PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ସୋଆରେ ୪ ଦିନିଆ ନ୍ୟାସନାଲ୍‌ ମାଷ୍ଟର କ୍ଲାସ୍‌ କାର୍ଯ୍ୟକ୍ରମର ଉଦ୍‌ଘାଟନୀ ଉତ୍ସବ: ହାଇ ମେଗା ପିକ୍ସେଲ୍‌ ମୋବାଇଲ୍‌ ଓ ଟାୱାର ମଣିଷର କ୍ଷତି କରୁଛି

ଭୁବନେଶ୍ୱର,୧୪ ।୩(ବ୍ୟୁରୋ): ମୋବାଇଲ୍‌ ଟାୱାର ଏବଂ ଅଧିକ ମେଗା ପିକ୍ସେଲ୍‌ ମୋବାଇଲ୍‌ ଫୋନ୍‌ ଆମ ଶରୀର ପାଇଁ କ୍ଷତିକାରକ । ଏହା ଦ୍ୱାରା ଉଭୟ ଶରୀର ଏବଂ ମସ୍ତିଷ୍କ ଉପରେ ପ୍ରଭାବ ପଡ଼ିଥାଏ । ଏହାର କୁପ୍ରଭାବ ଦ୍ୱାରା ମଣିଷ ଅଧିକ ବିରକ୍ତିଭାବ ପ୍ରକାଶ କରିଥାଏ । ମଣିଷ ମନରେ ଏକାଗ୍ରତା ଆସିପାରି ନଥାଏ । ମାନସିକ ଭାବେ ସ୍ଥିର ରହିପାରେନାହିଁ । ତେବେ ଏନେଇ ଆମ ଦେଶରେ ସ୍ୱତନ୍ତ୍ର ଗାଇଡଲାଇନ୍‌ର ଆବଶ୍ୟକତା ରହିଛି ବୋଲି କହିଛନ୍ତି ବିଶିଷ୍ଟ ସ୍ନାୟୁ ଶଲ୍ୟ ବିଶେଷଜ୍ଞ ତଥା ଶିକ୍ଷା ଓ ଅନୁସନ୍ଧାନ (ସୋଆ ଡିମ୍ଡ ଟୁ ବି ୟୁନିଭର୍ସିଟି)ର ସ୍ୱାସ୍ଥ୍ୟ ନିର୍ଦ୍ଦଶେକ ଡ. ଅଶୋକ ମହାପାତ୍ର ।

ସୋଆ ପରିଚାଳିତ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଡେଣ୍ଟାଲ୍‌ ସାଇନ୍ସ (ଆଇଡିଏସ୍‌) ଏବଂ ଆସୋସିଏସନ୍‌ ଅଫ୍‌ ଓରାଲ୍‌ ଆଣ୍ଡ ମାକ୍ସିଲୋଫେସିଆଲ୍‌ ସର୍ଜନ୍ସ ଅଫ୍‌ ଇଣ୍ଡିଆ, ଓଡ଼ିଶା ଶାଖାର ମିଳିତ ଆନୁକୂଲ୍ୟରେ ଅନୁଷ୍ଠିତ ୪ ଦିନିଆ ନ୍ୟାସନାଲ୍‌ ମାଷ୍ଟର କ୍ଲାସ୍‌ କାର୍ଯ୍ୟକ୍ରମର ଉଦ୍‌ଘାଟନୀ ଉତ୍ସବରେ ଯୋଗ ଦେଇ ଏହି ସଚେତନତାର ବାର୍ତ୍ତା ଦେଇଛନ୍ତି ଡ. ମହାପାତ୍ର । ୨୦୦୫ ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ଗାଇଡଲାଇନ୍‌ ଅନୁଯାୟୀ ସ୍କୁଲ, କଲେଜ, ହସ୍ପିଟାଲ୍‌ ଏବଂ ମାର୍କେଟ ଅଞ୍ଚଳର ୫୦ ମିଟର୍‌ ମଧ୍ୟରେ ମୋବାଇଲ୍‌ ଟାୱାର୍‌ ରହିବା ଅନୁଚିତ୍‌ । ୧୫ ମିଟର ମଧ୍ୟରେ ସୃଷ୍ଟି ହେଉଥିବା ରେଡିଏସନ୍‌ ମଧ୍ୟ ଅନେକ କ୍ଷତିକାରକ । ଏହାକୁ ସେଲ୍‌ ପାୱାର ନର୍ମ କୁହାଯାଇଥାଏ ।
ସେହିପରି ଅଧିକ ଶକ୍ତିଶାଳୀ ମୋବାଇଲ୍‌ ଫୋନ୍‌ ଦ୍ୱାରା ମଣିଷର ଶରୀର ମଧ୍ୟ ଅଧିକ କ୍ଷତି ହୋଇଥାଏ । ୩୦୦ ରୁ ଅଧିକ ଫ୍ରିକ୍ୱେନ୍ସିର ଭାଇବ୍ରେସନ୍‌ ହେଲେ ଶରୀରରେ କ୍ଷତି ଘଟିଥାଏ । ଅନେକ ବ୍ୟକ୍ତି ରାତିରେ ଶୋଇବା ସମୟରେ ନିଜ ତକିଆ ତଳେ ଗୋଟିଏରୁ ତିନୋଟି ଲେଖାଏଁ ମୋବାଇଲ୍‌ ରଖି ଶୋଇଥାନ୍ତି । ଏହାର ପରିଣାମ ବେଶ୍‌ ଭୟଙ୍କର ହୋଇପାରେ ବୋଲି ଚେତାଇ ଦେଇଛନ୍ତି ଡ. ମହାପାତ୍ର । ସେହିପରି ହସ୍ପିଟାଲ୍‌, ମାର୍କେଟ, ସ୍କୁଲ୍‌ ଏପରିକି ନିଜ ଘର ଉପରେ ମୋବାଇଲ୍‌ ଟାୱାର୍‌ ନ ଲଗାଇବା ନେଇ ସଚେତନ କରାଇଛନ୍ତି ଡ. ମହାପାତ୍ର । ତେବେ ଏଥି ନିମନ୍ତେ ସ୍ୱତନ୍ତ୍ର ଗାଇଡ୍‌ଲାଇନର ଉପଯୋଗ ହେଉ ନାହିଁ ବୋଲି ସେ ଉଦ୍‌ବେଗ ପ୍ରକାଶ କରିଛନ୍ତି ।

