PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ବିଶ୍ୱ ଧନୀ ତାଲିକା : ୬ ନମ୍ବରକୁ ଖସିଗଲେ ମୁକେଶ ଅମ୍ବାନି

ନୂଆଦିଲ୍ଲୀ,୧୯।୮: ବିଶ୍ୱର ଶ୍ରେଷ୍ଠ ୧୦ ଧନୀ ତାଲିକାରେ ମୁକେଶ ଅମ୍ବାନି ୬ ନମ୍ବରକୁ ଖସି ଆସିଛନ୍ତି । କିଛି ଦିନ ତଳେ ସେ ଚତୁର୍ଥ ସ୍ଥାନରେ ପହଞ୍ଚି ଯାଇଥିଲେ । ରିଲାଏନ୍ସ ଇଣ୍ଡଷ୍ଟ୍ରିଜ୍‌ ଲିମିଟେଡ(ଆର୍‌ଆଇଏଲ୍‌)ର ସେୟାର ମୂଲ୍ୟ ଖସିବା ଫଳରେ ଏସିଆର ସବୁଠାରୁ ଧନୀ ବ୍ୟକ୍ତି ମୁକେଶଙ୍କ ସମ୍ପତ୍ତିରେ ହ୍ରାସ ଘଟିଛି । ଏବେ ତେସ୍‌ଲାର ଏଲନ୍‌ ମସ୍କ ବିଶ୍ୱର ଚତୁର୍ଥ ଶ୍ରେଷ୍ଠ ଧନୀ ପାଲଟିଛନ୍ତି ।

ବ୍ଲୁମ୍‌ବର୍ଗ ବିଲିୟନେୟାର ସୂଚୀ ଅନୁସାରେ, ୭୮୮୦ କୋଟି ଡଲାର ନେଟ୍‌ ସମ୍ପତ୍ତି ସହ ମୁକେଶ ଅମ୍ବାନି ବିଶ୍ୱର ଷଷ୍ଠ ଧନୀ ବ୍ୟକ୍ତି । ଏହି ସୂଚୀ ଅନୁସାରେ ୧୮୮୦୦ କୋଟି ଡଲାର ନେଟ୍‌ ସମ୍ପତ୍ତି ସହ ଆମାଜନ୍‌ ସହ-ପ୍ରତିଷ୍ଠାତା ଜେଫ୍‌ ବେଜୋସ୍‌ ବିଶ୍ୱର ସବୁଠାରୁ ଧନୀ ବ୍ୟକ୍ତି । ଏ ବର୍ଷ ବେଜୋସ୍‌ଙ୍କ ସମ୍ପତ୍ତିରେ ବର୍ତ୍ତମାନ ସୁଦ୍ଧା ୭୩୦୦ କୋଟି ଡଲାର ବୃଦ୍ଧି ଘଟିଛି । ଏହି ସୂଚୀରେ ୧୨୧୦୦ କୋଟି ଡଲାର ନେଟ୍‌ ସମ୍ପତ୍ତି ସହ ମାଇକ୍ରୋସଫ୍ଟ ସହ-ପ୍ରତିଷ୍ଠାତା ବିଲ୍‌ ଗେଟ୍‌ସ ଦ୍ୱିତୀୟ ସ୍ଥାନରେ ଏବଂ ୯୯୦୦ କୋଟି ଡଲାର ନେଟ୍‌ ସମ୍ପତ୍ତି ସହ ଫେସ୍‌ବୁକ୍‌ ସିଇଓ ମାର୍କ ଜୁକ୍କରବର୍ଗ ତୃତୀୟ ସ୍ଥାନରେ ଅଛନ୍ତି ।

ଗତ ୪ଟି କାରବାର ଦିବସରେ ରିଲାଏନ୍ସର ସେୟାର ମୂଲ୍ୟରେ କ୍ରମାଗତ ଭାବେ ହ୍ରାସ ଘଟିଛି । ଫଳରେ ମୁକେଶଙ୍କ ସମ୍ପତ୍ତି ସଙ୍କୁଚିତ ହୋଇଛି । ତେସ୍‌ଲା ଏବଂ ସ୍ପେସ୍‌ଏକ୍ସ ସିଇଓ ଏଲନ୍‌ ମସ୍କ ୮୪୮୦ କୋଟି ଡଲାର ନେଟ୍‌ ସମ୍ପତ୍ତି ସହ ଚତୁର୍ଥ ସ୍ଥାନକୁ ଚାଲ ଆସିଛନ୍ତି । ଦିନକରେ ତାଙ୍କ ସମ୍ପତ୍ତିରେ ପାଖାପାଖି ୮୦୦ କୋଟି ଡଲାର ବୃଦ୍ଧି ଘଟିଛି । ସୋମବାର ୱାଲ୍‌ ଷ୍ଟ୍ରିଟ୍‌ରେ ତେସ୍‌ଲା ସେୟାର ମୂଲ୍ୟରେ ୧୧% ବୃଦ୍ଧି ଘଟିଥିଲା । ତାଲିକାରେ ପଞ୍ଚମ ସ୍ଥାନରେ ବର୍ଣ୍ଣାର୍ଡ ଅର୍ଣ୍ଣଲ୍ଟ ରହିଛନ୍ତି । ତାଙ୍କ ସମ୍ପତ୍ତି ପରିମାଣ ୮୪୬୦ କୋଟି ଡଲାର ରହିଛି ।