PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜାମ୍ମୁ କାଶ୍ମୀର : ସୁରକ୍ଷାବାହିନୀକୁ ବଡ଼ ସଫଳତା, ୩ ଆତଙ୍କୀ ନିପାତ, ଭୟରେ ଜଣେ ଆତଙ୍କବାଦୀ କଲା ଆତ୍ମସମର୍ପଣ
  • ||
  • ଭୁବନେଶ୍ଵର : ତାତିରୁ ମିଳିଛି ସାମାନ୍ୟ ଆଶ୍ଵସ୍ତି, ଖସିଛି ପାରଦ, ୯ ଯାଏଁ କାଳବୈଶାଖୀ ସମ୍ଭାବନା
  • ||
  • ତାଳଚେର : ଅନୁଗୁଳ ତଳଗଡ଼ ଗ୍ରାମରେ ହାତୀ ଆକ୍ରମଣରେ ଜଣେ ମହିଳା ମୃତ
  • ||

ଦିଲ୍ଲୀ ଓ ମୁମ୍ବାଇରେ ଆତଙ୍କବାଦୀ ଆକ୍ରମଣ ଆଶଙ୍କା, ବଢାଗଲା ମେଟ୍ରୋର ସୁରକ୍ଷା

ନୂଆଦିଲ୍ଲୀ,୨୮।୨: ବାଲକୋଟରେ ଜୈସ-ଏ-ମହମ୍ମଦର କ୍ୟାମ୍ପ ଓ ଲଞ୍ଚର ପ୍ୟାଡ୍ ଉପରେ କାର୍ଯ୍ୟାନୁଷ୍ଠାନ ପରେ ପାକିସ୍ତାନ ଏବେ ପ୍ରତିଶୋଧ ପରାୟଣ ହୋଇଉଠିଛି। ପାକିସ୍ତାନ ଆତଙ୍କବାଦୀଙ୍କ ଦମରେ ଭାରତ ଉପରେ ଆକ୍ରମଣ ଷଡଯନ୍ତ୍ର କରୁଛି। ଏହା ମଧ୍ୟରେ ଆତଙ୍କବାଦୀଙ୍କ ବିପଦ ଦେଖି ମୁମ୍ବାଇ ଓ ରାଜଧାନୀ ଦିଲ୍ଳୀରେ ସୁରକ୍ଷା ବ୍ୟବସ୍ଥାକୁ କଡା କଡି କରିଦିଆଯାଇଛି। ମୁମ୍ବାଇ ମେଟ୍ରୋକୁ ସତର୍କ କରିଦିଆଯାଇଛି। ବିପଦ ଦେଖି ମୁମ୍ବାଇ ମେଟ୍ରୋର ସୁରକ୍ଷା ବଢାଇ ଦିଆଯାଇଛି। ସେଭଳି ଦିଲ୍ଳୀରେ ମଧ୍ୟ ସୁରକ୍ଷା ବ୍ୟବସ୍ଥା ବଢାଇ ଦିଆଯାଇଛି। ଦିଲ୍ଳୀର ସମସ୍ତ ଯାନବାହାନକୁ ଚେକ୍ କରାଯାଉଛି। ଦିଲ୍ଳୀ ପୋଲିସର ଯବାନ ଅସ୍ତ୍ରଶସ୍ତ୍ର ଧରି ପ୍ରହରା ଦେଉଛନ୍ତି। ଦିଲ୍ଳୀର ସିନ୍ଧୁ ବର୍ଡରରେ ପଞ୍ଜାବ ଓ ଜମ୍ମୁ-କଶ୍ମୀରରୁ ଆସୁଥିବା ସମସ୍ତ ଗାଡିର ଚେକିଂ ପରେ ଦିଲ୍ଳୀ ଯିବାକୁ ଅନୁମତି  ଦିଆଯାଉଛି।  ପୋଲିସ ଦିଲ୍ଳୀର ସମସ୍ତ ସୀମାରେ କଡା ସୁରକ୍ଷା ବ୍ୟବସ୍ଥା ଲାଗୁ କରିଦେଇଛନ୍ତି। ଦିଲ୍ଲୀ ମେଟ୍ରୋକୁ ମଧ୍ୟ ରେଡ୍ ଆଲର୍ଟ କରିଦିଆଯାଇଛି। ଏହି ଆଲର୍ଟ ପରେ ଏବେ ସମସ୍ତ ମେଟ୍ରୋ ​ ଷ୍ଟେସନର ନିୟନ୍ତ୍ରଣକୁ ପ୍ରତି ୨ ଘଣ୍ଟାରେ ସମ୍ପୂର୍ଣ୍ଣ ଷ୍ଟେସନ୍ ସହିତ କାର ପାର୍କିଂ ଏରିଆର ଯାଞ୍ଚ କରିବାକୁ ହେବ। କିଛି ସନ୍ଦିଗ୍ଧ ଲାଗିଲେ କନଟ୍ରୋଲ ସେଣ୍ଟରକୁ ଏହାର ସୂଚନା ଦିଆଯିବ।