PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ଭାରତୀୟ ମହିଳା ହକି ଟିମ୍‌ ଜର୍ମାନୀ ଠାରୁ ୨-୦ରେ ହାରିଲା
  • ||
  • ଆନନ୍ଦପୁର : ଗାଧୋଇବା ବେଳେ ଅଘଟଣ, କେନାଲରେ ବୁଡ଼ି ଯୁବକ ମୃତ
  • ||
  • ଭୁବନେଶ୍ଵର : ରାଜଧାନୀରେ ପୁଣି ଆତଙ୍କରାଜ, ୨ ଯୁବକଙ୍କୁ ବିଚ୍ ରାସ୍ତାରେ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ନୂଆଦିଲ୍ଲୀ: ମୀରାବାଈ ଚାନୁଙ୍କୁ ମିଳିପାରେ ସ୍ବର୍ଣ୍ଣ ପଦକ, ଝିହୁଇ ହୋଙ୍କର ହେବ ଆଣ୍ଟି ଡୋପିଂ ଟେଷ୍ଟ
  • ||
  • କୋରାପୁଟ: ଭ୍ୟାନରୁ ୧.୮ଲକ୍ଷ ଟଙ୍କା ସହ କୋଟିଏ ଟଙ୍କାର ଗଞ୍ଜେଇ ଜବତ କଲା ଜୟପୁର ସଦର ପୋଲିସ, ଜଣେ ଗିରଫ
  • ||
  • ସମ୍ବଲପୁର: ବଲାଙ୍ଗୀର ଏନ୍‌ଏଚ୍‌ ଲୁଟ ଘଟଣା, ୬ କୁଖ୍ୟାତ୍ ଟ୍ରକ୍ ଲୁଟେରାଙ୍କୁ ଗିରଫ କଲା ପୋଲିସର ସ୍ବତନ୍ତ୍ର ସ୍କ୍ବାର୍ଡ
  • ||
  • ସମ୍ବଲପୁର: ପୁଣି ଖୋଲିଲା ହୀରାକୁଦ ଡ୍ୟାମ୍‌ର ୨ ଗେଟ୍‌, ମୋଟ ୮ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ବେଙ୍ଗାଲୁରୁ : କର୍ଣ୍ଣାଟକ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ୟେଦିୟୁରପ୍ପା
  • ||
  • ଭୁବନେଶ୍ୱର : ତୃତୀୟ ଲହରୀ ଆସିବାର ଏପର୍ଯ୍ୟନ୍ତ କୌଣସି ଲକ୍ଷଣ ନାହିଁ, ସ୍ଥିତି ଦେଖି ଅନ୍‌ଲକ୍‌ ନିଷ୍ପତ୍ତି : ଡିଏମ୍‌ଇଟି
  • ||
  • ନୂଆଦିଲ୍ଲୀ: ମହାରାଷ୍ଟ୍ର ସଦନରେ ଅଗ୍ନିକାଣ୍ଡ, ନିଆଁଲିଭା କାର୍ଯ୍ୟରେ ୪ଟି ଦମକଳ ଗାଡ଼ ନିୟୋଜିତ
  • ||
  • ସାଲେପୁର: ବାଇକ୍‌କୁ ଧକ୍କା ଦେଲା ଟ୍ରକ୍, ସ୍ଵାମୀ-ସ୍ତ୍ରୀ ଗୁରୁତର
  • ||
  • ଭୁବନେଶ୍ୱର: ଓଡ଼ିଶାରେ କମୁଛି ସଂକ୍ରମଣ, ୨୪ ଘଣ୍ଟା ମଧ୍ୟରେ ୧୬୩୭ ଜଣ କରୋନା ପଜିଟିଭ ଚିହ୍ନଟ
  • ||
  • ଭୁବନେଶ୍ୱର: ଖୋଲିଲା ସ୍କୁଲ, ପାଠପଢ଼ା ଆରମ୍ଭ କଲେ ଦଶମ ଓ ଦ୍ବାଦଶ ଛାତ୍ରଛାତ୍ରୀ
  • ||
  • ଭୋଗରାଇ : ନଦୀ ଘାଟକୁ ପାଣି ଆଣିବାକୁ ଯାଇ ଭାସିଗଲା ନାବାଳକ, ଉଦ୍ଧାର କାର୍ଯ୍ୟ ଜାରି
  • ||
  • କାର୍ଗିଲ ବିଜୟ ଦିବସ : ପାକିସ୍ତାନକୁ ଧୂଳି ଚଟାଇ କାର୍ଗିଲ ଶିଖରରେ ତ୍ରିରଙ୍ଗା ଉଡ଼ାଇଥିଲେ ଭାରତର ବୀର ଯବାନ
  • ||
  • ଭୁବନେଶ୍ୱର : ଆଜି ବାଲେଶ୍ୱରକୁ ଛାଡ଼ି ସବୁଠି ଟିକାକରଣ, ରାଜ୍ୟର ୧୩୦୨ କେନ୍ଦ୍ରରେ ଦିଆଯିବ ଟିକା
  • ||
  • ଆଠଗଡ଼ : ଶ୍ରାବଣ ମାସର ପ୍ରଥମ ସୋମବାର, ଭକ୍ତଶୂନ୍ୟ ବାବା ଧବଳେଶ୍ଵରଙ୍କ ପୀଠ
  • ||
  • ଅନଗୁଳ : ବିଳମ୍ବିତ ରାତିରେ ଘର ପୋଡ଼ିଦେଲେ ଦୁର୍ବୃତ୍ତ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୫୭୪କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କମୁଛି ସଂକ୍ରମଣ, ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୬୩୭ ଜଣ କରୋନା ପଜିଟିଭ୍
  • ||

ବିଦାୟୀ ଭାଷଣରେ ବିରୋଧୀଙ୍କୁ ମୋଦିଙ୍କ କଟାକ୍ଷ: କାଇଁ ଭୂକମ୍ପ ହେଲାନି ତ !

source:www.financialexpress.com

ନୂଆଦିଲ୍ଲୀ,୧୩ ।୨(ଏଜେନ୍ସି): ଆଜି ୧୬ତମ ଲୋକସଭାର ଶେଷ କାର୍ଯ୍ୟଦିବସ ଥିଲାବେଳେ ଏହି ଅବସରରେ ବକ୍ତବ୍ୟ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତ ପାଞ୍ଚ ବର୍ଷ ଭିତରେ ତାଙ୍କ ସରକାରଙ୍କ ସଫଳତା ବଖାଣିବା ସହିତ ବିରୋଧୀ ଦଳ ବିଶେଷ କରି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ କଟାକ୍ଷ କରିଥିଲେ ।
ରାହୁଲଙ୍କୁ ଟାର୍ଗେଟ କରି ମୋଦି କହିଥିଲେ କି ମୁଁ ଏଠାରେ ‘ଗଲେ ମିଲନା ଔର ଗଲେ ପଡ଼ନା( ଜଣକୁ ଆଲିଙ୍ଗନ କରିବା ଏବଂ ଜଣଙ୍କ ଉପରେ ପଡ଼ିବା)’ ଭିତରେ ଥିବା ଫରକ ଜାଣିଲି । ଗତ ବର୍ଷ ଜୁଲାଇରେ ରାହୁଲ ସଦନ ମଧ୍ୟରେ ମୋଦିଙ୍କ ଆସନ ନିକଟକୁ ଯାଇ ତାଙ୍କୁ କୁଣ୍ଢାଇବା ଘଟଣାକୁ ଇଙ୍ଗିତ କରି ସେ ଏହା କହିଥିଲେ । ସେ ପୁଣି କହିଥିଲେ କି ସଂସଦରେ ଭୂମିକମ୍ପ ହେବ ବୋଲି କୁହାଯାଉଥିଲା । କାଇଁ ଭୂମିକମ୍ପ ହେଲା ନାହିଁ ତ! ରାହୁଲଙ୍କ ଦ୍ୱାରା ଗୃହ ଭିତରେ ଆଖି ମରାଯିବା ଘଟଣାକୁ ନେଇ ମୋଦି କହିଥିଲେ କି ‘ସଦନ ମେଁ ଆଖିଓଁ କୀ ଗୁସ୍ତାଖିୟାଁ’ ଯୋଗୁ ମିଡିଆକୁ ଚର୍ଚ୍ଚା କରିବା ପାଇଁ ଖୋରାକ୍‌ ମିଳିଥିଲା । ସେହିପରି ଗୃହ ମଧ୍ୟରେ ଅନେକ ଥର କାଗଜରେ ନିର୍ମିତ ପ୍ଲେନ ଉଡ଼ାଯାଇଥିଲା । କିନ୍ତୁ ଭାରତର ଗଣତନ୍ତ୍ର ଏବଂ ଲୋକସଭାର ଗରିମା ଏତେ ଉଚ୍ଚ ଯେ ଏଭଳି ପ୍ଲେନ୍‌ ତାହାକୁ କେବେହେଲେ ଛୁଇଁପାରିବ ନାହିଁ ।
ରାହୁଲଙ୍କ ଛଡା ଆଜି ମୋଦିଙ୍କ ଟାର୍ଗେଟରେ ଥିଲେ ଲୋକସଭାରେ କଂଗ୍ରେସ ଦଳର ନେତା ମଲ୍ଲିକାର୍ଜ୍ଜୁନ ଖରଗେ । ତାଙ୍କ ସମ୍ପର୍କରେ ମୋଦି କହିଥିଲେ କି ଅନେକ ଥର ଖରଗେଙ୍କ ସହିତ ମୋର କଥା କଟାକଟି ହୋଇଛି । ଆଜି ଯଦି ଖରଗେଙ୍କର ଗଳା ଖରାପ ହୋଇନଥାନ୍ତା, ତାହାହେଲେ ତାଙ୍କ ମୁହଁରୁ କିଛି ଶୁଣିବାକୁ ମିଳିଥାନ୍ତା । କିନ୍ତୁ ଆଜି ଏହା ସମ୍ଭବପର ହେଉନଥିବାରୁ ପରେ ସେ ଏହା ଶୁଣିନେବେ । ଅବଶ୍ୟ ମୋଦି ପରେ ଖରଗେଙ୍କ ପ୍ରଂଶସାରେ ବି ଗୋଟିଏ ବାକ୍ୟ କହିଥିଲେ । ବିଜେପିର ବରିଷ୍ଠ ବରିଷ୍ଠ ନେତା ଲାଲକୃଷ୍ଣ ଆଡଭାନୀଙ୍କ ଭଳି ଖରଗେ ପ୍ରାୟ ସମୟ ସଦନରେ ଉପସ୍ଥିତ ରହୁଥିବାରୁ ସେ ପ୍ରଶଂସାର ପାତ୍ର ବୋଲି ମୋଦି ମତ ଦେଇଥିଲେ ।
ଲୋକସଭାରେ ବିଜେପିକୁ ୨୦୧୪ ନିର୍ବାଚନରେ ସଂଖ୍ୟାଗରିଷ୍ଠତା ମିଳିବା ଉପରେ ମୋଦି କହିଥିଲେ କି ଗତ ତିନି ଦଶନ୍ଧି ମଧ୍ୟରେ ପ୍ରଥମ ଥର ପାଇଁ ଗୋଟିଏ ସରକାରକୁ ବହୁମତ ମିଳିଥିଲା । ୩୦ ବର୍ଷ ତଳେ ଦେଶରେ ବାଜପେୟୀଙ୍କ ନେତୃତ୍ୱରେ ଅଣ-କଂଗ୍ରେସ ଗୋତ୍ରର ଏକ ସରକାର ବନିଥିଲା । ୩୦ ବର୍ଷ ପରେ ଦେଶରେ ପୁଣି ଥରେ ଏପରି ଘଟିଥିଲା । ଏଥିପାଇଁ ଦେଶର ୧୨୫ କୋଟି ଲୋକଙ୍କୁ ସେ କୃତଜ୍ଞତା ଜ୍ଞାପନ କରିଥିଲେ ।
ନିଜ ସରକାରର ସଫଳତା ସମ୍ପର୍କରେ ସୂଚନା ଦେଇ ସେ କହିଥିଲେ କି ‘ଗତ ୫ ବର୍ଷ ଭିତରେ ଆନ୍ତର୍ଜାତିକ ସ୍ତରରେ ଭାରତର ପ୍ରଭାବ ବୃଦ୍ଧି ପାଇଛି ଏବଂ ଭାରତ ଦ୍ରୁତ ବିକାଶ ହାସଲ କରିବା ଦିଗରେ ଅଗ୍ରସର ହେଉଛି । ଏବେ ଭାରତର ଆତ୍ମବିଶ୍ୱାସ ସବୁଠାରୁ ଅଧିକ ରହିଛି । ଏହାକୁ ମୁଁ ଏକ ସକରାତ୍ମକ ଲକ୍ଷଣ ବୋଲି ମନେ କରୁଛି । କାରଣ ଏହା ଦେଶର ବିକାଶକୁ ବି ପ୍ରୋତ୍ସାହିତ କରିଥାଏ । ଗତ ୫ ବର୍ଷ ଭିତରେ ଭାରତ ସବୁଠାରୁ ଅଧିକ ଉପଗ୍ରହ ପ୍ରେରଣ କରିଛି । ବିଶ୍ୱ ତାପମାତ୍ରା ବୃଦ୍ଧିକୁ ନେଇ ବିଭିନ୍ନ ଦେଶରେ ଚିନ୍ତା ପ୍ରକଟ ପାଉଥିଲାବେଳେ ଭାରତର ଉଦ୍ୟମ କ୍ରମେ ଇଣ୍ଟରନ୍ୟାସନାଲ ସୋଲାର ଆଲାଏନ୍ସ (ସୌରଶକ୍ତିର ବ୍ୟାପକ ବ୍ୟବହାର ପାଇଁ ଗଠିତ ମେଣ୍ଟ) ଗଠନ କରାଯାଇଛି । ଭାରତ ଏବେ ବିଶ୍ୱର ୬ଷ୍ଠ ବୃହତ୍‌ ଅର୍ଥନୀତିରେ ପରିଣତ ହୋଇଥିଲାବେଳେ ଆଗାମୀ କିଛି ବର୍ଷ ମଧ୍ୟରେ ଏହାର ଅର୍ଥନୀତିର ଆକାର ୫ ଟ୍ରିଲିୟନ ଡଲାରରେ ପହଞ୍ଚିବ । ବିଶ୍ୱର ଡିଜିଟାଲ ମ୍ୟାପରେ ମଧ୍ୟ ଆମେ ଭାରତକୁ ଏବେ ସ୍ଥାନିତ କରିଛୁ’ ।
ଲୋକସଭାରେ କାର୍ଯ୍ୟ ସମ୍ପର୍କରେ ମତ ଦେଇ ମୋଦି କହିଥିଲେ କି ଚଳିତ ଲୋକସଭାକୁ ସବୁଠାରୁ ଅଧିକ ମହିଳା ସାଂସଦ ନିର୍ବାଚିତ ହୋଇଛନ୍ତି । ସେମାନଙ୍କ ମଧ୍ୟରୁ ୪୪ ଜଣ ପ୍ରଥମ ଥର ପାଇଁ ନିର୍ବାଚିତ ହୋଇଥିଲେ । ଲୋକସଭାରେ ଆମ ସରକାର ଦ୍ୱାରା ଆଗତ ୨୧୯ଟି ବିଲ୍‌ରୁ ୨୦୩ଟି ଗୃହୀତ ହୋଇଛି । ଆମେ କଳାଧନ ଏବଂ ଦୁର୍ନୀତି ରୋକିବାକୁ କଡ଼ା ଆଇନ ବି ପ୍ରଣୟନ କରିଛୁ । ପ୍ରାୟ ୧୪୦୦ ପୁରୁଣା ଆଇନକୁ ରଦ୍ଦ କରାଯାଇଛି । ଲୋକସଭାରେ ଜିଏସଟି ବିଧେୟକ ଗୃହୀତ ହୋଇଥିଲା । ସବୁ ଦଳମଧ୍ୟରେ ସହଯୋଗ ଯୋଗୁ ଏହା ସମ୍ଭବପର ହୋଇପାରିଥିଲା । ଗତ ୫ ବର୍ଷ ଭିତରେ ଲୋକସଭାର ଯେତେ ଅଧିବେଶନ ବସିଛି, ସେଥିମଧ୍ୟରୁ ୮ଟିରେ ସଦନର ପ୍ରଦର୍ଶନ ୧୦୦% ରହିଛି । କିନ୍ତୁ ସବୁ ଅଧିବେଶନରେ ସଦନର ପ୍ରଦର୍ଶନ ହାରାହାରି ୮୫% ରହିଛି । ତେଣୁ ଏହି ସରକାର ସମୟରେ ଲୋକସଭାରେ ପୂର୍ବାପେକ୍ଷା ଅଧିକ ସମୟ କାର୍ଯ୍ୟ ହୋଇଛି ।
ସେହିପରି ଟିଡିପି ସାଂସଦ ନରମାଲି ଶିବପ୍ରସାଦ ସବୁ ଅଧିବେଶନରେ ପ୍ରତି ଦିନ ଏକ ନୂଆ ପୋଷାକ ଓ ନୂଆ ବେଶରେ ସଦନକୁ ଆସୁଥିବାରୁ ତାହାର ଉଲ୍ଲେଖ କରି ମୋଦି କହିଥିଲେ କି ତାଙ୍କ ଉପରେ ନଜର ପଡ଼ିବା ମାତ୍ରେ ସମସ୍ତଙ୍କର ଟେନସନ ଦୂର ହୋଇଯିବ ।