PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢ଼େଙ୍କାନାଳ: ଭିଜିଲାନ୍ସ ଜାଲରେ ଥାନା ଅଧିକାରୀ, ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡିଲେ ନିହଲ ପ୍ରସାଦ
  • ||
  • ଭୁବନେଶ୍ଵର : ବିଧାନସଭାରେ ବାଲି ତାତି, ସରକାରଙ୍କୁ ଘେରିଲେ ବିଜେପି ଓ କଂଗ୍ରେସ, ଉଦବେଗ ପ୍ରକାଶ କଲେ ବାଚସ୍ପତି
  • ||
  • ଭୁବନେଶ୍ଵର : ମଣ୍ଡି ସମସ୍ୟା ପାଇଁ ବିଧାନସଭାରେ ଆତ୍ମହତ୍ୟା ଧମକ ଦେଲେ ବିଜେପି ବିଧାୟକ ସୁବାସ ପାଣିଗ୍ରାହୀ
  • ||
  • ନୟାଗଡ଼: ହଠାତ ଲାଗିଲା ନିଆଁ, ୩ ବଖରା ଘର ସହ ଜିଅନ୍ତା ଜଳିଗଲା ଗର୍ଭିଣୀ ଗାଈ, ନିଆଁକୁ ଆୟତ୍ତ କଲେ ଅଗ୍ନିଶମ ଟିମ୍
  • ||
  • ନୀଳଗିରି: ଗୁହାଳ ଘରେ ଲାଗିଲା ନିଆଁ, ଅର୍ଦ୍ଧ୍ବ ଦଗ୍ଧ ହୋଇଗଲେ ୨ଟି ଗାଈ, ଅଳିଆ ଗଦାରୁ ଲାଗିଥିଲା ନିଆଁ
  • ||
  • ବଲାଙ୍ଗିର : ବଲାଙ୍ଗିରେ ନାହିଁ ଭାରତ ବନ୍ଦ ପ୍ରଭାବ, ବ୍ୟବସାୟିକ ପ୍ରତିଷ୍ଠାନ ବନ୍ଦ ରହିଥିବା ବେଳେ ଯାତାୟତ ସ୍ଵାଭାବିକ
  • ||
  • ଭୁବନେଶ୍ବର: ଆଜି ଭାରତ ବନ୍ଦ, ରାଜଧାନୀକୁ ଜଗିଛନ୍ତି ୨୦ ପ୍ଲାଟୁନ୍ ପୁଲିସ୍‌ ଫୋର୍ସ
  • ||
  • ଆଜି ୧୨ ଘଣ୍ଟିଆ ଭାରତ ବନ୍ଦ, ଜିଏସ୍‌ଟିର ବିଭିନ୍ନ ସଂଶୋଧିତ ନିୟମକୁ ବିରୋଧ କରି ବନ୍ଦ ପାଳନ କରିବେ ୪୦,୦୦୦ ବ୍ୟବସାୟୀ ସଂଘ
  • ||

