PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ : ବକ୍ସିଂ ପ୍ରି-କ୍ୱାର୍ଟରରେ ହାରିଲେ ମେରିକମ୍
  • ||
  • କନ୍ଧମାଳ ଗସ୍ତରେ ପଞାୟତିରାଜ, ନଗର ଉନ୍ନୟନ ଓ ଆଇନ ମନ୍ତ୍ରୀ ପ୍ରତାପ ଜେନା । ଜଗାକୁ ଭେଟିଲେ, ବିଭିନ୍ନ ସରକାରୀ ଯୋଜନାର ସମୀକ୍ଷା କଲେ ।
  • ||
  • ମାଲକାନଗିରି ଜିଲ୍ଲା ଖଇରପୁଟ ରାସ୍ତାରେ ବଲେରୋ ଗାଡ଼ି ସହ ୭କ୍ୱିଣ୍ଟାଲ ଗଞ୍ଜେଇ ଜବତ- ଜଣେଗିରଫ
  • ||
  • ନାକଟିଦେଉଳ: ବରଗଛରୁ ଝୁଲନ୍ତା ଅବସ୍ଥାରେ ଯୁବକର ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକେ
  • ||
  • ଭୁବନେଶ୍ୱର: ବରିଷ୍ଠ ଆଇଏଏସ୍ ସ୍ତରରେ ଅଦଳବଦଳ, IAS ଅଶୋକ ମୀନା ହେଲେ ପଞ୍ଚାୟତିରାଜ ଓ ପାନୀୟ ଜଳ ବିଭାଗର ପ୍ରମୁଖ ସଚିବ
  • ||
  • ନୀଳଗିରି: ଆଇନଜୀବୀଙ୍କୁ ମାଡ଼ ପ୍ରତିବାଦରେ ନୀଳଗିରି କୋର୍ଟ ବନ୍ଦ କଲେ ଓକିଲ ସଙ୍ଘ
  • ||
  • କଟକ: ଆସନ୍ତାକାଲି ଅଫ୍‌ଲାଇନ୍ ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଟୋକିଓ ଟକ୍କର: ପଦକ ପାଇବା ଦିଗରେ ଆଉ ପାଦେ ବଢିଲେ ସିନ୍ଧୁ, କ୍ୱାର୍ଟର ଫାଇନାଲରେ ପହଁଚିଲେ
  • ||
  • ବକ୍ସିଂ କ୍ବାର୍ଟରରେ ପହଞ୍ଚିଲେ ଭାରତର ସତୀଶ କୁମାର
  • ||
  • ଭୁବନେଶ୍ୱର: ମାଷ୍ଟରକ୍ୟାଣ୍ଟିନ୍ ଉଦ୍ଧାର ହେଲା ଅଜଣା ଯୁବକଙ୍କ ମୃତଦେହ, ଜବତ କଲା ପୁଲିସ
  • ||
  • ଭୁବନେଶ୍ୱର: ଥାମୁନି କରୋନ ମୃତ୍ୟୁ,ରାଜ୍ୟରୁ ଆଉ ୬୫ ଜଣଙ୍କ ଜୀବନ ନେଲା କରୋନା
  • ||
  • ଭୁବନେଶ୍ୱର: ଓଡ଼ିଶାରେ କମୁଛି ସଂକ୍ରମଣ, ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୧୬୧୫ଜଣ କୋଭିଡ୍ ପଜିଟିଭ
  • ||
  • କେନ୍ଦୁଝର: ଘାତକ ସାଜିଲା ଫ୍ରି-ଫାୟାର୍ ଗେମ୍, ଚାଲିଗଲା ଦଶମ ଶ୍ରେଣୀ ଛାତ୍ରଙ୍କ ଜୀବନ
  • ||
  • ଭୁବନେଶ୍ୱର: ଆଜି ୨ ଜିଲ୍ଲାରେ ହେବନି ଟିକାଦାନ
  • ||
  • ସମ୍ବଲପୁର: ହୀରାକୁଦ ଜଳଭଣ୍ଡାରର ବନ୍ଦ ହେଲା ୨ଟି ସୁଇଜ ଗେଟ୍, ୧୨ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||

