PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ଗୋଷ୍ଠୀ ସଂକ୍ରମଣ ମୁହାଁ ଓଡ଼ିଶା, ସାମାନ୍ୟ ଲକ୍ଷଣ ଥିଲେ ଟେଷ୍ଟ କରନ୍ତୁ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଚଣ୍ଡିଖୋଲ: ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର୍
  • ||
  • ଢେଙ୍କାନାଳ :ଢେଙ୍କାନାଳ ସିଭିଲ କୋର୍ଟକୁ ସିଲ , ୧୦ରୁ ଅଧିକ କର୍ମଚାରୀ ସଂକ୍ରମିତ ଚିହ୍ନଟ ପରେ ମାଇକ୍ରୋ କଣ୍ଟେନମେଣ୍ଟ ଘୋଷଣା କଲା ପୌରପ୍ରଶାସନ
  • ||
  • ଭୁବନେଶ୍ଵର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଦଶମ ଓ ଦ୍ଵାଦଶ ପରୀକ୍ଷା ପାଇଁ ପ୍ରସ୍ତୁତ ରୁହ : ଗଣଶିକ୍ଷା ମନ୍ତ୍ରୀ
  • ||
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ସାମ୍ପ୍ରଦାୟିକ ସଦ୍‌ଭାବର ନମୁନା ରଖିଲେ ମୁସ୍‌ଲିମ୍‌ ଯୁବକ

ବରଗଡ଼,୨୮ା୧(ଆପ୍ର): ଦୁନିଆରେ ସ୍ୱେଚ୍ଛାସେବୀ କି ମାନବସେବାକୁ ମାଧବ ସେବା ଭାବୁଥିବା ଲୋକଙ୍କ ଅଭାବ ନଥିଲେ ବି ସାମ୍ପ୍ରଦାୟିକ ସଦ୍‌ଭାବର ନମୁନା ରଖିଥିବା ବରଗଡ଼ ଜମାଲୁଦ୍ଦିନ ପଡ଼ାର ଯୁବକଙ୍କ ସ୍ୱେଚ୍ଛାସେବା ଆଜି ଅନ୍ୟମାନଙ୍କ ପାଇଁ ପ୍ରେରଣାଦାୟୀ ହୋଇଛି । ବିଜୁ ଯୁବବାହିନୀର ସକ୍ରିୟ ସଦସ୍ୟ ଏହି ମୁସଲିମ ସମ୍ପ୍ରଦାୟର ଯୁବକମାନେ ଜଣେ ହିନ୍ଦୁ ବୃଦ୍ଧା ମାଉସୀଙ୍କୁ କାନ୍ଧ ଦେବା ଘଟଣା ସାମ୍ପ୍ରଦାୟିକ ଏକତାର ନିଦର୍ଶନ ପାଲଟିଛି । ପଡ଼ାର ଜଣେ ଅନାଥ ମହିଳାଙ୍କୁ କାନ୍ଧ ଦେଇ ବରଗଡ଼ ପୌରାଞ୍ଚଳର ୱାର୍ଡ଼ ନଂ୭ ସ୍ଥିତ ଜମାଲୁଦ୍ଦିନ ପଡ଼ାର ଶେକ ସବଦର ଓ ତାଙ୍କ ସହଯୋଗୀ ଆଜି ସୁନାଥ ହୋଇପାରିଛନ୍ତି ।
