PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ସେମିରେ ନାଦାଲ, ଭିଟୋଭା

ମେଲ୍‌ବୋର୍ଣ୍ଣ, ୨୨ା୧(ଏଜେନ୍ସି):ଚଳିତ ଅଷ୍ଟ୍ରେଲିଆନ୍‌ ଓପନ୍‌ ଗ୍ରାଣ୍ଡସ୍ଲାମରେ ପ୍ରସିଦ୍ଧ ଖେଳାଳି ରାଫେଲ ନାଦାଲଙ୍କ ଆଧିପତ୍ୟ ଜାରି ରହିଛି । ସବୁ ଯୁବ ଖେଳାଳିଙ୍କୁ ପଛରେ ପକାଇ ନାଦାଲ ସେମି ଫାଇନାଲ୍‌ରେ ପ୍ରବେଶ କରିଛନ୍ତି । ଅନ୍ୟମାନଙ୍କ ମଧ୍ୟରେ ଡିଫେଣ୍ଡିଂ ଚାମ୍ପିଅନ୍‌ ରୋଜର ଫେଡେରରଙ୍କୁ ହରାଇଥିବା ଚର୍ଚ୍ଚିତ ଗ୍ରୀସ୍‌ ଖେଳାଳି ଷ୍ଟିଫାନସ ସିସିପାସ୍‌ ସେମିରେ ସ୍ଥାନ ପକ୍କା କରିଥିବା ବେଳେ ମହିଳା ବର୍ଗରେ ପେଟ୍ରା ଭିଟୋଭା, ଓ ଡାନିଏଲା କଲିନ୍ସ ସେମି ଫାଇନାଲକୁ ଉନ୍ନୀତ ହୋଇଛନ୍ତି ।
ମହିଳା ସିଙ୍ଗଲ୍ସ: ନବମ ଦିବସରେ ଅନୁଷ୍ଠିତ କ୍ୱାର୍ଟର ଫାଇନାଲ୍‌ରେ ଅଷ୍ଟମ ସିଡ୍‌ ଭିଟୋଭା ସିଧା ସଳଖ ୬-୧, ୬-୪ ସେଟ୍‌ରେ ଅଷ୍ଟ୍ରେଲିଆର ଆସଲି ବାର୍ଟିଙ୍କୁ ପରାସ୍ତ କରିଥିଲେ । ମ୍ୟାଚ୍‌ ଆରମ୍ଭରୁ ଭିଟୋଭା ପ୍ରଭାବ ବିସ୍ତାର କରି ଖେଳ ସହଜରେ ପ୍ରଥମ ସେଟ୍‌କୁ ଅକ୍ତିଆର କରିଥିଲେ । ଦ୍ୱିତୀୟ ସେଟ୍‌ରେ ବାର୍ଟି ଲଢୁଆ ଖେଳ ପ୍ରଦର୍ଶନ କରିଥିଲେ ହେଁ ଭିଟେଭାଙ୍କ ଶକ୍ତିଶାଳୀ ରିଟର୍ଣ୍ଣକୁ ସମ୍ନା କରିବା କଷ୍ଟକର ହୋଇଥିଲା । ଏହି ମ୍ୟାଚ୍‌ ଜିତିବା ପାଇଁ ଭିଟୋଭାଙ୍କୁ ୬୮ମିନିଟ୍‌ ଲାଗିଥିଲା ।
ଅନ୍ୟ କ୍ୱାର୍ଟର ଫାଇନାଲ୍‌ରେ ଆମେରିକାର ଅଣସିଡେଡ୍‌ ଖେଳାଳି କଲିନ୍ସ ୨-୬, ୭-୫, ୬-୧ ସେଟ୍‌ରେ ଆନାସ୍ତାସିଆ ପାଲ୍ୟୁଚେନ୍‌କୋଭାଙ୍କୁ ହରାଇଥିଲେ । ମ୍ୟାଚ୍‌ ଆରମ୍ଭରୁ କଲିନ୍ସଙ୍କ ତ୍ରୁଟିର ଫାଇଦା ଉଠାଇ ପାଲ୍ୟୁଚେନ୍‌କୋଭା ପ୍ରଥମ ସେଟ୍‌ ଜିତିଥିଲେ । ଦ୍ୱିତୀୟ ସେଟ୍‌ରେ କଲିନ୍ସ ଲୟକୁ ଫେରିଥିଲେ । ଏଥର ତାଙ୍କୁ ଅଟକାଇବା ସହଜ ନଥିଲା । ପରବର୍ତ୍ତୀ ୨ଟି ଯାକ ସେଟ୍‌ ଜିତି କଲିନ୍ସ ପ୍ରଥମ ଥର ପାଇଁ କୌଣସି ଗ୍ରାଣ୍ଡସ୍ଲାମ୍‌ର ସେମି ଫାଇନାଲ୍‌ରେ ପ୍ରବେଶ କରିଥିଲେ । ୨ଘଣ୍ଟା ୧୬ମିନିଟ୍‌ର ଏହି ସଂଘର୍ଷପୂର୍ଣ୍ଣ ମୁକାବିଲାରେ କଲିନ୍ସ୫ଟି ବ୍ରେକ୍‌ ପଏଣ୍ଟ ହାସଲ କରିଥିଲେ ।