‘ନାଓକାଷ୍ଟ ଓ ପାଣିପାଗ ସେବା’ କର୍ମଶାଳା: ୨୦୨୧ ସୁଦ୍ଧା ବ୍ଲକୱାରୀ ପାଣିପାଗ ସୂଚନା

ଭୁବନେଶ୍ୱର,୧୪ା୩(ବ୍ୟୁରୋ): ଏଣିକି ଖାଲି ରାଜ୍ୟ କିମ୍ବା ଜିଲ୍ଲାସ୍ତରର ପାଣିପାଗର ସୂଚନା ସୀମିତ ରହିବନି । ଏକ ନିର୍ଦ୍ଧିଷ୍ଟ ବ୍ଲକରେ ମଧ୍ୟ ପାଣିପାଗକୁ ନେଇ ପୂର୍ବାନୁମାନ କରିହେବ । ଫଳରେ ସେଠାକାର ଚାଷୀମାନେ ଆସନ୍ନ ବିପତ୍ତି ସମ୍ପର୍କରେ ଆଗୁଆ ସତର୍କ ହୋଇପାରିବେ । ଫସଲହାନୀରୁ ମଧ୍ୟ ରକ୍ଷା ମିଳିପାରିବ । ଏଭଳି ବ୍ଲକୱାରି ପାଣିପାଗ ସୂଚନା ବ୍ୟବସ୍ଥା ପ୍ରଚଳନର ଯୋଜନା ରଖିଛି ଓଡି଼ଶା ପାଣିପାଗ ବିଭାଗ । ଆସନ୍ତା ୨୦୨୦-୨୧ ସୁଦ୍ଧା ଏହି ବ୍ୟବସ୍ଥା ସବୁ ବ୍ଲକରେ ଲାଗୁ କରିବାକୁ ବିଭାଗ ସୂଚନା ଦେଇଛି ।

ପାଣିପାଗ ବିଭାଗ ଅଧ୍ୟକ୍ଷ ଏଚ୍‌ ଆର ବିଶ୍ୱାସ କହିଛନ୍ତି, ଏଥିପାଇଁ ପ୍ରକ୍ରିୟା ଆରମ୍ଭ ହୋଇଯାଇଛି । କଟକ ଜିଲ୍ଲାରେ ପ୍ରଥମେ ପରୀକ୍ଷାମୂଳକ ଭାବେ ଆରମ୍ଭ କରାଯିବ । ପରେ ସବୁ ଜିଲ୍ଲାରେ ଲାଗୁ ହେବ । ଡିଷ୍ଟ୍ରିକ୍ଟ ଲେଭେଲ ଫିଲ୍ଡ ୟୁନିଟ୍‌ ଭଳି ଏହା କାର୍ଯ୍ୟ କରିବ । ପ୍ରତି ବ୍ଲକକୁ ଫୋକସ୍‌ କରି ସେଠାକାର ପାଣିପାଗ ସମ୍ପର୍କରେ ସୂଚନା ଦେଇହେବ । ଆସନ୍ନ ବିପତ୍ତି ଉପରେ ପୂର୍ବାନୁମାନ କରିହେବ । ବିପତ୍ତିକୁ ଦୃଷ୍ଟିରେ ରଖି ଉକ୍ତ ଅଞ୍ଚଳରୁ ଫସଲ ନଷ୍ଟକୁ କମାଯାଇପାରିବ । କୃଷି ବିଜ୍ଞାନ କେନ୍ଦ୍ର ସହଭାଗିତାରେ ଏହି ବ୍ୟବସ୍ଥା ଲାଗୁ ହେବ ।

