PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶଦ୍ରୋହୀ ୟାସିନ ମଲିକକୁ ଆଜୀବନ ଜେଲ, ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ମାମଲାରେ କୋର୍ଟ ଶୁଣାଇଲେ ଦଣ୍ଡାଦେଶ
  • ||
  • ସମ୍ୱଲପୁର : ଭବାନୀପାଲି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା , ଟ୍ରକ୍ ଧକ୍କାରେ ୩ ବାଇକ୍ ଆରୋହୀଙ୍କ ମୃତ୍ୟୁ , ମୃତକଙ୍କ ପରିଚୟ ମିଳନାହିଁ
  • ||
  • କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ୬ ମୃତ୍ୟୁ ଘଟଣା, ଏଣିକି କଳିଙ୍ଗା ଘାଟି ଦେଇ ଯାଇପାରିବ ନାହିଁ ଟୁରିଷ୍ଟ ବସ୍ , ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ସୂଚନା
  • ||
  • ଝାରସୁଗୁଡ଼ା : ଝାରସୁଗୁଡ଼ାରୁ ପ୍ରାୟ ୧୭ ଗ୍ରାମ୍‌ର ବ୍ରାଉନସୁଗର ଜବତ, ୩ ଗିରଫ
  • ||
  • ଜଳେଶ୍ଵର : ପାର୍କିଂ କରୁଥିବା ବେଳେ ଚଢିଗଲା ଟ୍ରକ୍, ହେଲ୍‌ପର୍ ମୃତ
  • ||
  • କଂଗ୍ରେସକୁ ଝଟକା, ସମାଜବାଦୀ ପାର୍ଟି ଟିକେଟରୁ ନାମାଙ୍କନ ପତ୍ର ଦାଖଲ କଲେ କପିଲ ସିବଲ
  • ||
  • ସମ୍ବଲପୁର : ହୀରାକୁଦରୁ ଛଡ଼ାଯିବ ପ୍ରଥମ ବନ୍ୟାଜଳ, ତଳ ମୁଣ୍ଡର ୧୨ ଜିଲ୍ଲାକୁ ସତର୍କ ସୂଚନା ଜାରି
  • ||
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ଫେସବୁକ୍‌ରେ ବିଜ୍ଞାପନ: ଫେବ୍ରୁଆରୀରେ ଶୀର୍ଷରେ ନବୀନ

ଭୁବନେଶ୍ୱର,୭ା୩(ବ୍ୟୁରୋ): ଫେସ୍‌ବୁକ୍‌ ମାୟାରେ ବାୟା । ସାଧାରଣ ଲୋକଙ୍କ ଫେସ୍‌ବୁକ୍‌ କ୍ରେଜରୁ ଲାଭ ଉଠାଇବାକୁ ଭୋଟ ପୂର୍ବର୍ରୁ ଅଣ୍ଟା ଭିଡ଼ିଛନ୍ତି ରାଜନେତା । ଜନସାଧାରଣଙ୍କ ନିକଟରେ ନିଜ ବାର୍ତ୍ତା ଧରି ପହଞ୍ଚିବାକୁ ସୋସିଆଲ ମିଡିଆକୁ ବଡ଼ ଅସ୍ତ୍ର ଭାବେ ଗ୍ରହଣ କରିଛନ୍ତି । ଏହିକ୍ରମରେ ଗତ ଫେବ୍ରୁଆରୀ ମାସରେ ଫେସ୍‌ବୁକ୍‌ରେ ସର୍ବାଧିକ ଟଙ୍କାର ବିଜ୍ଞାପନ ଦେଇଛନ୍ତି ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନବୀନ ତାଙ୍କ ଫେସ୍‌ବୁକ୍‌ ପେଜ୍‌ରେ ବହୁ ଲୋକଙ୍କ ନିକଟରେ ପହଞ୍ଚିବାକୁ ଖର୍ଚ୍ଚ କରିଛନ୍ତି ୮ ଲକ୍ଷ ୬୨ ହଜାର ଟଙ୍କା । ବ୍ୟକ୍ତିଗତ ବିଜ୍ଞାପନ ଖର୍ଚ୍ଚରେ ନବୀନ ଶୀର୍ଷରେ ଅଛନ୍ତି । ଦଳୀୟ ଖର୍ଚ୍ଚକୁ ହିସାବକୁ ନେଲେ ବିଜେପି ଓ ଛାମୁଆଁ ସଂଗଠନ ଫେବ୍ରୁଆରୀ ମାସରେ ୨ କୋଟି ୩୭ ଲକ୍ଷ ଟଙ୍କା ଫେସବୁକରେ ଖର୍ଚ୍ଚ କରିଛନ୍ତି । ଆଞ୍ଚଳିକ ଦଳଗୁଡ଼ିକ ମାତ୍ର ୧୯.୮ ଲକ୍ଷ ଖର୍ଚ୍ଚ କରିଥିଲା ବେଳେ କଂଗ୍ରେସ ଦଳ ସହ ଛାମୁଆ ସଂଗଠନ ମାତ୍ର ୧୦.୬ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି ।