ପୁରୁଷ ସିଙ୍ଗଲ୍ସ: ପୁରୁଷ ସିଙ୍ଗଲ୍ସରେ ଦ୍ୱିତୀୟ ସିଡ୍‌ ନାଦାଲ ସିଧା ସଳଖ ୬-୩, ୬-୪, ୬-୨ ସେଟ୍‌ରେ ଫ୍ରାନ୍‌ସିସ ଟିଆଫଏଙ୍କୁ ହରାଇଥିଲେ । ଦ୍ୱିତୀୟ ରାଉଣ୍ଡ୍‌ରେ ପଞ୍ଚମ ସିଡ୍‌ କେଭିନ ଆଣ୍ଡରସନଙ୍କୁ ଓ ଚତୁର୍ଥ ରାଉଣ୍ଡ୍‌ରେ ଗିଗୋର ଦିମିତ୍ରୋଭଙ୍କୁ ହରାଇ ବିପର୍ଯ୍ୟୟ ସୃଷ୍ଟି କରିଥିବା ଟିଆଫଏ ପୂର୍ବ ପ୍ରଦର୍ଶନକୁ ଦୋହରାଇ ପାରି ନଥିଲେ । ନାଦାଲଙ୍କ ନିଖୁ ତଥା ତ୍ରୁଟି ହୀନ ଖେଳ ଆଗରେ ତିଷ୍ଠିବା ଟିଆଫଏଙ୍କ ପକ୍ଷରେ ଅସମ୍ଭବ ମନେ ହୋଇଥିଲା । କୌଣସି ସେଟ୍‌ରେ ସେ ନାଦାଲଙ୍କୁ ଚ୍ୟାଲେଞ୍ଜ ଦେଇପାରି ନଥିଲେ । ୧ଘଣ୍ଟା ୪୭ମିନିଟ୍‌ର ମୁକାବିଲାରେ ଟିଆଫଏ ୪ଟି ବ୍ରେକ୍‌ ପଏଣ୍ଟ ହାସଲ କରିଥିଲେ ।
ପ୍ରି-କ୍ୱାର୍ଟରରେ ରୋଜର ଫେଡେରରଙ୍କୁ ହରାଇ ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଥିବା ସିସିପାସ୍‌ ଅନ୍ୟ ଏକ କ୍ୱାର୍ଟର ଫାଇନାଲ୍‌ରେ ସ୍ପେନ୍‌ର ରୋବର୍ଟୋ ବୌତିସ୍ତା ଅଗୁଟଙ୍କୁ ୭-୫, ୪-୬, ୬-୪, ୭-୬(୭-୨) ସେଟ୍‌ରେ ହରାଇ ସେମି ଫାଇନାଲ୍‌ରେ ସ୍ଥାନ ପକ୍କା କରିଥିଲେ । ଏଥିସହ ସେ କନିଷ୍ଠ ଖେଳାଳି ଭାବେ ଅଷ୍ଟ୍ରେଲିଆନ ଓପନର ସେମି ଫାଇନାଲ୍‌ରେ ପହଞ୍ଚି ରେକର୍ଡ ସ୍ଥାପନ କରିଥିଲେ । ୨୨ତମ ସିଡ୍‌ ଅଗୁଟ୍‌ ଦ୍ୱିତୀୟ ସେଟ୍‌ରେ ଲଢୁଆ ଖେଳ ପ୍ରଦର୍ଶନ କରି ମ୍ୟାଚ୍‌କୁ ପ୍ରତ୍ୟାବର୍ତ୍ତନ କରିଥିଲେ । ତୃତୀୟ ସେଟ୍‌ରେ ସିସିପାସ୍‌ ସହଜ ବିଜୟ ହାସଲ କରିଥିଲେ । ଚତୁର୍ଥ ସେଟ୍‌ ସଂଘର୍ଷପୂର୍ଣ୍ଣ ରହିଥିଲା । ୬-୬ରେ ସ୍ଥିତି ବରାବର ହେବା ପରେ ଟାଇବ୍ରେକର୍‌ର ସହାୟତା ନିଆଯାଇଥିଲା । ଏଥିରେ ସିସିପାସ୍‌ଙ୍କ ମୁକାବିଲା କରିପାରି ନଥିଲେ ଅଗୁଟ୍‌ । ୩ଘଣ୍ଟା ୧୬ମିନିଟ୍‌ର ଏହି ମୁକାବିଲାରେ ସିସିପାସ୍‌ ୪ଟି ବ୍ରେକ୍‌ ପଏଣ୍ଟ ହାସଲ କରିଥିଲେ ।