PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶଦ୍ରୋହୀ ୟାସିନ ମଲିକକୁ ଆଜୀବନ ଜେଲ, ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ମାମଲାରେ କୋର୍ଟ ଶୁଣାଇଲେ ଦଣ୍ଡାଦେଶ
  • ||
  • ସମ୍ୱଲପୁର : ଭବାନୀପାଲି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା , ଟ୍ରକ୍ ଧକ୍କାରେ ୩ ବାଇକ୍ ଆରୋହୀଙ୍କ ମୃତ୍ୟୁ , ମୃତକଙ୍କ ପରିଚୟ ମିଳନାହିଁ
  • ||
  • କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ୬ ମୃତ୍ୟୁ ଘଟଣା, ଏଣିକି କଳିଙ୍ଗା ଘାଟି ଦେଇ ଯାଇପାରିବ ନାହିଁ ଟୁରିଷ୍ଟ ବସ୍ , ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ସୂଚନା
  • ||
  • ଝାରସୁଗୁଡ଼ା : ଝାରସୁଗୁଡ଼ାରୁ ପ୍ରାୟ ୧୭ ଗ୍ରାମ୍‌ର ବ୍ରାଉନସୁଗର ଜବତ, ୩ ଗିରଫ
  • ||
  • ଜଳେଶ୍ଵର : ପାର୍କିଂ କରୁଥିବା ବେଳେ ଚଢିଗଲା ଟ୍ରକ୍, ହେଲ୍‌ପର୍ ମୃତ
  • ||
  • କଂଗ୍ରେସକୁ ଝଟକା, ସମାଜବାଦୀ ପାର୍ଟି ଟିକେଟରୁ ନାମାଙ୍କନ ପତ୍ର ଦାଖଲ କଲେ କପିଲ ସିବଲ
  • ||
  • ସମ୍ବଲପୁର : ହୀରାକୁଦରୁ ଛଡ଼ାଯିବ ପ୍ରଥମ ବନ୍ୟାଜଳ, ତଳ ମୁଣ୍ଡର ୧୨ ଜିଲ୍ଲାକୁ ସତର୍କ ସୂଚନା ଜାରି
  • ||
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ସ୍କୃ ଡ୍ରାଇଭର ଭୁସି ହତ୍ୟା

ଭୁବନେଶ୍ୱର,୨ା୩(ବ୍ୟୁରୋ): ପୁଣି ରକ୍ତରଞ୍ଜିତ ହୋଇଛି ରାଜଧାନୀ ଭୁବନେଶ୍ୱର । ବରମୁଣ୍ଡା ଓଭରବ୍ରିଜ୍‌ ତଳେ ଘଟିଛି ହତ୍ୟାକାଣ୍ଡ । ଯୁବକଙ୍କ ପେଟରେ ସ୍କୃ ଡ୍ରାଇଭର (ପେଚକସ୍‌) ଭୁସି ହତ୍ୟା କରିଛନ୍ତି ଦୁର୍ବୃତ୍ତ । ହତ୍ୟାର ଶିକାର ହୋଇଛନ୍ତି ଖଣ୍ଡଗିରି ଥାନା ଅଧୀନ ତପୋବନ ବସ୍ତିର ଶିବ ଶଙ୍କର ଗଉଡ (୧୯) । ଆକ୍ରମଣରେ ତାଙ୍କ ସାଙ୍ଗ ଲିଙ୍ଗରାଜ ରେଡ୍ଡି ମଧ୍ୟ ଗୁରୁତର ଆହତ ହୋଇଛନ୍ତି । ପୂର୍ବ ଶତ୍ରୁତାକୁ କେନ୍ଦ୍ରକରି ଶିବଙ୍କୁ ହତ୍ୟା କରାଯାଇଥିବା ଖଣ୍ଡଗିରି ଥାନା ପୁଲିସ୍‌ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ।
ମିଳିଥିବା ସୂଚନା ମୁତାବକ, ଶିବଙ୍କ ନିଜ ଘର ଗଞ୍ଜାମ ଚାରିଛକରେ । ସପରିବାରେ ସେ ଖଣ୍ଡଗିରି ଥାନା ଅଧୀନ ତପୋବନ ବସ୍ତିରେ ରହୁଥିଲେ । ଶିବ ଓ ଲିଙ୍ଗରାଜ ଉଭୟ ରଙ୍ଗମିସ୍ତ୍ରୀ । ଠିକାଦାରଙ୍କ ଠାରୁ ପାଉଣା ଆଣିବା ପାଇଁ ଆଜି ରାତି ସାଢ଼େ ୮ଟା ବେଳେ ଉଭୟ ବସ୍ତିରୁ ଏକ ବାଇକ୍‌ରେ ବରମୁଣ୍ଡା ଯାଉଥିଲେ । ବରମୁଣ୍ଡା ଓଭରବ୍ରିଜର ସର୍ଭିସ ରୋଡ୍‌କୁ ଗଡ଼ିବା ବେଳେ ୫-୬ ଜଣ ଦୁର୍ବୃତ୍ତ ଉଭୟଙ୍କ ବାଇକ୍‌ ଅଟକାଇଥିଲେ । ପରେ ଉଭୟଙ୍କୁ ନିସ୍ତୁକ ପିଟିଥିଲେ । ଏହାପରେ ସେମାନେ ଶିବଙ୍କୁ ନାଳକଡ଼କୁ ଭିଡି ନେଇ ପେଟରେ ସ୍କୃ ଡ୍ରାଇଭର ପୂରାଇ ଦେଇଥିଲେ । ଶିବ ଛଟପଟ ହେବା ଦେଖି ଦୁର୍ବୃତ୍ତମାନେ ଘଟଣାସ୍ଥଳରୁ ଖସି ପଳାଇଥିଲେ । ବସ୍‌ଷ୍ଟାଣ୍ଡକୁ ଯାଉଥିବା ଏକ ବସ୍‌କୁ ଅଟକାଇ ଲିଙ୍ଗରାଜ ଘଟଣା ସମ୍ପର୍କରେ କହିଥିଲେ । ଖଣ୍ଡଗିରି ଥାନା ପୁଲିସ ଘଟଣାସ୍ଥଳରେ ପହଞ୍ଚି ଶିବ ଓ ଲିଙ୍ଗରାଜଙ୍କୁ କ୍ୟାପିଟାଲ ହସ୍ପିଟାଲ ନେଇଥିଲା । ହେଲେ ଶିବଙ୍କ ଅଧାବାଟରେ ପ୍ରାଣ ଚାଲି ଯାଇଥିଲା । ପୁଲିସ ଘଟଣାସ୍ଥଳରେ ଖୋଳତାଡ଼ ଆରମ୍ଭ କରିଛି । ଶୁକ୍ରବାର ରାତିରେ ବରମୁଣ୍ଡା ଏକ ହୋଟେଲ୍‌ରେ ଖାଇବା ବେଳେ କିଛି ଯୁବକଙ୍କ ସହ ଆମର ଝଗଡ଼ା ହୋଇଥିବା ଲିଙ୍ଗରାଜ କହିଛନ୍ତି । ସେହି ଯୁବକମାନେ ରାଗ ସୁଝାଇବା ପାଇଁ ଆକ୍ରମଣ କରିଥିବା ପୁଲିସ ସନ୍ଦେହ କରୁଛି ।