PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶଦ୍ରୋହୀ ୟାସିନ ମଲିକକୁ ଆଜୀବନ ଜେଲ, ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ମାମଲାରେ କୋର୍ଟ ଶୁଣାଇଲେ ଦଣ୍ଡାଦେଶ
  • ||
  • ସମ୍ୱଲପୁର : ଭବାନୀପାଲି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା , ଟ୍ରକ୍ ଧକ୍କାରେ ୩ ବାଇକ୍ ଆରୋହୀଙ୍କ ମୃତ୍ୟୁ , ମୃତକଙ୍କ ପରିଚୟ ମିଳନାହିଁ
  • ||
  • କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ୬ ମୃତ୍ୟୁ ଘଟଣା, ଏଣିକି କଳିଙ୍ଗା ଘାଟି ଦେଇ ଯାଇପାରିବ ନାହିଁ ଟୁରିଷ୍ଟ ବସ୍ , ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ସୂଚନା
  • ||
  • ଝାରସୁଗୁଡ଼ା : ଝାରସୁଗୁଡ଼ାରୁ ପ୍ରାୟ ୧୭ ଗ୍ରାମ୍‌ର ବ୍ରାଉନସୁଗର ଜବତ, ୩ ଗିରଫ
  • ||
  • ଜଳେଶ୍ଵର : ପାର୍କିଂ କରୁଥିବା ବେଳେ ଚଢିଗଲା ଟ୍ରକ୍, ହେଲ୍‌ପର୍ ମୃତ
  • ||
  • କଂଗ୍ରେସକୁ ଝଟକା, ସମାଜବାଦୀ ପାର୍ଟି ଟିକେଟରୁ ନାମାଙ୍କନ ପତ୍ର ଦାଖଲ କଲେ କପିଲ ସିବଲ
  • ||
  • ସମ୍ବଲପୁର : ହୀରାକୁଦରୁ ଛଡ଼ାଯିବ ପ୍ରଥମ ବନ୍ୟାଜଳ, ତଳ ମୁଣ୍ଡର ୧୨ ଜିଲ୍ଲାକୁ ସତର୍କ ସୂଚନା ଜାରି
  • ||
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ଜାତୀୟ ସିନିୟର ତୀରନ୍ଦାଜୀ ଚାମ୍ପିଅନ୍‌ସିପ୍‌: ରିକର୍ଭ ପୁରୁଷରେ ଆସାମ, ମହିଳାରେ ହରିଆନା ବିଜେତା

କଟକ,୧୧ା୩ (ବ୍ୟୁରୋ): ବାରବାଟୀ ଷ୍ଟାଡିୟମ୍‌ଠାରେ ଖେଳାଯାଉଥିବା ୩୯ତମ ଜାତୀୟ ସିନିୟର ତୀରନ୍ଦାଜୀ ଚାମ୍ପିଅନ୍‌ସିପ୍‌ର ଆଜି ଦ୍ୱିତୀୟ ଦିନର ଖେଳ ଶେଷ ହୋଇଛି । ରିକର୍ଭ ଇଭେଣ୍ଟ ସହିତ ଆଜି ଅଲିମ୍ପିକ୍‌ ରାଉଣ୍ଡ ଖେଳାଯାଇଛି । ଖେଳାଳିମାନେ ବ୍ୟକ୍ତିଗତ ସ୍ତରରେ ଚମତ୍କାର