ସମସ୍ତଙ୍କ ମାଉସୀ ଭାବେ ପରିଚିତ ଜମାଲୁଦ୍ଦିନ ପଡ଼ାର ଜଣେ ବିଧବା ବୃଦ୍ଧା ଇଚ୍ଛା ଦାସ (୭୭)ଙ୍କ ଆଜି ପରଲୋକ ହୋଇଥିଲା । ମୃତକଙ୍କ କେହି ଉତ୍ତରାଧିକାରୀ ନଥିବାରୁ ଜମା ହୋଇଥିବା ପଡ଼ାବାସୀଙ୍କ ମଧ୍ୟରେ ତାଙ୍କର ଅନ୍ତ୍ୟେଷ୍ଟି ହିଁ ମୁଖ୍ୟ ସମସ୍ୟା ଭାବେ ଛିଡ଼ା ହୋଇଥିଲା । ହେଲେ ସମସ୍ତ ଶଙ୍କା ଓ କଳ୍ପନା ଜଳ୍ପନାରେ ଗାରଟାଣିଥିଲେ ବିଜୁ ଯୁବବାହିନୀର ସ୍ଥାନୀୟ ଯୁବ ବ୍ୟବସାୟୀ ଶେଖ ସବଦର ଓ ସାଥୀ । ମାଉସୀଙ୍କୁ କାନ୍ଧ ଦେବାକୁ ଆଗେଇ ଆସି ଆନୁଷଙ୍ଗିକ ଯୋଗାଡ଼ ସହ ଜୀରାନଦୀ କୂଳକୁ ବୋହି ନେଇ ଅନ୍ତିମ ସତ୍କାର କରିଥିଲେ । ମୁସଲମାନ ଯୁବକମାନଙ୍କ ଦ୍ୱାରା ଜଣେ ହିନ୍ଦୁ ମହିଳାଙ୍କ ଶବ ବୋହିବା ସହ ହିନ୍ଦୁ ରୀତିନୀତି ମୁତାବକ ଅନ୍ତ୍ୟେଷ୍ଟି ସମ୍ପନ୍ନ କରିବା ଘଟଣା ଚର୍ଚ୍ଚାର ବିଷୟ ପାଲଟିଛି । ସବଦର ଓ ସାଥୀ ସାହିଦ ଖାନ, ଏମ୍‌ଡି ସଦାଫ, ଅଭି, ସୋନୁ, ଆକ୍ରମ, ରାଜୀବ, କେବାଲ, ସବର, ଆଜାଦ, ମନ୍ନୁ, ହୁସେନ ପ୍ରମୁଖଙ୍କ ନିକଟକୁ ପ୍ରଶଂସାର ସୁଅ ଛୁଟୁଛି । ବରଗଡ଼ ବିଧାୟକ ଦେବେଶ ଆଚାର୍ଯ୍ୟଙ୍କ ସମେତ ପୂର୍ବତନ ନଗରପାଳ ପ୍ରଶାନ୍ତ କୁମାର ବେହେରା, କିଶୋର ମିଶ୍ର ତଥା ବିଜେଡିର ବହୁ ନେତୃବୃନ୍ଦ ମଧ୍ୟ ବିଜୁ ଯୁବବାହିନୀର ଏତାଦୃଶ ସମାଜସେବା କାର୍ଯ୍ୟର ପ୍ରଶଂସା କରିଛନ୍ତି ।
ସୂଚନାଯୋଗ୍ୟ, ଅନୁଗୁଳରୁ ଆସି କେଉଁ କାଳରୁ ଜମାଲୁଦ୍ଦିନ ପଡ଼ାରେ ରହିଯାଇଥିବା ଇଚ୍ଛା ଦାସଙ୍କ ସ୍ୱାମୀଙ୍କୁ ହରାଇଲା ପରେ ତାଙ୍କ ପୁତୁରାମାନେ ଆସି ନେଇଯାଇଥିଲେ । ମାତ୍ର ଜମାଲୁଦ୍ଦିନ ପଡ଼ାବାସୀଙ୍କ ସ୍ନେହପୂର୍ଣ୍ଣ ମାଉସୀ ଡାକ ସହ ଭାବର ବନ୍ଧନକୁ ଏଡ଼ାଇ ନପାରି ନିଃସନ୍ତାନ ଇଚ୍ଛା ପୁଣି ଫେରିଆସିଥିଲେ ଏବଂ ଚଣାମୁଢ଼ି ବିକ୍ରି କରି ପେଟପାଟଣା କରୁଥିଲେ । ୧୫ ଦିନ ତଳେ ଡିବିରିରେ ପୋଡ଼ି ହୋଇ ଗୁରୁତର ଅବସ୍ଥାରେ ବରଗଡ଼ ଡାକ୍ତରଖାନାରେ ଚିକିତ୍ସା ହେଉଥିବା ସମୟରେ ସବଦର ଓ ସାଥୀ ତାଙ୍କ ସେବାଶୁଶ୍ରୁଷା କରିଆସୁଥିଲେ । ଦେହାନ୍ତ ପରେ ଆଜି କାନ୍ଧ ଓ ମାଟି ମଧ୍ୟ ଦେଇଥିଲେ ।