ସେହିପରି ବର୍ଷେ ମଧ୍ୟରେ ନୂଆ ୬ଟି ପର୍ଯ୍ୟବେକ୍ଷଣ କେନ୍ଦ୍ର ଖୋଲାଯାଇଛି । ରାଣିତାଲ ଓ ଚିପିଲିମାକୁ ବାଦ୍‌ ଦେଇ ମାଲକାନିଗିରି, ଢ଼େଙ୍କାନାଳର ମହିଁଷାଖାଲ, କେଉଁଝର, ସିମିଳିଗୁଡା, ସୁନ୍ଦରଗଡ କେରେଇ, ଭବାନୀପାଟଣାଠାରେ ନୂଆ ୟୁନିଟ୍‌ଗୁଡି଼କ କାର୍ଯ୍ୟକ୍ଷମ ହେଲାଣିି । ଆଗକୁ ଭୁବନେଶ୍ୱର ଓୟୁଏଟି କ୍ୟାମ୍ପସରେ ଏବଂ ଜି ଉଦୟଗିରିରେ ଦୁଇଟି ନୂଆ କେନ୍ଦ୍ର ସ୍ଥାପନ କରିବାକୁ ଯୋଜନା ରହିଛି । ଏହାଦ୍ୱାରା ପାଣିପାଗ ସୂଚନାର ବ୍ୟବସ୍ଥା ଦୃଢ଼ ହୋଇପାରିବ ।

ବାତ୍ୟା, ଗ୍ରୀଷ୍ମପ୍ରବାହର ବହୁ ପୂର୍ବରୁ ଏସବୁ ବିପତ୍ତିର ପୂର୍ବାନୁମାନ କରି ହେଉଛି । ହେଲେ ବଜ୍ରପାତ ଭଳି ବିପତ୍ତିକୁ ଠଉରେଇବା ପାଇଁ ହାତରେ ବହୁତ କମ୍‌ ସମୟ ଥାଏ । ଏଭଳି କମ୍‌ ଘଣ୍ଟା ପାଇଁ ପୂର୍ବାନୁମାନ ତଥା (ନାଓକାଷ୍ଟ)ର ମଧ୍ୟ ବେଶ ଗୁରୁତ୍ୱ ରହିଛି । ବଜ୍ରପାତ ଯୋଗୁଁ ପ୍ରତିବର୍ଷ ୪ ଶହ ଜଣଙ୍କ ଜୀବନହାନୀ ହେଉଛି । ଏହି ପ୍ରକ୍ରିୟାକୁ ପ୍ରସାର କରାଗଲେ,ଏହି ମୃତ୍ୟୁହାର କମିପାରିବ । ଏହି ଲକ୍ଷ୍ୟରେ ଆଜି ଓଡି଼ଶା ପାଣିପାଗ ବିଭାଗ ପକ୍ଷରୁ ‘ନାଓକାଷ୍ଟ ଆଣ୍ଡ ପାଣିପାଗ ସେବା’ ଏକ କର୍ମଶାଳା ଆୟୋଜିତ ହୋଇଥିଲା ।

ଏହାକୁ ଅଧ୍ୟକ୍ଷତା କରି ବିଭାଗୀୟ ମୁଖ୍ୟ ଶ୍ରୀ ବିଶ୍ୱାସ କହିଥିଲେ, ଏହି ବ୍ୟବସ୍ଥା ପାଇଁ ରାଡାର କିମ୍ବା ସାଟେଲାଇଟ୍‌ଠୁ ଅଧିକ ଗାଣିତିକ ପାଣିପାଗ ଉତ୍ପାଦ ଉପରେ ନିର୍ଭରଶୀଳ କରିବାକୁ ପଡୁଛି । ସ୍ୱଳ୍ପ ସମୟ ପାଇଁ ପାଣିପାଗର ଅନୁମାନ କରିବା ନିହାତି ଭାବେ କଷ୍ଟକର କାର୍ଯ୍ୟ । ଖୁବ୍‌ କମ୍‌ ସମୟରେ ଏନେଇ ତତ୍‌କ୍ଷଣାତ ଓ ନିର୍ଭୁଲ ଅନୁମାନ କରିବାକୁ ପଡି଼ଥାଏ । ନିରାପଦ ସ୍ଥାନକୁ ଯିବା ପାଇଁ ହାତରେ ବହୁତ କମ୍‌ ସମୟ ଥାଏ । ଫଳରେ ଏଭଳି ବିପତ୍ତିରେ ମୃତାହତ ଓ କ୍ଷୟକ୍ଷତିକୁ କମାଯାଇପାରିବ । ପାଣିପାଗ ସମ୍ପର୍କୀତ ବିଭିନ୍ନ ଦିଗ ଓ ଏହାର ପରିଚାଳନା ଉପରେ ଏହି କର୍ମଶାଳାରେ ଆଲୋଚନା କରାଯାଇଥିଲା ।