PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ଗୋଷ୍ଠୀ ସଂକ୍ରମଣ ମୁହାଁ ଓଡ଼ିଶା, ସାମାନ୍ୟ ଲକ୍ଷଣ ଥିଲେ ଟେଷ୍ଟ କରନ୍ତୁ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଚଣ୍ଡିଖୋଲ: ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର୍
  • ||
  • ଢେଙ୍କାନାଳ :ଢେଙ୍କାନାଳ ସିଭିଲ କୋର୍ଟକୁ ସିଲ , ୧୦ରୁ ଅଧିକ କର୍ମଚାରୀ ସଂକ୍ରମିତ ଚିହ୍ନଟ ପରେ ମାଇକ୍ରୋ କଣ୍ଟେନମେଣ୍ଟ ଘୋଷଣା କଲା ପୌରପ୍ରଶାସନ
  • ||
  • ଭୁବନେଶ୍ଵର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଦଶମ ଓ ଦ୍ଵାଦଶ ପରୀକ୍ଷା ପାଇଁ ପ୍ରସ୍ତୁତ ରୁହ : ଗଣଶିକ୍ଷା ମନ୍ତ୍ରୀ
  • ||
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ଭାରତରେ ବଢ଼ୁଛି ସମ୍ପତ୍ତି ବୈଷମ୍ୟ, ୬୮ କୋଟିଙ୍କ ଯେତିକି ୯ ଧନୀଙ୍କ ସେତିକି

ନୂଆଦିଲ୍ଲୀ,୨୧ା୧(ଏଜେନ୍ସି): ଭାରତରେ ବଢ଼ିଚାଲିଛି ଧନୀ-ଗରିବ ସମ୍ପତ୍ତି ବୈଷ୍ୟମ । ଦେଶର ୫୦% ଲୋକ (ସମ୍ପତ୍ତିଧାରୀ ଭାବେ ତଳ ଆଡ଼ୁ ୬୮ କୋଟି)ଙ୍କ ପାଖରେ ଯେତିକି ସମ୍ପତ୍ତି ରହିଛି, ୯ ଜଣ ଶୀର୍ଷ ଧନୀଙ୍କ ପାଖରେ ସେତିକି ସମ୍ପତ୍ତି ରହିଛି । ଅକ୍ସଫାମ୍‌ ପକ୍ଷରୁ ସୋମବାର ପ୍ରକାଶିତ ସର୍ଭେ ରିପୋର୍ଟରୁ ଏହି ତଥ୍ୟ ମିଳିଛି ।
ସେହିଭଳି ଗତବର୍ଷ ଭାରତୀୟ ଅରବପତିଙ୍କ ସମ୍ପତ୍ତି ଦିନକୁ ୨,୨୦୦ କୋଟି ଟଙ୍କା ବଢ଼ିଛି । ୧% ଧନୀ ବ୍ୟକ୍ତିଙ୍କ ସମ୍ପତ୍ତି ୩୯% ବୃଦ୍ଧି ଘଟିଛି । ଅପରପକ୍ଷରେ ଭାରତୀୟ ଜନସଂଖ୍ୟାର ଗରିବ ୫୦%ଙ୍କ ସମ୍ପତ୍ତି ମୂଲ୍ୟ କେବଳ ୩% ବଢ଼ିଛି ।
