PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ଜ୍ଞାନବ୍ୟାପୀ ମସଜିଦ୍‌ ବିବାଦ। ୩୦ରେ ଦୁଇ ପକ୍ଷଙ୍କୁ ମିଳିପାରେ ସର୍ଭେ ଭିଡିଓ। ଜ୍ଞାନବ୍ୟାପୀ ସର୍ଭେ ଭିଡିଓକୁ ନେଇ ଜିଲ୍ଲା କୋର୍ଟଙ୍କ ନିର୍ଦ୍ଦେଶ। ଆସନ୍ତା ୩୦ରୋ ଦୁଇ ପକ୍ଷଙ୍କୁ ମିଳିପାରେ ଭିଡିଓ।
  • ||
  • କଟକ : ଅନୁଭବ ଓ ବର୍ଷାଙ୍କୁ ହାଇକୋର୍ଟଙ୍କ କଡ଼ା ତାଗିଦ୍, ସୋସିଆଲ ମିଡିଆରେ ପରସ୍ପରକୁ ଆକ୍ଷେପ ନ କରିବାକୁ ନିର୍ଦ୍ଦେଶ
  • ||
  • ସୋର: ରାସ୍ତାରେ ହଟହଟା ହେଲେ ଖଇରା ବିଦ୍ୟୁତ୍ ବିଭାଗ ଏସଡିଓ, ଅସ୍ଥାୟୀ ମିଟର ରିଡର କର୍ମଚାରୀଙ୍କ ବହିଷ୍କାର ଆଶଙ୍କାରେ ଆକ୍ରୋଶର ଶିକାର…
  • ||
  • ଭୁବନେଶ୍ବର: ଟିଚିଂ ହସ୍ପିଟାଲ ଭାବେ ଘୋଷଣା ହେଲା କ୍ୟାପିଟାଲ ହସ୍ପିଟାଲ, ଆଗାମୀ ୫୦ ବର୍ଷକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ମାଷ୍ଟର ପ୍ଲାନ୍, ୨୮୫ କୋଟି ଅନୁମୋଦନ…
  • ||
  • ଭୁବନେଶ୍ୱର: ପେଟ୍ରୋଲିୟମ ଡିଲର୍ସ ଆସୋସିଏସନର ପକ୍ଷରୁ ଦୁଇ ଦିନିଆ ଧର୍ମଘଟ, ସନ୍ଧ୍ୟା ୬ରୁ ସକାଳ ୬ ବନ୍ଦ ରହିବ ସମସ୍ତ ପେଟ୍ରୋଲ ଟାଙ୍କି
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ବାହାରିଲେ ୦୯ ଜଣ କରୋନା ପଜିଟିଭ
  • ||
  • ଭୁବନେଶ୍ୱର: ‘କୋକୋ’ ଆପ୍‌ରେ ଋଣ ଠକେଇ ମାମଲା : ଦିଲ୍ଲୀରୁ ଧରାପଡି଼ଲା ମୁଖ୍ୟ କାର୍ପଟଦାର ରାମ, ୧୦୫୮ ଭର୍ଚୁଆଲ୍‌ ବ୍ୟାଙ୍କ ଆକାଉଣ୍ଟ ଫ୍ରିଜ୍
  • ||
  • ଚିଲିକା : ଯାତ୍ରୀବାହୀ ଡଙ୍ଗାର ଭାଙ୍ଗିଲା ମେସିନ୍ ସ୍ଲାବ, ଚିଲିକା ମଝିରେ ଅଟକିଲେ ୪୦ରୁ ଅଧିକ ଯାତ୍ରୀ
  • ||
