ଚାନ୍ଦା ନ ଦେବା ବ୍ୟବସାୟୀଙ୍କୁ ମାଡ଼

ଭୁବନେଶ୍ୱର ୭/୯ : ଗଣେଶ ପୂଜା ଚାନ୍ଦା ନ ଦେବା ମହଙ୍ଗା ପଡ଼ିଛି ଜଣେ ବ୍ୟବସାୟୀଙ୍କୁ । ଯୁବକମାନେ ତାଙ୍କୁ ଆକ୍ରମଣ କରିଛନ୍ତି । ଆକ୍ରମଣର ଶିକାର ହୋଇଛନ୍ତି ଅଶୋକ ନଗରର ବ୍ୟବସାୟୀ ଚିନ୍ତାମଣି ନାୟକ । ଏନେଇ ସେ କ୍ୟାପିଟାଲ୍‌ ଥାନାରେ ଏତଲା ଦେଇଛନ୍ତି । ତାଙ୍କ ପରିବାର ଲୋକ ତାଙ୍କୁ ଏକ ଘରୋଇ ହସ୍ପିଟାଲ୍‌ରେ ଚିକିତ୍ସିତ କରାଉଛନ୍ତି । ଚିନ୍ତାମଣିଙ୍କର ଆଶୋକ ନଗରରେ ଏକ ଦୋକାନ ରହିଛି ।

ଗଣେଶ ପୂଜା ପୂର୍ବରୁ ସ୍ଥାନୀୟ କିଛି ଯୁବକ ତାଙ୍କୁ ୨୦ ହଜାର ଟଙ୍କା ଚାନ୍ଦା ମାଗିଥିଲେ । ହେଲେ ୫ ହଜାର ଟଙ୍କା ଦେବାକୁ ରାଜି ହୋଇଥିଲେ । ଏମାନେ ୨୦ ହଜାର ଟଙ୍କା ନେବା ପାଇଁ ଜିଦ୍‌ ଧରିଥିଲେ । ହେଲେ ଚିନ୍ତାମଣି କହିଥିଲେ, ୫ ହଜାରରୁ ମୁଁ ଅଧିକ ଦେଇ ପାରିବି ନାହିଁ । ଏହାକୁ ନେଇ ପାଟି ତୁଣ୍ଡ ହୋଇଥିଲା । ଯୁବକମାନେ କହିଥିଲେ, ଗଣେଶ ପୂଜା ପରେ ତମ ସହ କଥା ହେବୁ ।

ଗୁରୁବାର ରାତି ୧୦ ଟା ବେଳେ ଦୋକାନ ବନ୍ଦ କରୁଥିବା ସମୟରେ ଯୁବକମାନେ ପହଞ୍ଚି ମାଡ଼ ମାରି ମୁହଁ ଫଟେଇ ଦେଲେ ଓ ଘଟଣା ସ୍ଥଳରୁ ଚମ୍ପଟ ମାରିଲେ । ତା’ପରେ ଚିନ୍ତାମଣି ତାଙ୍କ ସମ୍ପର୍କୀୟଙ୍କୁ ଡାକିଥିଲେ । ସେ ଆସିବା ପରେ ଥାନାକୁ ଯାଇଥିଲେ । ପୁଲିସ୍‌ ତଦନ୍ତ କରୁଛି ।

   ସମ୍ବନ୍ଧିତ ଖବର


ପ୍ରେମରେ ବିଫଳ: ପ୍ରେମିକାର ତଣ୍ଟି କାଟିବା ପରେ ନିଜେ ସାନିଟାଇଜର ପିଇ ଆତ୍ମହତ୍ୟା ଉଦ୍ୟମ କଲା ହତାସିଆ ଯୁବକ

ପୁଣି ସାଙ୍ଘାତିକ ଅଭିଯୋଗ : ଡ୍ରାଇଭରଙ୍କ ନାଁରେ ୨୮ କୋଟିର GST ଠକେଇ ଅଭିଯୋଗ‌ରେ ନୋଟିସ୍‌ ଜାରି

ରାଜ୍ୟରେ ୧୩ ଜୀବନ ନେଲା କରୋନା, ମୃତ୍ୟୁସଂଖ୍ୟା ୧୨୯୭ କୁ ବୃଦ୍ଧି

ରାଜ୍ୟରେ ଚିହ୍ନଟ ହେଲେ ୧୬୧୭ ଜଣ କରୋନା ଆକ୍ରାନ୍ତ: ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୮୭ ହଜାର ଟପିଲା

୧୯୯୯ ମହାବାତ୍ୟା @ ୨୧: ‘ମନେ ପଡିଲେ ଏବେ ବି ଛାତି ଥରି ଉଠେ ପ୍ରଳୟଙ୍କାରୀ ବାତ୍ୟାର ତାଣ୍ଡବ’

ଆମେରିକାରେ ‘ଭଣ୍ଡଗୁରୁ’: ଯୁବତୀଙ୍କୁ ପ୍ରଭାବିତ କରି କରୁଥିଲେ ଯୌନଦାସି, ୧୨୦ ବର୍ଷ ଜେଲ ନିର୍ଦ୍ଦେଶ ଦେଲେ ଅଦାଲତ