ଦ’ ଚିକିତ୍ସା ବିଭାଗର ତୃତୀୟ, ଚତୁର୍ଥ ବର୍ଷ ଏବଂ ଡେଣ୍ଟାଲ୍‌ ପିଜି ଛାତ୍ରଛାତ୍ରୀମାନଙ୍କ ଉଦ୍ଦେଶ୍ୟରେ ବକ୍ତବ୍ୟ ରଖି ଡ. ମହାପାତ୍ର କହିଛନ୍ତି, ୧୯୭୦ ମସିହାରେ ଓଡ଼ିଶାରେ ମାତ୍ର ୨ ଜଣ ଡେଣ୍ଟାଲ୍‌ ସର୍ଜନ ଥିଲେ । ମାତ୍ର ଏବେ ଏହାର ସଂଖ୍ୟା ୨୦୦୦ ଟପିଲାଣି । ଛାତ୍ରଛାତ୍ରୀମାନଙ୍କୁ ଆହ୍ୱାନ ଦେଇ ସେ କହିଛନ୍ତି ଅଧିକ ପଢ଼ିବା ଦ୍ୱାରା ଅଧିକ ମାତ୍ରାରେ ଜ୍ଞାନ ଆହରଣ କରିହେବ । ଏହି ମାଷ୍ଟର କ୍ଲାସ୍‌ର ଉଦ୍‌ଘାଟନୀ କାର୍ଯ୍ୟକ୍ରମରେ ଆଇଡିଏସ୍‌ ଡିନ୍‌ ପ୍ରଫେସର ନୀତା ମହାନ୍ତ କିହିଛନ୍ତି, ଏହାଦ୍ୱାରା ଛାତ୍ରଛାତ୍ରୀମାନେ ତାଙ୍କର ଜ୍ଞାନ ଏବଂ ଦକ୍ଷତାକୁ ଅଧିକ ପ୍ରସ୍ଫୁଟିତ କରିପାରିବେ । ଦେଶର ଅନେକ ଦକ୍ଷ ଏବଂ ଜ୍ଞାନୀ ବକ୍ତାଙ୍କୁ ଏହି କାର୍ଯ୍ୟକ୍ରମ ପାଇଁ ନିମନ୍ତ୍ରଣ କରାଯାଇଛି । ସେମାନଙ୍କଠାରୁ ଛାତ୍ରଛାତ୍ରୀମାନେ ଅନେକ କିଛି ଜ୍ଞାନ ଆହରଣ କରିପାରିବେ ବୋଲି ପ୍ରଫେସର ମହାନ୍ତି କହିଛନ୍ତି । ଏହି ଅବସରରେ ଆଇଡିଏସ୍‌ର ଓରାଲ୍‌ ସର୍ଜରୀ ବିଭାଗର ମୁଖ୍ୟ ଡ. ଶୋଭନ୍‌ ମିଶ୍ର ଏବଂ ହାଇଟେକ୍‌ ଡେଣ୍ଟାଲ୍‌ କଲେଜର ଡିନ୍‌ ଡ. ସଂଗ୍ରାମ ପାତ୍ର ନିଜର ବକ୍ତବ୍ୟ ରଖିଥିଲେ । ମାଷ୍ଟର କ୍ଲାସ୍‌ରେ ଦେଶର ବିଭିନ୍ନ ଡେଣ୍ଟାଲ୍‌ କଲେଜର ପ୍ରାୟ ୭୦ଜଣ ଛାତ୍ରଛାତ୍ରୀ ଯୋଗ ଦେଇଛନ୍ତି ।

ସମ୍ବନ୍ଧିତ ଖବର