PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ବସ୍‌ରୁ ବ୍ୟବସାୟୀଙ୍କଠୁ ଝାମ୍ପିନେଲେ ୬ ଲକ୍ଷ

ଭୁବନେଶ୍ୱର,୯ ।୨(ବ୍ୟୁରୋ): ଶନିବାର ଅପରାହ୍ଣରେ ବରମୁଣ୍ଡା ଚନ୍ଦନ ଲଜ୍‌ ସମ୍ମୁଖ ରାସ୍ତାରୁ ଏକ ଯାତ୍ରୀବାହୀ ବସ୍‌ରୁ ଜଣେ ବ୍ୟବସାୟୀଙ୍କ ଠାରୁ ୬ ଲକ୍ଷ ଟଙ୍କା ଲୁଟ୍‌ ହୋଇଛି । ଦୁଇ ଦୁର୍ବୃତ୍ତ ବାଇକ୍‌ରେ ଆସି ବ୍ୟବସାୟୀଙ୍କ ହାତରୁ ଟଙ୍କା ଭର୍ତ୍ତି ବ୍ୟାଗ୍‌ ଝାମ୍ପି ନେଇ ପଳାଇଛନ୍ତି । ଲୁଟ୍‌ର ଶିକାର ହୋଇଛନ୍ତି ଖୋର୍ଦ୍ଧା ଜିଲ୍ଲା ବେଗୁନିଆର କୃଷ୍ଣଚନ୍ଦ୍ର ସାହୁ । ଏନେଇ ସେ ଖଣ୍ଡଗିରି ଥାନାରେ ଅଭିଯୋଗ କରିଛନ୍ତି । ପୁଲିସ ଅନୁସନ୍ଧାନ ଚଳାଇଥିଲେ ମଧ୍ୟ ଦୁର୍ବୃତ୍ତଙ୍କ ଟେର୍‌ ପାଇନାହିଁ ।
ମିଳିଥିବା ଅଭିଯୋଗ ଅନୁଯାୟୀ, କୃଷ୍ଣଚନ୍ଦ୍ର ବେଗୁନିଆରେ ଏକ ହୋଲ୍‌ସେଲ୍‌ ଗ୍ରୋସରୀ ଦୋକାନ କରିଛନ୍ତି । ସେ କଟକ ମାଲ୍‌ଗୋଦାମରୁ ଗ୍ରୋସରୀ ସାମଗ୍ରୀ ଆଣିବା ପାଇଁ ବସ୍‌ରେ ବରମୁଣ୍ଡାକୁ ଆସିଥିଲେ । ସେଠାରୁ କଟକ ଯିବା ପାଇଁ ଅନ୍ୟ ଏକ ବସ୍‌ ଧରିଥିଲେ । ଅପରାହ୍ଣ ସାଢ଼େ ୪ଟାବେଳେ ବସ୍‌ ବରମୁଣ୍ଡା ଛାଡ଼ିଥିଲା । ବସ୍‌ଟି ବରମୁଣ୍ଡା ଚନ୍ଦନ ଲଜ୍‌ ସମ୍ମୁଖରେ ଭିଡ଼ରେ ଫସି ରହିଥିଲା । କୃଷ୍ଣଚନ୍ଦ୍ର ବସ୍‌ର କଣ୍ଡକ୍ଟର ସିଟ୍‌ରେ ବସିଥିଲେ । ଏହି ସମୟରେ ଏକ କଳା ରଙ୍ଗର ସ୍ପିଡ୍‌ ବାଇକ୍‌ ବସ୍‌ ନିକଟରେ ଲାଗିଥିଲା । ଜଣେ ବାଇକ୍‌ ଷ୍ଟାର୍ଟ ରଖିଥିବା ବେଳେ ଅଜ୍ୟ ଜଣେ ଲୁଟେରା ବସ୍‌ର ଝରକା ବାଟରେ ହାତ ପୂରାଇ କୃଷ୍ଣଚନ୍ଦ୍ରଙ୍କ ହାତରୁ ୬ ଲକ୍ଷ ଟଙ୍କା ଭର୍ତ୍ତି ବ୍ୟାଗ୍‌କୁ ଝାମ୍ପି ନେଇଥିଲା । ତା’ପରେ ଦୁଇ ଲୁଟେରା ବାଇକ୍‌ରେ ଦ୍ରୁତ ଗତିରେ ସେଠାରୁ ପଳାଇଥିଲେ । କୃଷ୍ଣଚନ୍ଦ୍ର ସେଠାରୁ ଆସି ଖଣ୍ଡଗିରି ଥାନାରେ ଅଭିଯୋଗ କରିଥିଲେ ।
ତେବେ କୃଷ୍ଣଚନ୍ଦ୍ରଙ୍କ ବୟାନକୁ ପୁଲିସ ସହଜରେ ଗ୍ରହଣ କରୁନାହିଁ । ବସ୍‌ ଝରକା ବାଟ ଦେଇ କିପରି ଟଙ୍କା ଲୁଟ୍‌ ହେଲା ତାହା ପୁଲିସ ସନ୍ଦେହରେ ପକାଇଛି । ସେ କେଉଁ ବସ୍‌ରେ ଯାଉଥିଲେ ସେ ନେଇ ମଧ୍ୟ ପୁଲିସକୁ କିଛି କହି ପାରି ନାହାନ୍ତି । ଲୁଟ୍‌ ହେବା ସମୟରେ ବରମୁଣ୍ଡା ବସ୍‌ଷ୍ଟାଣ୍ଡ୍‌ରୁ କେଉଁ କେଉଁ ବସ୍‌ କଟକ ଯାଉଥିଲା ସେଇ ଆଧାରରେ ପୁଲିସ ତଦନ୍ତ ଚଳାଇଛି ।