ଡାଭୋସ୍‌ରେ ବିଶ୍ୱ ଅର୍ଥନୈତିକ ଫୋରମ୍‌ (ଡବ୍ଲ୍ୟୁଇଏଫ୍‌) ବାର୍ଷିକ ବୈଠକ ଆରମ୍ଭ ହେବା ପୂର୍ବରୁ ପ୍ରକାଶିତ ଏହି ସମ୍ପତ୍ତି ରିପୋର୍ଟ ମୁତାବକ, ୨୦୧୮ରେ ବିଶ୍ୱବ୍ୟାପୀ ସମସ୍ତ ଅରବପତିଙ୍କ ସମ୍ପତ୍ତି ଦିନକୁ ୧୨% ବା ୨୫୦ କୋଟି ଡଲାର (୧୭,୭୦୦ କୋଟି ଟଙ୍କା) ବଢ଼ିଛି । ଏପଟେ ବିଶ୍ୱର ଗରିବ ୫୦%ଙ୍କ ସମ୍ପତ୍ତି ମୂଲ୍ୟ ୧୧% ଖସିଛି ।
ଅକ୍ସଫାମ୍‌ ପୁନଶ୍ଚ ଦର୍ଶାଇଛି, ଦେଶର ଗରିବ ୧୦% ବା ୧୩.୬ କୋଟି ଭାରତୀୟ ୨୦୦୪ ପରଠାରୁ ଋଣ ବୋଝରେ ବୁଡ଼ି ରହିଛନ୍ତି ।
ସାରା ବିଶ୍ୱରେ ବଢ଼ିଚାଲିଥିବା ଏହି ଧନୀ-ଗରିବ ବୈଷମତା ସମସ୍ୟା ଦୂର ପାଇଁ ଡାଭୋସ୍‌ରେ ଏକତ୍ରୀତ ହେବାକୁ ଥିବା ରାଜନୈତିକ ଓ ବ୍ୟବସାୟିକ ନେତୃବୃନ୍ଦ ତୁରନ୍ତ ପଦକ୍ଷେପ ଗ୍ରହଣ କରିବା ଆବଶ୍ୟକ ବୋଲି ଅକ୍ସଫାମ୍‌ ନିଜ ରିପୋର୍ଟରେ ଆହ୍ୱାନ ଦେଇଛି ।
ଡବ୍ଲ୍ୟୁଇଏଫ୍‌ ବୈଠକରେ ଭାଗ ନେବାକୁ ଥିବା ଅକ୍ସଫାମ୍‌ ଆନ୍ତର୍ଜାତିକ କାର୍ଯ୍ୟନିର୍ବାହୀ ନିର୍ଦ୍ଦେଶକ ୱିନି ବୟାନିମା କହିଛନ୍ତି, ଭାରତର ବର୍ଦ୍ଧିତ ସମ୍ପତ୍ତିର ବୃହତ ଅଂଶ ଅଳ୍ପ କିଛି ଧନୀଙ୍କ ନିକଟରୁ ଯାଉଛି । କିନ୍ତୁ ଏପାଖେ ଗରିବ ଲୋକ ଖାଇବା ପାଇଁ ବା ନିଜ ଛୁଆର ଔଷଧ ଖର୍ଚ୍ଚ ତୁଲାଇବାକୁ ସଂଘର୍ଷ କରୁଛି ।
ଯଦି ଭାରତର ୧% ଧନୀ ବ୍ୟକ୍ତି ଓ ବଳକା ଭାରତୀୟଙ୍କ ମଧ୍ୟରେ ଏଭଳି ଅସମାନତା ବଢ଼ିଚାଲିବ, ତେବେ ଦେଶର ସାମାଜିକ ଓ ଗଣତାନ୍ତ୍ରିକ ଢାଞ୍ଚା ସମ୍ପୂର୍ଣ୍ଣ ଭାଙ୍ଗି ପଡ଼ିବ ବୋଲି ବୟାନିମା କହିଛନ୍ତି ।