ମୋଦିଙ୍କ ବୟାନ: କଠୋର ନିଷ୍ପତ୍ତି ପାଇଁ ପୂର୍ଣ୍ଣ ବହୁମତ ଜରୁରୀ

source:www.ndtv.com

ସୁରଟ, ୩୦ ।୧(ଏଜେନ୍ସି): ଆଗାମୀ ଲୋକସଭା ନିର୍ବାଚନ ଉପଲକ୍ଷେ ବିରୋଧୀ ଦଳଗୁଡ଼ିକର ମହାମେଣ୍ଟ ସଂପର୍କରେ ଚର୍ଚ୍ଚା କରାଯାଉଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେନ୍ଦ୍ରରେ ପୂର୍ଣ୍ଣ ବହୁମତବିଶିଷ୍ଟ ସରକାର ପାଇଁ ଯୁକ୍ତି ବାଢିଛନ୍ତି । ପୂର୍ଣ୍ଣ ବହୁମତ ମିଳିଲେ ହିଁ ସରକାର କଠୋର ନିଷ୍ପତ୍ତି ନେଇପାରିବେ ବୋଲି ସେ ପ୍ରକାଶ କରିଛନ୍ତି । ସୁରଟ ବିମାନବନ୍ଦରର ନୂଆ ଟର୍ମିନାଲ ବିସ୍ତାରର ଶିଳାନ୍ୟାସ କରି ପ୍ରଧାନମନ୍ତ୍ରୀ ବୁଧବାର ଏହା କହିଥିଲେ ।
 ଶିଳାନ୍ୟାସ ପରେ ଏକ ସମାରୋହକୁ ଉଦ୍‌ବୋଧନ ଦେଇ ସେ ପ୍ରକାଶ କରିଥିଲେ ଯେ, କଠୋର ନିଷ୍ପତ୍ତି ପାଇଁ ପୂର୍ଣ୍ଣ ବହୁମତ ଖୁବ୍‌ ଜରୁରୀ । ଗତ ୩୦ ବର୍ଷ ହେଲା ଦେଶରେ ଅସ୍ଥିରତା ଥିଲା । କୌଣସି ରାଜନୈତିକ ଦଳ ପୂର୍ଣ୍ଣ ବହୁମତ ପାଉନଥିବାରୁ ମେଣ୍ଟ ସରକାର ଗଠିତ ହେଉଥିଲା । ସେହି ସବୁ ସରକାର ବିଭିନ୍ନ ଦିଗରେ ଯାଉଥିଲେ ଏବଂ କିଛିି କ୍ଷେତ୍ରରେ ସେମାନଙ୍କର ଗତି ପଛକୁ ଥିଲା । ଗତ ସାଢେ ଚାରି ବର୍ଷ ହେଲା ଆମେ ଉନ୍ନତି କରିପାରିଛୁ କାରଣ ଲୋକମାନେ ଖୁବ୍‌ ବୁଦ୍ଧିମାନ ଭାବେ ୨୦୧୪ର ଲୋକସଭା ନିର୍ବାଚନରେ ଭାରତୀୟ ଜନତା ପାର୍ଟିକୁ ଭୋଟ ଦେଇଥିଲେ । ଏହାଯୋଗୁ ଦେଶକୁ ଝୁଲା ସଂସଦରୁ ରକ୍ଷା ମିଳିଥିଲା । ପୂର୍ଣ୍ଣ ବହୁମତ କେବଳ ଯେ ସରକାରଙ୍କୁ ଦୃଢ ନିଷ୍ପତ୍ତି ନେବାରେ ସହାୟକ ହୁଏ ତା’ ନୁହେଁ ଏହାଦ୍ୱାରା ସରକାର ଲୋକଙ୍କ ପ୍ରତି ଉତ୍ତରଦାୟୀ ମଧ୍ୟ ରହିଥାନ୍ତି । ଯଦି ଆମ ନିକଟରେ ପୂର୍ଣ୍ଣ ବହୁମତ ନଥାନ୍ତା ତା’ ହେଲେ ଜବାବରେ ମୁଁ କହିଥାନ୍ତି ଯେ ମେଣ୍ଟ ସରକାରର ସମସ୍ୟା ରହିଛି । ପୂର୍ଣ୍ଣ ବହୁମତ ଥିବା ଯୋଗୁ ଦେଶର ନାମ ବିଶ୍ୱରେ ଆଗକୁ ବଢୁଛି । ଏହାଯୋଗୁ ଆମକୁ ଲୋକଙ୍କ ପାଇଁ କାମ କରିବାରେ ସହାୟତା ମିଳିଛି ବୋଲି ସେ ଦର୍ଶାଇଥିଲେ ।
 ସେହିପରି ସୁରଟ ବିମାନବନ୍ଦରର ଏହି ନୂଆ ଟର୍ମିନାଲ ଆରମ୍ଭ ହେବା ପରେ ଉଭୟ ଯାତ୍ରୀ ଓ ଜିନିଷପତ୍ର ପରିବହନର କ୍ଷମତା ବଢିବ ବୋଲି ପ୍ରଧାନମନ୍ତ୍ରୀ ଆଶା ପ୍ରକାଶ କରିଥିଲେ । ସୂଚନାଥାଉକି, ପ୍ରଧାନମନ୍ତ୍ରୀ ଆଜି ଗୁଜରାଟ ଗସ୍ତରେ ଅଛନ୍ତି । ସୁରଟରେ ବିମାନବନ୍ଦରର ନୂଆ ଟର୍ମିନାଲ ପାଇଁ ଶିଳାନ୍ୟାସ କରିବା ସହିତ ସେ ଦାଣ୍ଡି ଯାତ୍ରାର ସ୍ମୃତିରକ୍ଷା ପାଇଁ ନିର୍ମିତ ହୋଇଥିବା ଦାଣ୍ଡି ସ୍ମାରକୀକୁ ଲୋକାର୍ପଣ କରିଥିଲେ । ସେହି ସ୍ମାରକୀରେ ଜାତିର ଜନକ ମହାତ୍ମାଗାନ୍ଧୀ ଓ ତାଙ୍କ ସହ ଆନ୍ଦୋଳନ କରିଥିବା ୮୦ ଜଣ ଅନ୍ୟ ସତ୍ୟାଗ୍ରହୀଙ୍କର ପ୍ରତିମୂର୍ତ୍ତିକୁ ସ୍ଥାନିତ କରାଯାଇଛି ।