ପ୍ରଦର୍ଶନ କରି କୃତିତ୍ୱ ଅର୍ଜନ କରିପାରିଛନ୍ତି । ରିକର୍ଭ ପୁରୁଷରେ ମହାରାଷ୍ଟ୍ରର ସୁଖମଣୀ ବାବ୍ରେକର ଚାମ୍ପିଅନ୍‌ ହୋଇଥିବାବେଳେ ଏସ୍‌ଏସ୍‌ସିବିର ପ୍ରବୀଣ ଯାଦବ ଦ୍ୱିତୀୟ ଏବଂ ତରୁଣଦୀପ ରାଏ ତୃତୀୟ ସ୍ଥାନ ଅକ୍ତିଆର କରିଛନ୍ତି । ରିକର୍ଭ ମହିଳାରେ ଏଲ୍‌୍‌.ବମ୍ବାୟାଲା ଦେବୀ, ଅଙ୍କିତା ଭକତ, ପ୍ରୀତି ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ହାସଲ କରିପାରିଛନ୍ତି ।
ରିକର୍ଭ ବ୍ୟକ୍ତିଗତ ଅଲିମ୍ପିକ ରାଉଣ୍ଡରେ ପ୍ରବୀଣ ଯାଦବ ସ୍ୱର୍ଣ୍ଣ, ସତ୍ୟମ ପାଟିଲ ରୌପ୍ୟ, ଅତନୁ ଦାସ ବ୍ରୋଞ୍ଜ ପଦକ ଅର୍ଜନ କରିଛନ୍ତି । ମହିଳାରେ ଅଙ୍କିତା ଭକତ, ରିଦ୍ଧି ଏବଂ ଏମ୍‌.ବମ୍ବାୟାଲା ଦେବୀ ଯଥାକ୍ରମେ ପ୍ରଥମରୁ ତୃତୀୟ ସ୍ଥାନରେ ରହିଛନ୍ତି । ରିକର୍ଭ ପୁରୁଷରେ ଟିମ୍‌ ଇଭେଣ୍ଟରେ ବାଜିମାତ୍‌ କରିଛି ଆସାମ । ସଞ୍ଜୟ ବୋରୋ, ଧନୀରାମ ବସୁମତରାୟ, ମୁକେଶ ବୋରୋ, ପ୍ରଡକ୍ସନ୍‌ ବୋର୍ଗୋୟାରୀଙ୍କୁ ଦଳ ପାଇଁ ଗୌରବ ସାଉଁଟିଛନ୍ତି । ସେହିପରି ଏସ୍‌ଏସ୍‌ସିବି ଏବଂ ଏଆଇପିଏସ୍‌ସିବି ଦ୍ୱିତୀୟ ଓ ତୃତୀୟ ସ୍ଥାନରେ କୃତିତ୍ୱ ଅର୍ଜନ କରିପାରିଛନ୍ତି । । ରିକର୍ଭ ମହିଳା ଟିମ୍‌ ଇଭେଣ୍ଟରେ ହରିଆନା ବିଜେତା ହୋଇଛି । ରିଦ୍ଧି, ପ୍ରୀତି, ସଂଗୀତା ଏବଂ ତିଷା ପୁନିଆଙ୍କୁ ନେଇ ଟିମ୍‌ ଦଳକୁ ସ୍ୱର୍ଣ୍ଣ ପଦକ ଦେଇଛନ୍ତି । ଇଭେଣ୍ଟରେ ଝାଡଖଣ୍ଡ ଦ୍ୱିତୀୟ ଏବଂ ଆସାମ ତୃତୀୟ ସ୍ଥାନ ସହ ପ୍ରତିଯୋଗିତା ଶେଷ କରିଛି । ରିକର୍ଭ ମିକ୍ସ ଟିମ୍‌ ଇଭେଣ୍ଟରେ ହରିଆନାର ଦବ୍‌ଦବା ଦେଖିବାକୁ ମିଳିଛି । ଦଳୀୟ ଖେଳାଳି ପ୍ରୀତି ଏବଂ ବସନ୍ତ ଚମତ୍କାର ପ୍ରଦର୍ଶନ ସହ ବିଜେତା ହୋଇଛନ୍ତି । ଏହି ଇଭେଣ୍ଟରେ ଝାଡ଼ଖଣ୍ଡ ଦ୍ୱିତୀୟ ଏବଂ ଏଆଇପିଏସ୍‌ସିବି ତୃତୀୟ ସ୍ଥାନ ଅକ୍ତିଆର କରିପାରିଛନ୍ତି ।

ସମ୍ବନ୍ଧିତ ଖବର