PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ଗୁଣି ସନ୍ଦେହ, ମା’,୪ ଛୁଆଙ୍କୁ ହତ୍ୟା

କୋଇଡା,୨୭ା୧(ଆପ୍ର): ଗୁଣିଗାରେଡ଼ି ସନ୍ଦେହରେ ସୁନ୍ଦରଗଡ଼ ଜିଲ୍ଲା କୋଇଡ଼ା ଥାନା ଅନ୍ତର୍ଗତ ବଡ଼ଇନ୍ଦ୍ରପୁର ଗ୍ରାମ କନ୍ଦାସାହିର ଏକ ଘର ଭିତରେ ମା’ ଓ ତାଙ୍କ ୪ ଜଣ ପିଲାଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଛି । ପ୍ରମାଣ ନଷ୍ଟ କରିବା ଲାଗି ହତ୍ୟାକାରୀମାନେ ମୃତ ଦେହଗୁଡ଼ିକୁ ନିକଟରେ ଥିବା ଏକ କୂଅରେ ଫିଙ୍ଗି ଦେଇଥିଲେ । ଏହି ହତ୍ୟାକାଣ୍ଡ ସମୟରେ ମୃତ ମହିଳାଙ୍କ ସ୍ୱାମୀ ଘରେ ନଥିଲେ । ଖବର ପାଇ ପୁଲିସ୍‌ କୂଅରୁ ୫ ଜଣଙ୍କ ମୃତ ଦେହ ଉଦ୍ଧାର କରିଥିଲା । ପୁଲିସ୍‌ ଘଟଣାର ତଦନ୍ତ କରି ୬ ଜଣଙ୍କୁ ଆଜି ସନ୍ଧ୍ୟାରେ ଗିରଫ କରିଛି । ଏହି ଘଟଣା ସମଗ୍ର ଜିଲ୍ଲାରେ ଚାଞ୍ଚଲ୍ୟ ଖେଳାଇ ଦେଇଛି ।
ବଡ଼ଇନ୍ଦ୍ରପୁର ଗ୍ରାମର ମାଙ୍ଗିରି ମୁଣ୍ଡା (୩୦) ପ୍ରଥମେ ଟାଙ୍ଗର ମୁଣ୍ଡାଙ୍କୁ ବିବାହ କରିଥିଲେ । ସେମାନଙ୍କର ଗୋଟିଏ ଝିଅ ତୁଳସୀ ଓରଫ ମାର ମୁଣ୍ଡା (୧୦) ଓ ଦୁଇ ପୁଅ ଟେକେଲ ମୁଣ୍ଡା (୮) ଏବଂ ଚାନର ମୁଣ୍ଡା (୪) ଥିଲେ । ବର୍ଷକ ତଳେ ଟାଙ୍ଗରଙ୍କ ମୃତ୍ୟୁ ଘଟିଥିଲା । ଦିଅର ସୁଦାମ ମୁଣ୍ଡାଙ୍କୁ ମାଙ୍ଗିରି ଦ୍ୱିତୀୟ ବିବାହ କରିଥିଲେ । ଦ୍ୱିତୀୟ ବିବାହ ପରେ ମାଙ୍ଗିରିଙ୍କ ଆଉ ଏକ ଝିଅ ହୋଇଥିଲା । ଯାହାର ନାମ ରାଇବାରୀ (୯ ମାସ) । ସୁଦାମ ଡମ୍ପର ଚଳାଇ ଯାହା ରୋଜଗାର କରନ୍ତି ସେଥିରେ ସେମାନଙ୍କ ପରିବାର ସୁରୁଖୁରୁରେ ଚଳୁଥିଲା । ଗୁରୁବାର ରାତିରେ ସୁଦାମ ଗାଡ଼ି ଚଳାଇବାକୁ ଯାଇଥିଲେ । ଶୁକ୍ରବାର ସକାଳେ ସେ ଘରକୁ ଫେରିଥିଲେ ଏବଂ ଘର ଭଙ୍ଗା ହୋଇଥିବା ଦେଖିବାକୁ ପାଇଥିଲେ । ଏପରିକି ଘର ଭିତରେ ରକ୍ତ ଛିଟା ମଧ୍ୟ ପଡ଼ିଥିଲା । ତାଙ୍କ ପତ୍ନୀ ଓ ପିଲାମାନେ ଘରେ ନଥିବାରୁ ସେମାନଙ୍କୁ ଏଣେତେଣେ ଖୋଜାଖୋଜି କରିଥିଲେ । ମାତ୍ର ପାଇନଥିଲେ । ଏହା ପରେ ସୁଦାମ ଏ ନେଇ କୋଇଡ଼ା ଥାନାରେ ଅଭିଯୋଗ କରିଥିଲେ ଯେ ତାଙ୍କ ପତ୍ନୀ ଓ ପିଲାମାନଙ୍କୁ କେହି ମାରି ଦେଇଛି । ଗତକାଲି ସକାଳେ ଥାନା ଅଧିକାରୀ ସୁଶାନ୍ତ ଦାଶ ସଦଳବଳେ ସାଇଣ୍ଟିଫିକ୍‌ ଟିମ୍‌ ଏବଂ ସନ୍ଧାନୀ କୁକୁର ସହ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ସନ୍ଧାନୀ କୁକୁର ସୁଦାମଙ୍କ ଘରୁ ପ୍ରାୟ ୧୫୦ ମିଟର ଦୂରରେ ଥିବା ଏକ କୂଅ ନିକଟକୁ ଆସିଥିଲା । କୂଅରେ ଢାଙ୍କୁଣି ପଡ଼ିଥିଲା । ଅଗ୍ନିଶମ ବିଭାଗକୁ ସୂଚନା ଦିଆଯାଇଥିଲା । ଅଗ୍ନିଶମ କର୍ମଚାରୀ ସେଠାରେ ପହଞ୍ଚି କୂଅରୁ ଢାଙ୍କୁଣି ବାହାର କରିବା ପରେ ଭିତରେ ମୃତ ଦେହ ପଡ଼ିଥିବା ଦେଖା ଯାଇଥିଲା । ଅଗ୍ନିଶମ କର୍ମଚାରୀ ଭିତରେ ପଶି ୫ ଜଣଙ୍କ ମୃତ ଦେହକୁ ଉଦ୍ଧାର କରି ଉପରକୁ ଆଣିଥିଲେ । ଏହି ଖବର ପାଇ ପଶ୍ଚିମାଞ୍ଚଳ ଡିଆଇଜି କବିତା ଜଲାନ, ରାଉରକେଲା ଏସ୍‌ପି ଡା. ଉମାଶଙ୍କର ଦାଶ, ବଣାଇଁ ଏସ୍‌ଡିପିଓ ଅବକାଶ ରାଉତରାୟ ଘଟଣା ସ୍ଥଳରେ ପହଞ୍ଚିଥିଲେ । ପୁଲିସ୍‌ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ଯେ ଗୁରୁବାର ରାତିରେ ଶାବଳ ଓ କୁରାଢ଼ିରେ ଏମାନଙ୍କୁ ହତ୍ୟା କରାଯିବା ପରେ ମୃତ ଦେହଗୁଡ଼ିକୁ ଟାଣି ଟାଣି ଆଣି କୂଅରେ ପକାଇ ଦେଇଥିଲେ । ଆଜି ଶବଗୁଡ଼ିକର ବ୍ୟବଚ୍ଛେଦ କରାଯାଇଛି । ଅପରପକ୍ଷରେ ଗୁଣିଗାରେଡ଼ି ସନ୍ଦେହରେ ଏହି ହତ୍ୟାକାଣ୍ଡ ହୋଇଥିବା ପୁଲିସ୍‌ ପ୍ରାଥମିକ ତଦନ୍ତରୁ ଜାଣିବା ପରେ ତନାଘନା ଚଳାଇଥିଲା । ୬ ଜଣଙ୍କୁ ଥାନାରେ ଅଟକ ରଖି ପଚରାଉଚରା ଚଳାଇବା ପରେ ସେମାନେ ହତ୍ୟା କରିଥିବା ସ୍ୱୀକାର କରିଛନ୍ତି । ସେହି ଗ୍ରାମରେ ରହୁଛନ୍ତି ଦେବରା ମୁଣ୍ଡା ଓ ସୁମି ମୁଣ୍ଡା । ସେମାନଙ୍କର ଦୁଇ ଝିଅ । ତାଙ୍କ ବଡ଼ ଝିଅ କିଛି ମାସ ତଳେ ମୃ୍‌ତ୍ୟୁବରଣ କରିଥିଲେ । ଉକ୍ତ ଗ୍ରାମରେ ରହୁଥିବା ଗୁଣିଆ ବୁଧୁରାମଙ୍କୁ ଦେବରା ଡାକି ତାଙ୍କ ଝିଅର ମୃତ୍ୟୁ ବିଷୟରେ ଜାଣିବାକୁ ପାଇଥିଲେ । ମାଙ୍ଗିରି ଜଣେ ଡାହାଣୀ ଓ ସେ ଗୁଣିଗାରେଡ଼ି କରୁଥିବାରୁ ଝିଅ ମୃତ୍ୟୁ ଘଟିଛି ବୋଲି ବୁଧୁରାମ କହିଥିଲେ । ୫ ଦିନ ତଳେ ତାଙ୍କ ସାନ ଝିଅର ଦେହ ଅସୁସ୍ଥ ହୋଇଥିଲା । ଏହା ପରେ ମାଙ୍ଗିରି ଓ ତାଙ୍କ ପରିବାରକୁ ରାସ୍ତାରୁ ହଟାଇବା ଲାଗି ଦେବରା ନିଷ୍ପତ୍ତି ନେଇଥିଲେ । ଗୁରୁବାର ରାତିରେ ସୁଦାମ ଘରେ ନଥିବା ବେଳେ ଦେବରାଙ୍କ ନିର୍ଦ୍ଦେଶରେ କିସ୍ତି ଓରଫ ରାଜୁ ମୁଣ୍ଡା, ସାଲୁ ମୁଣ୍ଡା, ଦଗମ ମୁଣ୍ଡା, ମୋଟୁ ମୁଣ୍ଡା ସୁଦାମ ଘରକୁ ଯାଇ ସେଠାରେ ମାଙ୍ଗିରି ଓ ତାଙ୍କ ୪ ଛୁଆଙ୍କୁ ହତ୍ୟା କରିବା ପରେ କୂଅରେ ଶବଗୁଡ଼ିକୁ ଫିଙ୍ଗି ଦେଇଥିଲେ । ପୁଲିସ୍‌ ଆଜି ସନ୍ଧ୍ୟାରେ ଉକ୍ତ ୪ ଜଣଙ୍କ ସମେତ ଦେବରା ଏବଂ ବୁଧୁରାମଙ୍କୁ ଗିରଫ କରିଛି । ଆସନ୍ତାକାଲି ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ଜଣାପଡ଼ିଛି ।