PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇସ୍ତଫା ଦେଲେ ଦିଲ୍ଲୀ ଉପରାଜ୍ୟପାଳ ଅନୀଲ ବୈଜଲ, ରାଷ୍ଟ୍ରପତିଙ୍କୁ ପଠାଇଲେ ଇସ୍ତଫା ପତ୍ର
  • ||
  • ଜ୍ଞାନବାପୀ ମସଜିଦ ବିବାଦ: ଶିବ ଲିଙ୍ଗକୁ ନେଇ ଆପତ୍ତିଜନକ ମନ୍ତବ୍ୟ ପଡିଲା ମହ‌ଙ୍ଗା, AIMIM ନେତା ଦାନିଶ କ୍ୟୁରେସୀ ଗିରଫ
  • ||
  • ଦେବଗଡ଼ : ମଦ ନିଶାରେ ଭୁଲିଗଲା ରକ୍ତ ସମ୍ପର୍କ, ଜନ୍ମକଲା ପୁଅକୁ କଟୁରୀରେ ହାଣି ହତ୍ୟାକଲା ସଇତାନ ବାପା
  • ||
  • ଭୁବନେଶ୍ଵର : ତିର୍ତ୍ତୋଲ ବିଧାୟକଙ୍କ କୋର୍ଟ ମ୍ୟାରେଜ୍‌କୁ ନେଇ ପରିବାରରେ ଅସନ୍ତୋଷ, ଆତ୍ମହତ୍ୟା ଉଦ୍ୟମ କଲେ ବିଜୟଙ୍କ ମାଆ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ଵର : ବରମୁଣ୍ଡା ତ୍ରିନାଥ ମନ୍ଦିର ନିକଟରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
  • ||
  • ପୁରୀ : ଜୀବନ ନେଲା ମୁକୁଳା ଡ୍ରେନ୍ ! ପୁରୀ ବଡଦାଣ୍ଡ ନାଳରୁ ଯୁବକଙ୍କ ମୃତଦେହ ଉଦ୍ଧାର
  • ||
  • କଟକ : ପାଣି ଟାଙ୍କି ତଳୁ ଯୁବତୀଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||

ପୁରୀରେ ଶିଶୁକନ୍ୟାକୁ ଦୁଷ୍କର୍ମ ମାମଲା: ଅଭିଯୁକ୍ତ ମହେଶକୁ ଖୋଜୁଛି ପୋଲିସ, ଆଜି ହସ୍ପିଟାଲରୁ ଡିସ୍‌ଚାର୍ଜ ହେବ ନାବାଳିକା

ପୁରୀ,୨୫/୦୧: ପୁରୀ ଟାଉନ୍‌ ଥାନା ଇଲାକାରେ ଜଣେ ଶିଶୁକନ୍ୟାକୁ ଦୁଷ୍କର୍ମ ମାମଲାରେ ଏଯାଏଁ ଧରାପଡ଼ିନି ଅଭିଯୁକ୍ତ । ୫ ବର୍ଷର ଶିଶୁକନ୍ୟାକୁ ଦୁଷ୍କର୍ମ ୪୮ ଘଣ୍ଟା ପରେ ବି ହାତ ଖାଲି । ତଥାପି ପୁଲିସ ଅଭିଯୁକ୍ତ ମହେଶ ମହାନ୍ତି (୩୫)କୁ ଖୋଜି ପାଇବାରେ ଅସମର୍ଥ ହୋଇଛି । ଏସ୍‌ପିଙ୍କ ଦ୍ୱାରା ଗଠିତ ୪ଟି ସ୍ୱତନ୍ତ୍ର ପୁଲିସ ଟିମ୍‌ ବିଭିନ୍ନ ସ୍ଥାନରେ ଚଢ଼ଉ କରି ନାକେଦମ୍‌ ହେଲେଣି ।

ସେପଟେ ପୀଡ଼ିତାର ସ୍ୱାସ୍ଥ୍ୟାବସ୍ଥାରେ ପରିବର୍ତ୍ତନ ଘଟିଛି । ସୋମବାର ଟାଉନ୍‌ ଥାନା ପୁଲିସ ଏସ୍‌ସିବି ମେଡିକାଲ୍‌ ଯାଇ ପୀଡ଼ିତା ଶିଶୁକୁ ଭେଟିଛି । ୨ ଦିନ ମଧ୍ୟରେ ବିଭିନ୍ନ ପରୀକ୍ଷା କରିଛନ୍ତି ଡାକ୍ତର । ପୀଡ଼ିତାର ଆଭ୍ୟନ୍ତରୀଣ କ୍ଷତ ନଥିବା ଜଣାପଡ଼ିଛି ବୋଲି ପୁଲିସ କହିଛି । ତେଣୁ ଶିଶୁ ଏବେ ସୁସ୍ଥ ଥିବା ଜଣାପଡ଼ିଛି । ମଙ୍ଗଳବାର ଶିଶୁକୁ ଡିସ୍‌ଚାର୍ଜ କରାଯିବ ବୋଲି କହିଛନ୍ତି ଆଇଆଇସି ଗୋକୁଳ ରଞ୍ଜନ ଦାସ ।

କିନ୍ତୁ ଅଭିଯୁକ୍ତ ଫେରାର୍‌ ରହି ପୁଲିସକୁ ନାକେଦମ୍‌ କରିଛି । ପୁଲିସ ୪ଟି ଟିମ୍‌ କରି ବିଭିନ୍ନ ସ୍ଥାନରେ ଚଢ଼ଉ ଜାରି ରଖି ବି ସନ୍ଧାନ ପାଉନି । ସୋମବାର ଗୋଟିଏ ଟିମ୍‌ ସହରରେ ରହି ସ୍ଥାନୀୟ ଅଞ୍ଚଳରେ ନଜର ରଖିଥିବାବେଳେ ଅନ୍ୟ ୩ଟି ଟିମ୍‌ କୋଣାର୍କ, ବ୍ରହ୍ମଗିରି ଓ ପାରାଦୀପରେ ଚଢ଼ଉ କରିଥିବା ସୂଚନା ମିଳିଛି । ମହେଶ ସହ ସିଧାସଳଖ ଯୋଗାଯୋଗ ବିଚ୍ଛିନ୍ନ ହୋଇଥିବାରୁ ପୁଲିସ ତା’ର ସମସ୍ତ ଲିଙ୍କ୍‌କୁ ନିଜ ଅକ୍ତିଆର୍‌କୁ ନେଇଛି ।

ସୂଚନାଯୋଗ୍ୟ, ଶିଶୁକନ୍ୟାର ପରିବାର ରହୁଥିବା ଭଡ଼ାଘର କ୍ୟାମ୍ପସ୍‌ରେ ପୂର୍ବରୁ ରହୁଥିଲା ମହେଶ । ତେଣୁ ପୀଡ଼ିତା ପରିବାର ସହ ମହେଶ ପରିଚିତ ଥିଲା । ରବିବାର ପୂର୍ବାହ୍ଣରେ ପୀଡ଼ିତା ଘରକୁ ଯାଇଥିଲା ମହେଶ । ଶିଶୁକୁ ନେଇ ଛାତ ଉପରେ ବଳାତ୍କାର କରିଥିବା ଅଭିଯୋଗ ହୋଇଥିଲା । ଗୁରୁତର ଆହତ ଅବସ୍ଥାରେ ପରିବାର ଲୋକେ ଶିଶୁକୁ ଡାକ୍ତରଖାନାରେ ଭର୍ତ୍ତି କରିଥିବାବେଳେ ଫେରାର୍‌ ହୋଇଯାଇଥିଲା ମହେଶ ।