ଅକ୍ସଫାମ୍‌ ନିଜ ରିପୋର୍ଟରେ ଦର୍ଶାଇଛି, ଧୀରେ ଧୀରେ ସମ୍ପତ୍ତି ଗୋଟିଏ ସ୍ଥାନରେ ଏକତ୍ରୀକରଣ ହେବାରେ ଲାଗିଛି । ୨୦୧୭ରେ ଧନୀ ୪୪ ଜଣଙ୍କ ପାଖରେ ଥିବା ସମ୍ପତ୍ତି ମୂଲ୍ୟ ବିଶ୍ୱର ଅଧା ଗରିବଙ୍କ ସମ୍ପତ୍ତି ସହ ସମାନ ଥିଲା । ୨୦୧୮ରେ ଶ୍ରେଷ୍ଠ ୨୬ ଜଣ ଧନୀ ବ୍ୟକ୍ତିଙ୍କ ସମ୍ପତ୍ତି ମୂଲ୍ୟ ସହ ଅଧା ଗରିବଙ୍କ ସମ୍ପତ୍ତି ସମାନ ।
ବିଶ୍ୱର ସବୁଠୁ ଧନୀ ବ୍ୟକ୍ତି ତଥା ଆମାଜନ୍‌ ପ୍ରତିଷ୍ଠାତା ଜେଫ୍‌ ବେଜୋସ୍‌ଙ୍କ ସମ୍ପତ୍ତି ମୂଲ୍ୟ ବୃଦ୍ଧି ଘଟି ୧୧,୨୦୦ କୋଟି ଡଲାର ହୋଇଛି । ତାଙ୍କ ସମ୍ପତ୍ତିର ୧% ଅର୍ଥରେ ୧୧.୫ କୋଟି ବାସ କରୁଥିବା ଇଥିଓପିଆର ସମ୍ପୂର୍ଣ୍ଣ ସ୍ୱାସ୍ଥ୍ୟ ବଜେଟ୍‌ ସହ ସମାନ ।
ଭାରତର ଶୀର୍ଷ ୧୦ ଭାଗ ଧନୀ ବ୍ୟକ୍ତିଙ୍କ ପାଖରେ ମୋଟ୍‌ ଜାତୀୟ ସମ୍ପତ୍ତିର ୭୭.୪% ସମ୍ପତ୍ତି ରହିଛି । ତେବେ ଶୀର୍ଷ ୧% ଲୋକଙ୍କ ନିକଟରେ ଜାତୀୟ ସମ୍ପତ୍ତିର ୫୧.୫୩% ରହିଛି । ଅପରପକ୍ଷରେ ଭାରତର ନିମ୍ନଭାଗରେ ଥିବା ୬୦% ଲୋକଙ୍କ ନିକଟରେ ଜାତୀୟ ସମ୍ପତ୍ତିର ମାତ୍ର ୪.୮% ଅଛି । ସେହିଭଳି ଶୀର୍ଷ ୯ ଜଣ ଅରବପତିଙ୍କ ସମ୍ପତ୍ତି ମୂଲ୍ୟ ସହ ଗରିବ ୫୦%ଙ୍କ ସମ୍ପତ୍ତି ସମାନ ବୋଲି ଅକ୍ସଫାମ୍‌ ରିପୋର୍ଟରେ କୁହାଯାଇଛି ।
୨୦୧୮ରୁ ୨୦୨୨ ମଧ୍ୟରେ ଭାରତରେ ପ୍ରତିଦିନ ୭୦ ନୂଆ କୋଟିପତି ସୃଷ୍ଟିହେବେ ବୋଲି ଅକ୍ସଫାମ୍‌ ଇଣ୍ଡିଆ ସିଇଓ ଅମିତାଭ ବେହର କହିଛନ୍ତି ।
ରିପୋର୍ଟ କହୁଛି, ଗତବର୍ଷ ଭାରତ ୧୮ ଜଣ ନୂଆ ଅରବପତିଙ୍କୁ ଯୋଡ଼ିଥିଲା । ଏଥିସହ ମୋଟ୍‌ ଅରବପତିଙ୍କ ସଂଖ୍ୟା ୧୧୯କୁ ବଢ଼ିଛି । ସେମାନଙ୍କ ସମ୍ପତ୍ତି ମୂଲ୍ୟ ୪୦,୦୦୦ କୋଟି ଡଲାର ବା ୨୮ ଲକ୍ଷ କୋଟି ଟଙ୍କାକୁ ବୃଦ୍ଧି ଘଟିଛି ।