PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ନୋଟ୍‌ ବନ୍ଦୀକୁ ପ୍ରଶଂସା କଲେ ମୋଦି, କହିଲେ ଯୁବପିଢ଼ିଙ୍କ ପାଇଁ ସୁଲଭ ହୋଇଛି ଘରକିଣା

source:www.ndtv.com

ସୁରଟ୍‌,୩୦ା୧(ଏଜେନ୍ସି): ନୋଟ୍‌ ବନ୍ଦୀକୁ ୩ ବର୍ଷ ପୂରିବାକୁ ଥିବା ବେଳେ ଏହାର ବିଫଳତାକୁ ନେଇ ଏବେ ବି ବିରୋଧୀ ଦଳଗୁଡ଼ିକ ମୋଦି ସରକାରଙ୍କୁ ବାରମ୍ବାର ଟାର୍ଗେଟ୍‌ କରିଆସୁଛନ୍ତି । ଏହାଦ୍ୱାରା ଦେଶର ଅର୍ଥନୀତି ପଛେଇବା ସହ କ୍ଷୁଦ୍ର ବ୍ୟବସାୟୀ ପ୍ରଭାବିତ ହୋଇଥିବା ସେମାନେ ଅଭିଯୋଗ କରୁଛନ୍ତି । କିନ୍ତୁ ଏ ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ମୁହଁ ଖୋଲିଛନ୍ତି । ସେ କହିଛନ୍ତି, ନୋଟ୍‌ ବନ୍ଦୀ ଯୋଗୁ ଘରକିଣା ସହଜ ଓ ସୁଲଭ ହୋଇପାରିଛି । ଫଳରେ ଯୁବପିଢ଼ି ନିଜ ସ୍ୱପ୍ନର ଘର କିଣିବାକୁ ସୁଯୋଗ ପାଉଛନ୍ତି । ସୁରଟ୍‌ରେ ଏକ କାର୍ଯ୍ୟକ୍ରମରେ ମୋଦି କହିଛନ୍ତି, ନୋଟ୍‌ ବନ୍ଦୀ ଦ୍ୱାରା କି ଲାଭ ମିଳିଛି ବୋଲି ମୋତେ ବାରମ୍ବାର ପ୍ରଶ୍ନ ପଚରାଯାଉଛି । ତେବେ ଏହାର ଲାଭ ସମ୍ପର୍କରେ ଦେଶର ଯୁବପିଢ଼ିଙ୍କୁ ପଚରାଯିବା ଉଚିତ । ଏହାଦ୍ୱାରା ରିଅଲ୍‌ ଇଷ୍ଟେଟ୍‌ କ୍ଷେତ୍ରରେ କି ପ୍ରକାର ପରିବର୍ତ୍ତନ ଆସିଛି ଏବଂ ଯୁବପିଢ଼ି ଘର କିଣିବାରେ କିଭଳି ଉପକୃତ ହେଉଛନ୍ତି, ତାହାର ଉତ୍ତର କେବଳ ସେମାନଙ୍କଠାରୁ ମିଳିପାରିବ । ପୂର୍ବରୁ ରିଅଲ୍‌ ଇଷ୍ଟେଟ୍‌ରେ ଅଧିକାଂଶ କଳାଧନ ଲାଗୁଥିଲା । କିନ୍ତୁ ନୋଟ୍‌ ବନ୍ଦୀ ଏବଂ ରେରା (ରିଅଲ୍‌ ଇଷ୍ଟେଟ୍‌ ନିୟାମକ) ଯୋଗୁ ତାହା ଉପରେ ଅଙ୍କୁଶ ଲାଗିଛି । ଫଳରେ ଏହି କ୍ଷେତ୍ର ବେଶ୍‌ ସଂଗଠିତ ହୋଇପାରିଛି । ମୋଦି କହିଛନ୍ତି, ବର୍ତ୍ତମାନର ସରକାର ସାଢ଼େ ୪ ବର୍ଷ ମଧ୍ୟରେ ଯାହା କରିଛନ୍ତି, ସେତିକି କରିବାକୁ ପୂର୍ବର ଉପା ସରକାରକୁ ୨୫ ବର୍ଷ ସମୟ ଲାଗିଥାନ୍ତା । ନିଜ କାର୍ଯ୍ୟକାଳ ମଧ୍ୟରେ ଏବର ଏନ୍‌ଡିଏ ସରକାର ୧.୩୦ କୋଟି ବାସଗୃହ ନିର୍ମାଣ କରିଛି । କିନ୍ତୁ ଉପା ସରକାର ମାତ୍ର ୨୫ ଲକ୍ଷ ଘର ତୋଳିପାରିଛି ।