  • କଟକ: ଅନୁଭବ-ବର୍ଷା ବିବାହ ବିବାଦ: “ବର୍ଷା ନିଜେ ଚଲାଉଛନ୍ତି ଫ୍ୟାନ୍‌ କ୍ଲବ୍‌ ପେଜ୍‌’
  • ||
  • ଭୁବନେଶ୍ୱର: ଆସିବ ସ୍ୱଚ୍ଛତା, ଲୋକଙ୍କୁ ମିଳିବ ସୁବିଧା: ଆଜିଠୁ ଅନ୍‌ଲାଇନ୍‌ରେ ହୋଲ୍ଡିଂ ଟ୍ୟାକ୍ସ ଆଦାୟ କରିବ ବିଏମ୍‌ସି
  • ||
  • ସୁନ୍ଦରଗଡ : ଓସିଏଲ୍‌ ଆଇରନ କାରଖାନାରୁ ଲୁହା ଚୋରି କରୁଥିଲା ଚୋର, ଛାତରୁ ପଡି ଚାଲିଗଲା ଜୀବନ
  • ||
  • ଭୁବନେଶ୍ୱର: ଟ୍ରାଫିକ୍‌ ଯନ୍ତ୍ରଣାରୁ ମିିଳିବ ମୁକ୍ତି: ଜୟଦେବ ବିହାରରୁ ନନ୍ଦନକାନନ ମଧ୍ୟରେ ନିର୍ମାଣ ହେବ ସବୁଠାରୁ ଦୀର୍ଘତମ ଫ୍ଲାଏଓଭର
  • ||

ମାଣ୍ଡିଆ ବିକାଳିରୁ ଜାତୀୟ ଭାରୋତ୍ତୋଳକ ଭକ୍ତରାମ

ସାଧାରଣ କୃଷକ ପରିବାରରେ ଜନ୍ମ ହୋଇ କୌଣସି କ୍ରୀଡ଼ାକୁ ବର୍ତ୍ତମାନ ସମୟରେ କ୍ୟାରିୟର ଭାବେ ଗ୍ରହଣ କରିବା ଏତେ ସହଜ କଥା ନୁହେଁ । ଦୃଢ଼ ଇଚ୍ଛା ଶକ୍ତି, କଠିନ ପରିଶ୍ରମ ଏବଂ କ୍ରୀଡ଼ାବିତ ହେବାର ଜିଦ୍‌ ହିଁ ଜଣକୁ ଏ ଦିଗରେ ସଫଳ କରାଇପାରେ । ଯାହାର ଏକ ବଡ଼ ଦୃଷ୍ଟାନ୍ତ ସାଜିଛନ୍ତି ଯୁବ ଭାରୋତ୍ତୋଳକ ଭକ୍ତରାମ ଦେସ୍ତି । ସାଧାରଣ ପରିବାରରେ ଜନ୍ମ ହୋଇବି ସେ ଜାତୀୟସ୍ତରର ଭାରୋତ୍ତୋଳନରେ ସଫଳ ହୋଇ ପାରିଛନ୍ତି । ଦିନେ ସେ ଘରେ ପାଠ ପଢ଼ିବା ସହ ବାପାଙ୍କୁ କୃଷି କାର୍ଯ୍ୟରେ ସାହାର୍ଯ୍ୟ କରୁଥିଲେ, ବଜାରରେ ମାଣ୍ଡିଆ ବିକ୍ରି କରୁଥିଲେ । କିନ୍ତୁ ତାଙ୍କ ମନରେ ଥିଲା ଜଣେ ଭାରୋତ୍ତୋଳକ ହେବାର ନିଶା । ସମୟ ଆସିଲା, ସୁଯୋଗ ବି ମିଳିଲା, କ୍ରୀଡ଼ା ଛାତ୍ରାବାସ ପାଇଁ ସେ ଚୟନ ହେଲେ ଏବଂ ବ୍ରହ୍ମପୁର କ୍ରୀଡ଼ା ଛାତ୍ରାବାସରେ ରହିଲେ । ଏତିକିରେ ତାଙ୍କ ଜୀବନର