ଭୋଟ ଯେତିକି ପାଖେଇ ଆସୁଛି, ଜନତା ଜନାର୍ଦ୍ଦନଙ୍କ ନିକଟରେ ପହଞ୍ଚିବାକୁ ରାଜନେତା ଓ ରାଜନୈତିକ ଦଳଗୁଡ଼ିକ ମଧ୍ୟରେ ସେତିକି ତୀବ୍ର ପ୍ରତିଯୋଗିତା ଆରମ୍ଭ ହୋଇଛି । ଫେସ୍‌ବୁକ୍‌ ଆଡ ଆର୍କାଇଭ୍‌ ରିପୋର୍ଟ ଅନୁସାରେ, ନବୀନ ଗତ ମାସରେ ୩୨ଟି ବିଜ୍ଞାପନ ଫେସ୍‌ବୁକ୍‌ରେ ଅପଲୋଡ କରିଛନ୍ତି । ବିଶେଷକରି ‘କାଳିଆ’ ସମାବେଶ, ମିଶନ ଶକ୍ତି ସମାବେଶ, ଯୁବ ସମାବେଶ ସହ ବିଭିନ୍ନ ବାର୍ତ୍ତା ଓ ସରକାରଙ୍କ ଜନକଲ୍ୟାଣ ଯୋଜନାର ଭିଡିଓ ସହ ଫଟୋ ସମ୍ବଳିତ ବାର୍ତ୍ତା ମଧ୍ୟ ନବୀନଙ୍କ ପକ୍ଷରୁ ଅପଲୋଡ଼ ହୋଇଛି । ଏପରିକି ଆଗକୁ ଏ ବାବଦରେ ଉଭୟ ନବୀନ ଓ ବିଜେଡି ଅଧିକ ପାଣ୍ଠି ଖର୍ଚ୍ଚ କରିବ ବୋଲି ସୂଚନା ମିଳିଛି ।
ବ୍ୟକ୍ତିଗତ ବିଜ୍ଞାପନରେ ନବୀନଙ୍କ ତଳକୁ ଅଛନ୍ତି, କେନ୍ଦ୍ରମନ୍ତ୍ରୀ ଜୟନ୍ତ ସିହ୍ନା । ତାଙ୍କର ବିଜ୍ଞାପନ ଦେୟ ହେଉଛି ୨ ଲକ୍ଷ ୯୫ ହଜାର ୮୯୯ ଟଙ୍କା । ତୃତୀୟ ସ୍ଥାନରେ ଅଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍‌ ଶାହ (୨,୧୨,୦୭୧) । ପରେ କ୍ରମାନ୍ୱୟରେ ଅଛନ୍ତି, ମୁରଲୀଧର ରାଓ (ବିଜେପି), ନରେନ୍ଦ୍ର ଖିଚର (ବିଜେପି), ୱାଇଏସ୍‌ଆର କଂଗ୍ରେସର ଜଗନ ମୋହନ ରେଡ୍ଡୀ (୧, ୭୬,୯୮୨), ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍‌ (୧,୭୨,୦୩୪), କେନ୍ଦ୍ରମନ୍ତ୍ରୀ ପୀୟୂଷ ଗୋୟଲ, ସୁନୀଲ ଦେଓଧର ଓ ଆନ୍ଧ୍ର ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ (୯୦ ହଜାର ଟଙ୍କା) । ଆଞ୍ଚଳିକ ଦଳଗୁଡ଼ିକ ମଧ୍ୟରେ ବିଜେଡି, ଏନ୍‌ସିପି, ଟିଡିପି, ଶିବସେନା ଓ ୱାଇଏସ୍‌ଆର କଂଗ୍ରେସ ଫେସବୁକ୍‌ ବିଜ୍ଞାପନରେ ଅଧିକ ଟଙ୍କା ଖର୍ଚ୍ଚ କରିଛନ୍ତି ।
କେବଳ ରାଜନେତା କିମ୍ବା ଦଳ ନୁହଁ ସରକାରୀ ବିଭାଗ ମଧ୍ୟ ଫେସବୁକରେ ବିଜ୍ଞାପନ ବାବଦକୁ ବେଶ୍‌ ମୋଟା ଟଙ୍କା ଖର୍ଚ୍ଚ କରିଛନ୍ତି । ମାଇଁ ଗଭର୍ଣ୍ଣନମେଣ୍ଟ, ଡିଜିଟାଲ ଇଣ୍ଡିଆ କ୍ୟାମ୍ପେନରେ ୩୫ ଲକ୍ଷ ଟଙ୍କା ନେଇଛି ଫେସବୁକ୍‌ । ବିଜେପି ‘ଭାରତ କେ ମନ କି ବାତ୍‌’ ପେଜ୍‌ ମାଧ୍ୟମରେ ସର୍ବାଧିକ ଅର୍ଥ ଖର୍ଚ୍ଚ କରିଛି । ଆଗକୁ ଫେସ୍‌ବୁକରେ ବିଜ୍ଞାପନ ଲଢ଼େଇ ଅଧିକ ଜୋର୍‌ଦାର୍‌ ହେବ ବୋଲି ବ୍ରାଣ୍ଡ କନସଲଟାଣ୍ଟମାନେ ଆଶା କରୁଛନ୍ତି । ସେଥିପାଇଁ ରାଜନେତା ଓ ରାଜନୈତିକ ଦଳଗୁଡ଼ିକ ଏବେ କଣ୍ଟେଣ୍ଟ ପ୍ରସ୍ତୁତିରେ ମାତିଛନ୍ତି ।

ସମ୍ବନ୍ଧିତ ଖବର