରାରୁ ଅନ୍ୟ ବଖରାକୁ ଯିବା ପାଇଁ ରହିଛି ସୁଡ଼ଙ୍ଗ ।

ଗତ କିଛି ଦିନ ହେଲା ବର୍ଷା ଲାଗି ରହିଥିବା ବେଳେ ମାତ୍ର ଦୁଇ ବଖରା ପର୍ଯ୍ୟନ୍ତ ଯାଇ ହେଉଛି । ଗୁମ୍ଫା ଭିତରୁ ପାଣି ବାହାରୁ ଥିବାରୁ ବେଶି ଭିତରକୁ ଯିବା ସମ୍ଭବ ହାଇପାରୁନାହିଁ ବୋଲି ଗୁମ୍ଫା ଭିତରକୁ ଯାଇ ଫେରିଥିବା ଆମ ସ୍ଥାନୀୟ ପ୍ରତିନିଧି ସୂଚନା ଦେଇଛନ୍ତି । ଗୁମ୍ଫା ମଧ୍ୟରେ ଅନେକ ଜଙ୍ଗଲୀ ଜୀବଜନ୍ତୁ ରହିଥାଇ ପାରନ୍ତି ବୋଲି ମଧ୍ୟ ଆଶଙ୍କା କରାଯାଉଛି । ଭିତରୁ ଏକ ଝରଣାର କୁଳୁ କୁଳୁ ନାଦ ମଧ୍ୟ ଶୁଣା ଯାଉଛି । ସ୍ଥାନୀୟ ଅଞ୍ଚଳର ବୟୋଜ୍ୟେଷ୍ଠ ବ୍ୟକ୍ତିବିଶେଷଙ୍କ କହିବା ଅନୁଯାୟୀ, ଏହି ଗୁମ୍ଫା ବହୁତ ପ୍ରାଚୀନ । ସେମାନଙ୍କ ବାପା, ଜେଜେ ବାପାମାନେ କୁହନ୍ତି କି ଏହି ଗୁମ୍ଫାରେ ସାଧୁସନ୍ଥମାନେ ରହି ସାଧନା କରୁଥିଲେ ।

ବହୁ ଦିନ ହେଲା ସାଧୁସନ୍ଥଙ୍କ ଚଳପ୍ରଚଳ ନାହିଁ । ଗୁମ୍ଫା ଭିତରେ ଥିବା ବଖରା ଓ ପରିବେଶ ଦେଖିଲେ, ସାଧୁସନ୍ଥମାନଙ୍କ ରହୁଥିବା କଥାକୁ ଅସ୍ୱୀକାର କରାଯାଇ ପାରିବ ନାହିଁ । ସେପଟେ ଗୁମ୍ଫା ମଧ୍ୟରୁ ବାହାରୁଥିବା ଅଲୌକିକ ଶବ୍ଦ ଓ ନାମ ସଂକୀର୍ତ୍ତନରୁ ଏହି ପ୍ରାଚୀନ ଗୁମ୍ଫା ମଧ୍ୟରେ ଏବେ ବି ସାଧୁସନ୍ଥମାନେ ରହୁଥିବା ସନ୍ଦେହ କରାଯାଉଛି । ଏହି ଗୁମ୍ଫା ଆଦିଶକ୍ତିଙ୍କ ପୀଠ ବୋଲି କେତେକ କହୁଛନ୍ତି । ଏଭଳି ବିରଳ ପ୍ରାଚୀନ ଗୁମ୍ଫା ଲୋକଲୋଚନକୁ ଆସି ପାରି ନଥିବା ବେଳେ ଏହି ଗୁମ୍ଫା ସମ୍ପର୍କରେ ଗବେଷଣା ତଥା ପୁନରୁଦ୍ଧାର କରାଗଲେ ବହୁ ଅଲୌକିକ ରହସ୍ୟ ଉନ୍ମୋଚିତ ହେବା ସହ ଏହା ଏକ ପ୍ରମୁଖ ପର୍ଯ୍ୟଟନସ୍ଥଳୀ ହୋଇପାରନ୍ତା ବୋଲି ଅଞ୍ଚଳବାସୀ ମତପ୍ରକାଶ କରିଛନ୍ତି ।