ସଂଘର୍ଷ ଶେଷ ହୋଇ ନଥିଲା । ମାଲକାନଗିରି ଜିଲ୍ଲା ଚିତ୍ରକୋଣ୍ଡାରେ ଭକ୍ତରାମଙ୍କ ଘର । ବାପା ସୁଦନ ଦେସ୍ତି ଓ ମାଆ ପୁଳା ଦେସ୍ତି । ଦୁଇଟି ଜାତୀୟ ସ୍ୱର୍ଣ୍ଣ ଜିତି ସାରିବା ପରେ ଭକ୍ତରାମ ଗତବର୍ଷ ମ୍ୟାଟ୍ରିକ୍‌ ପରୀକ୍ଷା ଦେଇଥିଲେ । ମାତ୍ର ସେ ସଫଳ ହୋଇପାରି ନଥିଲେ । ଗ୍ରୀଷ୍ମ ଅବକାଶରେ ସେ ଯେତେବେଳେ କ୍ରୀଡ଼ା ଛାତ୍ରାବାସରୁ ଘରକୁ ଫେରିଥିଲେ, ସେତେବେଳେ ଚାଷ କାମ କରୁଥିବା ବାପା ସୁଦନ ଓ ମାଆ ପୁଳା ତାଙ୍କ ଉପରେ ଘୋର ବିରକ୍ତ ପ୍ରକାଶ କରିଥିଲେ । ବାପା କହିଥିଲେ, ଖାଲି ଖେଳ ଖେଳ ହେଉଛୁ, ପଢ଼ା ଶୂନ, ଖେଳି କ’ଣ କରିବୁ? ଏବେ ସବୁ ବନ୍ଦ, ଘରେ ରହି ଚାଷ କର… । ବାପାଙ୍କ ଅବାଧ୍ୟ ହୋଇ ପାରି ନଥିଲେ ଭକ୍ତରାମ । ଖରା ଛୁଟି ସରିଗଲା, ହେଲେ ସେ ଆଉ ହଷ୍ଟେଲ୍‌ ଫେରି ନଥିଲେ । ବାପା ମାଆଙ୍କୁ ବହୁ ବୁଝାସୁଝା କରିଥିଲେ, ବିନତି ବି କଲେ କିନ୍ତୁ କିଛି ସୁଫଳ ମିଳି ନଥିଲା । ସେମାନେ ସେମାନଙ୍କ ଜିଦ୍‌ରେ ଅଟଳ ରହିଥିଲେ । ଶେଷରେ ଘରେ ରହିବାକୁ ବାଧ୍ୟ ହେଲେ । ଚାଷ କାର୍ଯ୍ୟ
କଲେ । କ୍ୟାରିୟରଟା ଏହିଠାରୁ ଶେଷ ହୋଇଯିବ ବୋଲି ଭାବି ନେଇଥିଲେ । ଏ ବିଷୟ ଦିନେ ଭକ୍ତରାମ କୋଚ୍‌ ସୀତା ଜେନା (ବ୍ରହ୍ମପୁର)ଙ୍କୁ ଫୋନ୍‌ରେ କାନ୍ଦି କାନ୍ଦି ଜଣାଇଥିଲେ । କୋଚ୍‌ ସୀତା ଜେନା ସବୁ କିଛି ଶୁଣିବା ପରେ ତାଙ୍କୁ ସାନ୍ତ୍ୱନା ଦେଇଥିଲେ । ପରେ ସେ ଫୋନରେ ସୁଦନ ଓ ପୁଳାଙ୍କୁ ବୁଝାଇଥିଲେ । ଭକ୍ତରାମକୁ ସୀତା କହିଥିଲେ- ଘରେ ରହିଲେ ଜଙ୍ଗଲକୁ ଯାଇ କାଠ ହାଣିବୁ । ଏଠାକୁ ଆସିଲେ ପଢି଼ ପୁଣି ପରୀକ୍ଷା ଦେଇପାରିବୁ । କ୍ରୀଡ଼ାରେ ତୁ ଭଲ କରୁଛୁ, ଆଗକୁ ଅଧିକ ପଦକ ଜିତିଲେ ପ୍ରୋତ୍ସାହନ ମିଳିବ । ଶେଷରେ କୌଣସିମତେ ବାପା ମାଆ ରାଜି ହେଲେ । ଘରୁ ହଷ୍ଟେଲ ଫେରିବାକୁ ଟଙ୍କା ନଥାଏ । ବଜାରରେ ମାଣ୍ଡିଆ ବିକ୍ରି କରି ବସ୍‌ ଟିକେଟ୍‌ ଯୋଗାଡ଼ କଲେ । ଶେଷରେ ପୁଣି ଭକ୍ତରାମ ହଷ୍ଟେଲ୍‌ରେ ଆସି ଅଭ୍ୟାସରେ ଯୋଗ ଦେଲେ । ଏହାପରେ ସେ ଗୋଟିଏ ପରେ ଗୋଟିଏ ସଫଳତା ହାସଲ କରି ଚାଲିଛନ୍ତି ।

ଆଗାମୀ ସମ୍ଭାବନା
ମାଲକାନଗିରିରୁ ଫେରିଲା ପରେ ଆଉ ଦୁଇଟି ଜାତୀୟ ସ୍ୱର୍ଣ୍ଣ ଜିତିସାରିଲେଣି ଭକ୍ତରାମ । ତା ସହ ଖେଲୋ ଇଣ୍ଡିଆର ପ୍ରୋତ୍ସାହନ ରାଶି ୫୦ ହଜାର ଟଙ୍କା ପାଇଥିଲେ ସେ । ସେଥିରୁ କିଛି ଅର୍ଥ ଘରକୁ ପଠାଇଥିଲେ, ଯେଉଁଥିରେ ବାପା ମାଆ ଖୁସି ହୋଇଯାଇଥିଲେ । ଆଉ ପୁଅକୁ କେବେ ଆକଟ କରିବୁ ନାହିଁ ବୋଲି କହିଛନ୍ତି । ଦିନେ ପୁଷ୍ଟିକର ଖାଦ୍ୟ ନିୟମିତ ଖାଇବାକୁ ପାଇପାରୁ ନଥିବା ଭକ୍ତରାମ ଏବେ ଉନ୍ନତ କ୍ରୀଡ଼ା କୌଶଳ ସହ ପ୍ରୋଟିନ୍‌ଯୁକ୍ତ ଖାଦ୍ୟ, ଉତ୍ତମ କୋଚିଂ ପାଇ ଅନ୍ତର୍ଜାତୀୟ ପ୍ରତିଯୋଗିତା ପାଇଁ ପ୍ରସ୍ତୁତି ଚଳାଇଛନ୍ତି । ‘ଚିତ୍ରକୋଣ୍ଡା ଭଳି ଉପାନ୍ତ ଅଞ୍ଚଳର ଆଦିବାସୀ ପିଲା ସେ । ତାଙ୍କ ମଧ୍ୟରେ ପ୍ରତିଭା ଥିଲା, ଦୃଢ଼ ଇଚ୍ଛାଶକ୍ତି ଥିଲା କିନ୍ତୁ ବିକଶିତ ହୋଇପାରୁ ନଥିଲା । କାରଣ ସୁଯୋଗ ନଥିଲା । ସୁଯୋଗ ମିଳିବା ପରେ ସେ ଉନ୍ନତ ପ୍ରଦର୍ଶନ କରୁଛନ୍ତି । ଜାତୀୟ ଶିବିର ତାଙ୍କ ପାଇଁ ବେଶ୍‌ ସହାୟକ ହେବ । ହୁଏତ ସେ ଅନ୍ତର୍ଜାତୀୟ ସୁଯୋଗ ପାଇପାରନ୍ତି, ଭଲ ଖେଳ ଜାରି ରଖିଲେ ତାଙ୍କ ପାଇଁ ନିଯୁକ୍ତି ସୁଯୋଗ ନିଶ୍ଚୟ ମିଳିବ ବୋଲି କହିଛନ୍ତି ତାଙ୍କ କୋଚ୍‌ ସୀତା ଜେନା ।